BreakNLinks

शनिबार, २३ अगस्ट २०२५

राजनीति

रमेश लेखसहित कांग्रेसका शीर्ष नेता लिएर बालुवाटार पुगे देउवा, के भयो छलफल

बालुवाटारमा सत्तारुढ दलका शीर्ष नेताहरूबीच छलफल भएको छ। प्रधानमन्त्री केपी शर्मा ओलीले सत्तारुढ दल नेपाली कांग्रेसका सभापतिसहितका नेताहरुसँग छलफल गरेका छन् । आइतबार अपराह्न प्रधानमन्त्री केपी शर्मा ओलीले सत्तारुढ दल नेपाली कांग्रेसका सभापति शेरबहादुर देउवासहितका नेताहरूसँग छलफल गरेका हुन्। बैठकमा एमालेका तर्फबाट ओलीसहित वरिष्ठ उपाध्यक्ष ईश्वर पोखरेल, उपप्रधान एवम् अर्थमन्त्री विष्णु पौडेल कृषिमन्त्री रामनाथ अधिकारी थिए। कांग्रेसका तर्फबाट सभापति देउवासहित उपसभापति पूर्णबहादुर खड्का, गृहमन्त्री रमेश लेखक र परराष्ट्र मन्त्री डा. आरजू राणालगायत सहभागी थिए।

बिएल संवाददाता

बिएल संवाददाता - काठमाडौं

पर्यटनमन्त्रीको गुनासोः एउटा मात्रै मन्त्रालयले पर्यटन क्षेत्रलाई न्याय दिन नसकिने रहेछ

संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले राज्यले नेपालका पर्यटकीय क्षेत्रको लागि न्याय दिन नसकेको बताएका छन्। आइतबार राष्ट्रिय सामाचार समिति(रासस)को फोटो प्रदर्शनी शुभारम्भ समारोहमा बोल्दै उनले पर्यटनमन्त्री हुनुको नाताले कतिपय ठाउँका योजनाका मागहरू हेर्दा न्याय गर्न नसकिरहेको बताएका हुन्। उनले भने,‘फोटो प्रदर्शनीमा थुप्रै फोटोहरू देख्यौं। ती अद्वितीय ठाउँहरूमा हामीले केही न केही गर्नुपर्ने छ। राज्यले केही गर्नुपर्ने छ। तर यतिखेर हामीसँग साधन, स्रोतको अभाव छ। म पर्यटनमन्त्री हुनुको नाताले आएका मागहरू, योजनाका कुराहरू हेर्दा न्याय गर्न सकिरहेको छैनौं, जस्तो लाग्छ। अहिले फोटो हेर्दा मलाई भित्र-भित्रै पोलिरहेको थियो।’

बिएल संवाददाता

बिएल संवाददाता - काठमाडौं

गणतन्त्र दिवसलाई उत्सवका रूपमा मनाउने एमालेको निर्णय

नेकपा (एमाले)को ५२ औं सचिवालय बैठकले आगामी जेठ १५ गते गणतन्त्र दिवसलाई देशव्यापी उत्सवका रूपमा मनाउने निर्णय गरेको छ। आइतबार पार्टी कार्यालय च्यासलमा बसेको केन्द्रीय सचिवालय बैठकले गणतन्त्र स्थापना भएको दिनलाई विशेष उत्सवका रूपमा मनाउने निर्णय गरेको महासचिव शंकर पोखरेलले बताए। बैठकपछि महासचिव शंकर पोखरेलले जानकारी दिँदै भने,‘आजको बैठक समसामयिक विषयमा केन्द्रीत थियो। बैठकले जेठ १५ गते गणतन्त्र स्थापना भएको दिनलाई विशेष उत्सवका रूपमा मनाउने निर्णय गरेको छ। यस अवसरमा जनसमुदायलाई पनि गणतन्त्र दिवस उत्साहपूर्वक मनाउन आह्वान गरिएको छ।’

