Media for all across the globe

ओली सरकार असफल भइसक्यो: उपेन्द्र यादव

जनता समाजवादी पार्टी (जसपा) नेपालका अध्यक्ष उपेन्द्र यादवले कांग्रेस र कम्युनिष्ट मिलेर बनेको ओली सरकार असफल भएको दाबी गरेका छन्। मंगलबार जसपा नेपाल रौतहटको प्रथम जिल्ला अधिवेशनलाई सम्बोधन गर्दै अध्यक्ष यादवले कांग्रेस-कम्युनिष्टको सरकार बनेपछि अघि सारेका सहमति नै कार्यान्यवन नभएको बताए। उनले राजनीतिक स्थिरता, भ्रष्टाचार नियन्त्रण, सुशासन र संविधान संशोधन गर्ने भनिएको भएपनि पुरा नभएको जिकिर गरे। उनले अहिले नेपालको इतिहासमा सबैभन्दा धेरै भ्रष्टाचार, कुशासन र लुटतन्त्र भइरहेको बताए। संविधान संशोधन गर्ने नियतमा यो सरकारको गठन नभएको उनको दाबी छ।

बिएल संवाददाता - रौतहट

दाउन्नेमा अब १० घण्टा सवारी रोकिने, वैकल्पिक मार्ग कहाँ र कस्ता छन्?

पूर्वपश्चिम राजमार्गअन्तर्गत नारायणघाट-बुटवल खण्डमा पर्ने दाउन्नेको उकारो-ओरालो घुम्तीमा वर्षौंदेखि सडकको काम हुन सकेको छैन। जसका कारण करिब १४ किलोमिटरको यो सडक पार गर्न अहिले लगभग ६-७ घण्टासम्म लाग्ने गरेको छ।

बिएल संवाददाता - काठमाडाैं

वायु प्रदूषण आफैं हटेर जान्छ भन्ने सरकारी सोच नै गलत छः डा.भुपेद्र दास

वायु प्रदूषण पनि एकप्रकारको विपद् नै हो, यसले धेरै जाखिमहरु निम्ताएको छ। नेपालमा अहिले मृत्युदर बढ्दो क्रममा छ। जति जति समय बित्दै जान्छ, जलवायु परिवर्तन हुँदै गइरहेको छ। सोही अनुसार वायु प्रदूषण पनि बढि रहेको छ।

बिएल संवाददाता - काठमाडौँ

ओलीलाई ‘मोदी गृहकार्य’ : राजासहितको हिन्दू राष्ट्र

नेपालमा ‘राजा फर्काउने आन्दोलन’ सुरू भएकै छेको पारेर ओलीले 'मोदी-दर्शनभेट’ पाएका छन्। एक्लाएक्लै भएको यो भेटबाट एउटा आशंका उब्जिएको छ- ‘कतै यो भेट नेपालमा राजासहित हिन्दू राष्ट्र बनाउने शर्तमा त भएको थिएन ?’ राजावादीहरू हर्काउदै आएका ओलीसामु अर्को एउटा गम्भीर प्रश्न उभिएको छ।

बिएल संवाददाता - अमेरिका

प्रभु साहको ‘आम जनता पार्टी’का वरिष्ठ उपाध्यक्ष उपेन्द्र साहद्वारा पार्टी परित्याग

आम जनता पार्टीका वरिष्ठ उपाध्यक्ष उपेन्द्र साहले पार्टी परित्याग गरेको घोषणा गरेका छन्। उनले आफ्नो समाजिक सञ्जाल फेसबुकमार्फत पार्टीको कुनै जिम्मेवारी नरहने सार्वजनिक रूपमा घोषणा गरी राजीनामा दिएका हुन्। उनले फेसबुकमा लेखेका छन्,‘आम जनता पार्टीका राष्ट्रिय अध्यक्ष मा. प्रभु साहसँग भएको लामो सहयात्राको लागि उहाँलाई विशेष धन्यवाद दिन चाहन्छु। उहाँको पार्टी प्रगति गरोस् हार्दिक शुभकामना छ। आजको मितिदेखि म पार्टीको कुनैपनि सांगठनिक जिम्मेवारीमा नरहेको सबैमा जानकारी गराउँदछु।’ आम जनता पार्टीमा रहँदा आफ्ना स्वार्थ त्याग गरी प्रभु साहको लागि दिनरात इमानदारीपूर्वक लागेको र उनको समकक्षीको रूपमा सधैं साथ सहयोग गर्दै आएको उल्लेख गरे।

