युइएफए नेसन्स लिग फुटबलमा स्पेन विजयी
युइएफए नेसन्स लिग फुटबलमा स्पेन विजयी भएको छ। आइतबार राति भएको खेलमा स्पेनले स्वीट्जरल्याण्डलाई ४–१ गोल अन्तरले पराजित गरेको हो। स्पेनको जितमा फावियन रुइजले २ गोल गर्दा जेसेलु र फेरान टोरेसले एक एक गोल थपेका थिए। स्वीट्जरल्याण्डका लागि मोहमद जेकी अमदौनीले एक गोल फर्काए। स्वीट्जरल्याण्डको मैदानमा पाहुना टोली स्पेनले चौथो मिनेटमै अग्रता लिएको थियो। युवा खेलाडी लामिने यामलको पासमा जोसेलुले गोल गर्दै अग्रता दिलाएका थिए। आठौं मिनेटमा स्वीट्रल्याण्डले गरेको गोल भारले मान्यता दिएन।
बिएल संवाददाता - काठमाडाैँ