बिएल संवाददाता

बिएल संवाददाता - काठमाडौं

मेरो कम्बोडियामा ‘लगानी’ छ भनेर हल्ला फैलाउने प्रचण्ड होः ‌‌ओली

प्रधानमन्त्री केपी शर्मा ओलीले माओवादी अध्यक्ष प्रचण्डले ‘कम्बोडियामा लगानी छ’ भनेर आफ्नोविरुद्ध भ्रम फैलाएको आरोप लगाएका छन्। आइतबार एमालेको बागमती प्रदेशस्तरीय जननिर्वाचित वडाध्यक्षहरूको प्रशिक्षण कार्यक्रम उद्घाटन गर्दै ओलीले प्रचण्डले आफूविरुद्ध प्रचार गरिरहेको र माधव नेपाल र झलनाथ खनाल उनैको पछि लागेको टिप्पणी गरे। उनले भने, ‘कम्बोडियामा मेरो ३२ अरब लगानी छ भनेर हल्ला फिँजाउने पुष्पकमल दाहाल (प्रचण्ड) हो। त्यसको पछि लाग्नेहरु माधव नेपाल र झलनाथ खनालहरु हुन्।’ ओलीले आफूले कम्युनिष्ट भनेर पार्टी एकता गरेपनि लगभग दुई तिहाइमा पुगेको नेकपालाई विभाजनको अपराध गरेर देशी विदेशी तत्वहरूले एमालेको देश बनाउने अभियानलाई रोक्न खोजेको टिप्पणी गरे।

बिएल संवाददाता

बिएल संवाददाता - काठमाडौं

वडाध्यक्षहरूलाई ओलीको चेतावनीः चुनाव जितें भनेर नभाग्नुस्, अर्कोपटक पनि आउँछ

प्रधानमन्त्री एवं एमाले अध्यक्ष केपी शर्मा ओलीले पार्टीबाट स्थानीय तहका निर्वाचित वडाध्यक्षहरूलाई जनता र पार्टीबीचको सम्बन्धलाई सुदृढ बनाएर विकास र सुशासनका लागि काम गर्न निर्देशन दिएका छन्। आइतबार एमालेको बागमती प्रदेशस्तरीय जननिर्वाचित वडाध्यक्षहरूको प्रशिक्षण कार्यक्रम उद्घाटन गर्दै ओलीले जनतालाई छिटो र सहज सेवाका साथै विकास र सुशासन कायम गर्ने क्रममा निर्वाचित पालिकाका प्रमुख, उपप्रमुख अरु पार्टी र पक्षसँग पनि राम्रो सम्बन्ध कायम गरी काम गर्न आग्रह गरे।

बिएल संवाददाता

बिएल संवाददाता - ललितपुर

ग्वार्को ‘फ्लाईओभर’को अनुगमनमा यातायातमन्त्री, असार १ बाट सञ्चालनमा ल्याउने

भौतिक पूर्वाधार तथा यातायातमन्त्री देवेन्द्र दाहालले ग्वार्को फ्लाई ओभरको अनुगमन गरेका छन्। आइतबार उनले ग्वार्को फ्लाई ओभरको अवस्थाबारे स्थलगत अनुगमन गरेका हुन्। सोही क्रममा उनले ग्वार्को फ्लाई ओभरको काम जेठको अन्तिमसम्ममा सम्पन्न गरेर असारको १ गतेदेखि सञ्चालन गर्ने तयारीमा रहेको बताए। उनले भने, ‘फ्लाई ओभरको काम कर्मचारीहरूले पनि हेर्नुपर्ने थियो। तर सुरुमा समस्या देखिएन पछि गएर देखियो। त्यसैले पुनः तलैदेखि बनाउनु पर्ने अवस्था आयो। जसका कारण ढिला भयो। ढिलै भएपनि परिणाम राम्रै आएको छ। अब जेठको अन्तिमसम्ममा काम सम्पन्न गरेर असारको १ गतेदेखि सञ्चालन गर्ने हाम्रो तयारी छ।’