बिएल संवाददाता - काठमाडौं

तीनकुने घटनाको ‘निष्पक्ष छानबिन’ माग गर्दै मानवअधिकार आयोगमा नेपाल एकता पार्टीको निवेदन

पार्टीका प्रवक्ता उज्वल घिमिरेले हस्ताक्षर गरेको निवेदनमा भनिएको छ, ‘राष्ट्रिय मानव अधिकार आयोग जस्तो संवैधानिक र कानूनी हैसियत प्राप्त निकायबाट नेपालको संविधान, नेपाल पक्ष भएका मानव अधिकारसम्बन्धी अन्तर्राष्ट्रिय सन्धिसम्झौताको रोहबाट निष्पक्ष छानविन गरी सत्यतथ्य जानकारी पाउने आम नागरिकको नैसर्गिकता संरक्षण गर्नु, पीडितलाई क्षतिपूर्ति दिलाउनु तथा दोषी उपर कारवाहीको सिफारिस गर्नु त्यस सम्मानित आयोगको संवैधानिक कर्तव्य स्मरण गराउदै आस्थाका बन्दीलाई तत्काल रिहा गरी आजका मितिले ७ दिन भित्र विश्वासयोग्य छानविनको प्रक्रिया थालनी गरिपाउन सादर निवेदन गरिन्छ। नगरिएको अवस्थामा संलय तथा सम्मानित आयोग बिरुद्द अन्तराष्ट्रिय क्षेत्र (१९३ देश तथा अन्तराष्ट्रिय मानव अधिकार आयोग तथा नियोग) मा व्यक्तिपरक पत्राचार गरिने व्यहोरा समेत जानकारी गराउदै मिति २०८१|१२|१५ गते तिनकुनेमा भएको युद्द अपराध, शान्तिविरुद्द अपराध र मानवता विरुद्दको अपराधको छानविन गरी दोषी उपर अनुसन्धान र अभियोजनको सिफारिस गरि पाउँ।’

बिएल संवाददाता - काठमाडौं

नेपालको व्यंग्यः राप्रपाले डेढ-दुई लाख मान्छे ल्याउँछन् कि भन्ने लागेको थियो, नांगिएछन्

नेकपा एकीकृत समाजवादीका अध्यक्ष माधव नेपालले राप्रपाले बल्खुमा गरेको खबरदारी सभाले राजतन्त्र फर्किने कुनै सम्भावना नरहेको पुष्टि भएको व्यंग्य गरेका छन्। कोशी प्रदेश कमिटीको प्रथम अधिवेशन उद्घाटन समारोहलाई सम्बोधन गर्दै अध्यक्ष नेपालले राप्रपाले लाखौं मान्छे ल्याउने अनुमान गरिएपनि उनीहरू आफ्नै कारण नांगिएको टिप्पणी गरे। उनले भने, ‘आज कति मान्छे जुटाउलान् बल्खुमा भन्ने लागेको थियो । ७ हजार मान्छे ल्याए रे ! तपाईंहरू पनि हेर्नुहोला। राजेन्द्र लिङ्देनले राप्रपाले बल्खुमा अहिले जम्मा गरे रे ! प्रतिस्पर्धामा हामीले ६० हजार मान्छे ल्याएका थियौं भने उनीहरूले डेढ-दुई लाख मान्छे ल्याउँछन् कि भन्ने लागेको थियो सकेनन्। जनता हाम्रो साथमा छन्।’ नेपालले राजावादीहरूले आफ्नो पार्टी कार्यालयमा आक्रमण गरेर यसअघि नै नांगिसकेको टिप्पणी गरे। आजको प्रदर्शनले राप्रपाको स्वरुप देखिएको उनको भनाइ छ।