बिएल संवाददाता

बिएल संवाददाता - काठमाडौं

रविविरुद्धको आदेशमा त्रुटि भेटियो, आजै सच्याउन पेशी तोकियो

राष्ट्रिय स्वतन्त्र पार्टी (रास्वपा) सभापति रवि लामिछानेको मुद्दामा भएको आदेशमा त्रुटि भेटिएको छ। शुक्रबार सर्वोच्चका न्यायाधीशद्वय बालकृष्ण ढकाल र नहकुल सुबेदीको इजलासले गरेको आदेशलाई ‘फैसला’ लेखिएको भेटिएको छ। सोही त्रुटि सच्याउन आइतबार सर्वोच्च अदालत आफैंले उनीहरूकै इजलासमा पेसी तोकेको सर्वोच्चका सहप्रवक्ता उपरजिष्ट्रार निराजन पाण्डेले जानकारी दिएका छन्।

बिएल संवाददाता

बिएल संवाददाता - काठमाडौं

गृहमन्त्रीको बचाउमा उत्रिए सिटौला, राजीनामा आवश्यक नभएको जिकिर

नेपाली कांग्रेसका राष्ट्रिय सभा सांसद कृष्णप्रसाद सिटौला गृहमन्त्री रमेश लेखकको बचाउमा उत्रिएका छन्। आइतबार विराटनगरमा पत्रकार सम्मेलनमा बोल्दै उनले एउटा कर्मचारीको गल्तीलाई आधार बनाएर प्रमुखको राजीनामा माग्नुले गलत नजिर बस्ने बताउँदै लेखकको बचाउ गरेका हुन्। नेता सिटौलाले विगतमा मन्त्रीहरू माथि नै कुरो उठेकोले राजीनामा दिएको दाबी गर्दै कर्मचारीमाथि आरोप लागेका बेला गृहमन्त्रीले राजीनामा दिनुनपर्ने बताए।

बिएल संवाददाता

बिएल संवाददाता - विराटनगर

राजीनामाको दबाव झेल्दै गृहमन्त्री

यो प्रकरणपछि गृहमन्त्रीले राजीनामा दिनुपर्ने भन्दै आमनागरिकस्तरबाटै दबाव बढ्न थालेको छ। प्रतिपक्ष दलका सांसदहरूले समेत गृहमन्त्रीको राजीनामा माग गरिरहेका छन्।  उनकै पार्टी नेपाली काँग्रेसभित्रै पनि नैतिकताको आधारमा राजीनामा दिनुपर्ने माग उठेको छ। शनिबार बिराटनगरमा नेपाली काँग्रेसका नेता डा. शेखर कोइरालाले पनि गृहमन्त्रीले राजीनामा दिएर छानबिनलाई सजिलो बनाउनुपर्ने धारणा राखेका थिए।

बिएल संवाददाता

बिएल संवाददाता - काठमाडौं

‘जापान भ्रमण उपलब्धिमूलक भयो’

परराष्ट्रमन्त्री डा आरजु राणा देउवाले आफ्नो हालै सम्पन्न पाँच दिने जापान भ्रमणलाई उपलब्धिमूलक भएको बताएकी छिन्। गएराति स्वदेश फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै मन्त्री डा राणाले भ्रमणका क्रममा जापानका उच्च अधिकारीहरूसँग भएका भेटवार्ता तथा छलफल नेपालका लागि महत्त्वपूर्ण रहेको बताइन्।

बिएल संवाददाता

बिएल संवाददाता - काठमाडौँ

रास्वपा केन्द्रीय समिति बैठक बस्दै

राष्ट्रिय स्वतन्त्र पार्टी (रास्वपा)को केन्द्रीय समिति बैठक आज बस्ने भएको छ। यसअघि हिजो केन्द्रीय समितिको आकस्मिक भर्चुअल बैठक बसेकोमा आज भौतिक उपस्थितिमै बैठक बस्न लागेको हो।