बिएल संवाददाता - काठमाडौं

राप्रपाले आफैं फोहोर उठाएपछि बालेनले दिए धन्यवाद

काठमाडौं महानगरपालिकाका मेयर बालेन्द्र साहले राप्रपाले बल्खुको कार्यक्रमपछि आफैं फोहोर उठाएको भन्दै धन्यवाद दिएका छन्। सोमबार बल्खुमा राप्रपाले खबरदारी सभा आयोजना गरेको थियो। उक्त कार्यक्रमपछि राप्रपाका स्वयंसेवकहरूले आफैं सरसफाइ गरेका थिए। राप्रपा नेताहरूले आफ्ना कार्यकर्ताहरूलाई फोहोर उठाउन निर्देशन नै गरेका थिए। बालेनले कसैलाई जरिवाना तिराउन नभइ कसैले पनि सार्वजनिक ठाउँमा फोहोर नगरुन भन्ने महानगरको चाहना रहेको बताएका छन्। बालेनले भनेका छन्, ‘कसले फोहोर गर्छन् र जरिवाना तिराउने भनेर महानगर बसेको हुदैन। सार्वजनिक स्थानमा कुनै पनि व्यक्ति, संस्था र कार्यक्रमले फोहोर नगरोस् भन्ने महानगर चाहन्छ। राप्रपाले आजको कार्यक्रममा आफै| सरसफाइ गरेकोमा धेरै धेरै धन्यवाद छ।’

बिएल संवाददाता - काठमाडौं

राप्रपाको कार्यक्रममा घुसपैठ गर्ने चारजना पक्राउ, भने- कुनै दलमा आवद्ध छैनौं

काठमाडौंको बल्खुमा राष्ट्रिय प्रजातन्त्र पार्टीले आयोजना गरेको खबरदारी सभामा घुसपैठ गरेको आरोपमा चारजनालाई प्रहरीले नियन्त्रणमा लिएको छ। राप्रपाको विरोध सभामा अवाञ्छित गतिविधि गरेको आशंकापछि राप्रपाकै स्वयंसेवकले उनीहरूलाई पक्राउ गरेर नियन्त्रणमा लिएर प्रहरीलाई बुझाएका हुन्। पक्राउ पर्नेमा दाङको घोराही नगरपालिका-४ का ४२ वर्षीय भरत वली, धादिङ रुविभ्यालीका ३० वर्षीय रमेश लामा, रामेछापको मन्थलीका १८ वर्षीय सुवास खड्का र नवलपुरका २७ वर्षीय रञ्जित क्षेत्री छन्। खड्का बल्खुमा र अरु तीनजना कीर्तिपुरमा बस्दै आएका छन्।

बिएल संवाददाता - काठमाडौं

नेपालको स्वास्थ्य सेवा सुधारमा सघाउन अन्तर्राष्ट्रिय समुदायसँग स्वास्थ्यमन्त्रीको आग्रह

स्वास्थ्य तथा जनसंख्यामन्त्री प्रदीप पौडेलले संयुक्त राष्ट्रसंघको मुख्यालयमा आयोजित जनसंख्या तथा विकास आयोगको ५८औं सत्रमा सम्बोधन गरेका छन्। सत्रलाई सम्बोधन गर्दै मन्त्री पौडेलले नेपालले पछिल्ला तीन दशकमा मातृ तथा सुत्केरीसँग सम्बन्धित मृत्युमा महत्वपूर्ण प्रगती हासिल गरेको बताए। दक्षता तथा परिवार नियोजनका साधनको प्रयोगमा वृद्धि तथा प्रजनन क्षमता र किशोरावस्थाको जन्मदरमा कमी तथा बालविवाह घटाउन समेत नेपालले सफलता पाएको मन्त्री पौडेलले बताए। ‘नेपाल आफ्नो स्वास्थ्य प्रणाली सबल बनाएर हरेक नागरिकलाई स्वस्थ्य सुविधा प्रदान गर्न प्रतिबद्ध छ,’ मन्त्री पौडेलले भने, ‘तर यो हामी एक्लैले मात्र गर्न सम्भव छैन।’ ग्रामीण क्षेत्रमा पर्याप्त पूर्वाधार विकास तथा स्वास्थ्य संस्थाको कमी हुनाले स्वास्थ्य पहुँचमा कठिनाइ भोग्नु परेको मन्त्री पौडेलले बताए।