बिएल संवाददाता

बिएल संवाददाता - काठमाडौँ

गृहमन्त्रीको गुनासोः मेराविरुद्ध नियोजित रुपमा झुट्टा प्रचारबाजी गरियो

गृहमन्त्री रमेश लेखकले आफ्नो विरुद्ध नियोजित रूपमा झुट्टा प्रचारबाजी भइरहेको बताउँदै आरोपहरूको कडा खण्डन गरेका छन्। शनिबार प्रेस ब्रिफिङ गर्दै उनले त्रिभुवन अन्तर्राष्ट्रिय विमानस्थलको अध्यागमन सम्बन्धि भिजिट भिसाको विषयलाई लिएर गरिएको आलोचना आधारहीन रहेको दाबी गरे। लेखकले आफूमाथि लागेका आरोप र वास्तविकताबारे आगामी जेठ १३ गते प्रतिनिधिसभामा उपस्थित भएर विस्तृत धारणा राख्ने जानकारी दिए। उनले यथार्थ तथ्य सार्वजनिक गरिने बताउँदै अनावश्यक भ्रममा नपर्न आग्रह समेत गरे।

बिएल संवाददाता

बिएल संवाददाता - काठमाडौं

गृहमन्त्रीको बचाउमा उत्रियो मन्त्रालय, अख्तियारलाई सघाउने

गृहमन्त्रालयले भिजिट भिसा प्रकरणमा गृहमन्त्रीलाई जोडेर भइरहेको प्रचारप्रति गम्भीर ध्यानाकर्षण भएको जनाएको छ। जनकपुर पुगेर गृहमन्त्री रमेश लेखकले मुख खोलेलगत्तै मन्त्रालयका सहसचिव छवि रिजालले शनिबार विज्ञप्ति जारी गर्दै विगत केही दिनयता त्रिभुवन अन्तर्राष्ट्रिय विमानस्थल अध्यागमन कार्यालयको घटनासँग मन्त्रालयको नेतृत्वलाई जोडेर विभिन्न पत्रपत्रिका तथा सामाजिक सञ्जालमा आएका समाचार एवम् क्रियाप्रतिक्रिया प्रति मन्त्रालयको गम्भीर ध्यानाकर्षण भएको बताएका हुन्। विज्ञप्तिमा भनिएको छ, ‘यस प्रकारका कपोलकल्पित, भ्रामक र आधारहीन समाचार प्रकाशित र प्रसारित भएको प्रति मन्त्रालय दुःख व्यक्त गर्दछ। यस्ता कुनैपनि गैरकानूनी वा भ्रष्टाचारजन्य कार्यमा मन्त्रालयको नेतृत्वको कुनै प्रकारको संलग्नता नरहेको र नरहने विषय स्पष्ट गर्दछौं। साथै, विषयको गम्भीरतालाई मध्यनजर गरी सत्यतथ्य विषयवस्तु मात्र प्रकाशन र प्रसारण गरिदिनु हुन अनुरोध गर्दछौं।’

बिएल संवाददाता

बिएल संवाददाता - काठमाडौं

भिजिट भिसामा मुछिएकालाई सुमनाको ‘श्रद्धाञ्जली’

राष्ट्रिय स्वतन्त्र पार्टीकी सांसद सुमना श्रेष्ठले भिजिट भिसा प्रकरणमामा संलग्नहरूलाई श्रद्धाञ्जली दिएकी छन्। शनिबार उनले सामाजिक सञ्जालमार्फत यो भिजिट भिसा प्रकरण मात्र नभएर मानव तस्करी भएको बताइन्। उनले आफ्नै नागरिकहरूलाई मूल्य तोकेर बेच्ने र किन्ने विदेशीहरूलाई एकमुष्ट श्रद्धाञ्जली दिएकी हुन्। उनले भनेकी छन्, ‘यो भिजिट भिसा प्रकरण हैन, मानव तस्करी हो! आफ्नै छोराछोरीहरूलाई अनजान ठाउँमा बिना कुनै श्रम अधिकार संरक्षण पठाउने, त्यो ‘मूल्य’ तोकेर किन्ने विदेशीहरू र यस्तो विषयमा रोक्नुको सट्टा आफ्नो लागि भाग खोज्ने तपाईंहरू सम्पूर्णमा- हार्दिक श्रद्धाञ्जली- तपाईंलाई नर्क पनि प्राप्त हुन्न होला!’