बिएल संवाददाता - न्यूयोर्क

लिङदेनको दाबी- आईजीपी दीपक थापा एमालेको युवा संघको सहअध्यक्ष रहेछन्

राष्ट्रिय प्रजातन्त्र पार्टीका अध्यक्ष राजेन्द्र लिङदेनले नेपाल प्रहरीका आईजीपी दीपक थापा एमालेको कार्यकर्ता भएको आरोप लगाएका छन्। तीनकुनेको हिंसात्मक आन्दोलनपछि प्रहरीले कतिपय सूचना लुकाएको र झुटा सूचना सम्प्रेण गरेको आरोप लगाउँदै उनले प्रहरीलाई राजनीतिक दलको भातृ संगठन नबन्न चेतावनीसमेत दिए। मंगलबार पार्टीले बल्खुमा आयोजना गरेको खबरदारी सभालाई सम्बोधन गर्नै लिङदेनले आईजीपी थापा एमालेको युवा संघको सहअध्यक्ष जस्तो देखिएको टिप्पणी गरेका हुन्। उनले भने, ‘गृहमन्त्रीले आदेश दिए होलान् अनि प्रहरी चले होलान् भनेको त अहिलेको प्रहरी प्रमुख त एमालेको युवा संघको सहअध्यक्ष पो रहेछ त ल हेर्नुस् त। ए! हामीले भेटेका खोकाहरू, अश्रुग्यासका बोक्राहरू जहाँ एक्पायरी डेट २००८, २०१० लेखेको छ त्यो नक्कली हो?’

बिएल संवाददाता - काठमाडौं

राप्रपा नेताहरूसहित २० जनालाई थप १५ दिन हिरासतमा राख्न अदालतको अनुमति

राष्ट्रिय प्रजातन्त्र पार्टीका उपाध्यक्ष रवीन्द्र मिश्र र महामन्त्री धवलशमशेर जबरासहित २० जनालाई थप १५ दिन हिरासतमा राख्न अदालतले अनुमति दिएको छ। मंगलबार काठमाडौं जिल्ला अदालतका न्यायाधीश विष्णुप्रसाद उपाध्यायको इजलासले उनीहरूलाई १५ दिन थुनामा राखेर अनुसन्धान गर्न अनुमति दिएको हो। तीनकुनेमा चैत १५ गते भएको हिंसात्मक प्रदर्शनपछि पक्राउ परेका उनीहरूलाई भद्रकालीस्थित जिल्ला प्रहरी परिसर काठमाडौंको हिरासतमा राखिएको छ। उनीहरूविरुद्ध राज्यविरुद्धको कसुर र संगठित अपराध मुद्दामा अनुसन्धान भइरहेको छ। यसअघि उनीहरूलाई दुईपटक क्रमशः ५ दिन र ६ दिन म्याद थप गरिएको थियो।

बिएल संवाददाता - काठमाडौं

जडीबुटीमा आगो लगाउने माओवादी कार्यकर्ता रहेको पुष्टि भइसक्योः ज्ञानेन्द्र शाही

राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले राजावादी आन्दोलनका क्रममा जडीबुटी कम्पनीमा आगो लगाउनेहरू माओवादी कार्यकर्ता रहेको पुष्टि भएको दाबी गरेका छन्। मंगलबार पार्टीले बल्खुमा आयोजना गरेको खबरदारी सभामा बोल्दै उनले माओवादीका भिजिलान्तेहरू प्रयोग गरेर राजावादीको आन्दोलन बदनाम गर्ने प्रयास भएको दाबी गरेका हुन्। उनले भने, ‘हाम्रा साथीहरूलाई लगेर थुनेका छन् १७ हजार मारेर ५ हजारको जिम्मा लिन्छु भन्नेले मञ्चमा बसेर भाषण गर्छन्। राजावादीले हिंसा गरे रे? अहिले प्रमाणित भयो सरकारी सम्पत्तिमा तोडफोड गर्ने, जडीबुटीमा आगो लगाउने माओवादीको कार्यकर्ता भएको आज पुष्टि भएको छ। यस्ता भिजिलान्तेहरू प्रयोग गरेर झुटा मुद्दा लगाएर हाम्रा साथीहरूलाई थुनिएको छ।’

बिएल संवाददाता - काठमाडौं

सरकार ढल्ने त कुरै छोड्नस्, हल्लिदाँ पनि हल्लिन्न-प्रधानमन्त्री

‘कसैलाई सरकार ढाल्ने शोखजस्तै भएको छ। अब उनीहरू पनि थाके। सरकार बन्दाखेरि नै त्यस्तै भनेका थिए। दुई पार्टीको संकल्प छ। हामी चुनावसम्मै सँगै जान्छौं। चुनाव गराउँछौं र त्यसपछिको परिस्थिति त्यही बेला थाहा हुन्छ’ उनले भने ‘यो सरकार ढल्ने त कुरा छोड्नुस् हल्लिदाँ पनि हल्लिन्न।’

बिएल संवाददाता - काठमाडाैं

एकपटक फुट्नेवित्तिकै कम्युनिस्टहरू ‘फेरि मिल्न सक्दैनन्’ भन्नु मार्क्सवादी सोचाइ होइनः प्रचण्ड

नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले एक पटक फुट्नेवित्तिकै कम्युनिस्टहरू फेरि मिल्न सक्दैनन् भन्ने सोचाइ गलत भएको बताएका छन्। मंगलबार प्रगतिशील लेखक संघको १३औं राष्ट्रिय सम्मेलनबाट निर्वाचित समितिलाई बधाइ तथा शुभकामना दिँदै उनले फुट्ने वित्तिकै अब कुनै हालतमा कम्युनिस्ट एकता हुँदैन भन्नु मार्क्सवादी सोचाइ नभएको टिप्पणी गरेका हुन्। उनले भने, ‘हिजो विभाजन भएकाले अब एकता असम्भव छ भन्नु चाहिँ मार्क्सवादी सोचाइ हुन सक्दैन। त्यो द्वन्द्वात्मक भौतिकवाद हुन सक्दैन।’ उनले वामपन्थीहरू विभाजित भएपनि, कहिलेकाँही एकअर्काको आलोचना गरेपनि एकताको झण्डा भने कहिल्यै नछाडेको दाबी गरे। ‘हामी विभाजित पनि भयौं। कहिलेकाहीँ एक अर्काप्रति आलोचना पनि गरेका छौं। तर, हामीले एकताको झण्डा चाहिँ छाडेका छैनौं। अन्ततः फेरि वामपन्थी कम्युनिस्ट भन्नेहरू एक ठाउँमा आएर अघि बढ्नुपर्छ।’

बिएल संवाददाता - काठमाडौं

तीनकुने घटनाः शाही युवा शक्तिका नेता दिलबहादुर श्रेष्ठ पक्राउ

गत चैत १५ गते तीनकुनेमा भएको हिंसात्मक राजावादी आन्दोलनमा सहभागी भएको आरोपमा शाही युवा शक्तिका नेता पक्राउ परेका छन्। पक्राउ पर्नेमा शाही युवा शक्तिका दोस्रो वरीयताका नेता दिलबहादुर श्रेष्ठ छन्। उनलाई गोंगबु क्षेत्रबाट पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ। शाही युवा शक्तिका अध्यक्ष पशुपति खड्का यसअघि नै पक्राउ परिसकेका छन्। श्रेष्ठलाई अपराध अनुसन्धान कार्यालयले जिल्ला प्रहरी परिसर काठमाडौंमा बुझाउने तयारी गरेको छ।

बिएल संवाददाता - काठमाडौं

वायु प्रदूषणबारे विज्ञहरूको चिन्ताः सामान्य रुपमा नलिन सरकारसँग आग्रह

वातावरणविद् एवम सरोकारवालाहरुले नेपालमा बढिरहेको वायु प्रदूषणलाई सामान्य रुपमा लिन नहुने बताएका छन्। सोमबार नेपाल वातावरण पत्रकार समूह (नेवापस)ले आयोजना गरेको ‘वायु प्रदूषणको कहरः जवाफदेही को?’ शीर्षकको ‘हाकाहाकी बहस’मा बोल्ने अधिकांश सरोकारवालाहरुले वायु प्रदूषणमा चिन्ता व्यक्त गर्दै समाधानका उपाय तत्काल कार्यान्वयन गर्न सरकारको ध्यानाकर्षण गराएका छन्। काठमाडौंसहित देशैभर बढेको प्रदूषण रोकथाममा एक-अर्का निकायबीच सहकार्य र समन्वय गर्न उनीहरूले जोड दिएका हुन् । हरेक वर्षको सुख्खायाममा वन डढेलो लगायतका अन्य कारणले प्रदूषणको समस्या बढ्ने तथ्य र प्रमाणहरू हुँदाहुँदै समस्या जटिल भएपछि मात्रै समस्याका उपाय खोज्नु व्यवहारिक नहुने विज्ञहरूले जोड दिए । ‘अहिलेको मुख्य समस्या वन डढेलोको हो, खेतबारीमा कृषि अवशेष र खुला ठाउँमा फोहोर मैला जलाउँदा प्रदूषण बढेको छ,’ वायु गुणस्तर विज्ञ डा.भूपेन्द्र दासले भने, ‘नेपाल, भारत, बंगलादेश, पाकिस्तान हरेक वर्ष प्रदूषणको जोखिममा छन्, समाधानका उपायहरू खोज्न ढिलो गर्नु हुँदैन।’

बिएल संवाददाता - काठमाडौं

तीनकुनेको हिंसात्मक घटनामा संलग्न थप ६ जना पक्राउ

गत चैत्र १५ गते काठमाडौंको तीनकुने क्षेत्रमा राजावादी समूहको प्रदर्शनका क्रममा आगजनी, तोडफोड गर्ने थप ६ जना पक्राउ परेका छन्। पक्राउ पर्नेमा सर्लाही घर भएका ललितपुर टिकाथली बस्ने २२ वर्षका अमित शाह, सुनसरी धरानका १९ वर्षका सुमन कार्की, बर्दियाका ३४ वर्षका हेमराज थारु छन्। यस्तै धादिङका २७ वर्षीय दिवस बोगटी क्षेत्री, काभ्रेपलाञ्चोक घर भएकी ३० वर्षकी अनिता कुँवर(ऐनी), सिन्धुपाल्चोकका ३० बर्षका ३० कुमार तामाङ पक्राउ परेका परेका छन्।

बिएल संवाददाता - काठमाडौं

फाेहाेरले आकाश ढाक्याे, अँध्यारियाे काठमाडौं

केही दिनयता काठमाडौंकाे हावा निकै प्रदुषित भएकाे छ। आकाश धुम्म छ। दिनकाे उज्यालाेमा पनि काठमाडौं सहर साँझ परेजस्तै हुन्छ। हावामा प्रदुषणकाे मात्रा बढेपछि अहिले आँखा पीराे हुने, टाउकाे दुख्नेजस्ता समस्याहरू देखिन थालेका छन्। अस्पतालमा स्वासप्रश्वाससम्बन्धि बिरामी बढ्न थालेका छन्।

बिएल संवाददाता - काठमाडाैं

प्रदूषित शीर्ष स्थान पछिको काठमाडौँ सहर (तस्बिरहरु)

मंगलबार काठमाडौँको वायु प्रदूषण उच्च रहेको छ। आईकयू एयरले जारी गर्ने सूचीमा बिहान ७ बजेको मापनमा काठमाडौँ विश्वकै प्रदूषित सहरको सूचीको शीर्ष स्थानमा पुगेको हो।

बिएल संवाददाता - काठमाडौँ