बिएल संवाददाता

बिएल संवाददाता - काठमाडौं

जागरण अभियानबाट हौसिए प्रचण्ड, भन्छन्ः देश फेरि माओवादीमय हुने देखिरहेको छु

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले देशका वृद्धवृद्धाहरू, युवायुवतीहरू र बालबालिकाहरू एकचोटी फेरि माओवादीप्रति समर्पित हुने भाव पैदा भएको देखिएको बताएका छन्। ‘जनतासँग माओवादी-मध्यपहाडी (पुष्पलाल) लोकमार्ग जनजागरण अभियान’ अन्तर्गत कास्की रानीपौवा, पोखरामा आयोजित जनसंवाद कार्यक्रमलाई सम्बोधन गर्दै उनले निकै ठूलो जिम्मेवारी माओवादीको काँधमा र एकचोटी फेरि प्रचण्डको काँधमा नयाँ क्रान्ति एवम् अभिभारा दिन नेपाली जनता तयार भएको बताएका हुन्। उनले भने, ‘यो देशका वृद्धवृद्धाहरू, युवायुवती र बालबालिकाहरू पनि एकचोटी फेरि माओवादीप्रति समर्पित हुने भाव पैदा भएको देखिएको छ। देश माओवादीमय, स्वतन्त्रमय बन्दै गएको छ। हामी ०६४ जस्तै देश माओवादीमय हुने र प्रचण्डमय अवस्था देखिरहेको छु। निकै ठूलो जिम्मेवारी माओवादीको  काँधमा वा प्रचण्डको काँधमा नयाँ क्रान्ति एवम् अभिभारा दिन नेपाली जनता तयार भएको महशुस गरेको छु।’

बिएल संवाददाता

बिएल संवाददाता - पोखरा

जनकपुर पुगेर गृहमन्त्रीले भनेः गलत गरेको दिनबाट राजनीतिमा देखा पर्दिनँ

भिजिट भिसा प्रकरणमा मुछिएका गृहमन्त्री रमेश लेखकले आफूले गलत काम गरेको प्रमाणित भएको दिनबाट राजनीतिमा देखा नपर्ने बताएका छन्। शनिबार धनुषा जिल्लास्थित नेपाली कांग्रेसको पार्टी कार्यालयमा कार्यकर्ताले उठाएको प्रश्नको जवाफ दिँदै गृहमन्त्री लेखकले यस विषयमा आफूले केही दिनपछि बोल्ने तर गृहमन्त्रालयले आजै विज्ञप्ति निकालेर स्पष्ट पार्ने बताए। लेखकले भने, ‘केही दिनदेखि भिजिट भिसासँग जोडेर मेरो बारेमा समाजिक संजालमा लेख्ने काम भइरहेको छ। दुई/तीन दिन किन चुप लागेर बसेका थिएँ, यो कहाँबाट, कसरी, किन भइरहेछ भन्ने खोजीराखेको थिएँ। यस विषयमा मैले धेरै कुरा थाहा पाइसकेको छु। आजै काठमाडौं पुगेपछि मेरो मन्त्रालयले विज्ञप्ति निकाल्छ र दुई/चार दिनमा आफैं पनि केही कुरा बोल्छु। अनि देशभरका साथीहरूलाई प्रष्ट हुन्छ। त्यसो हुनाले त्यतातिर अहिले धेरै बोल्दिनँ।’

बिएल संवाददाता

बिएल संवाददाता - जनकपुरधाम

गृहमन्त्रीलाई नैतिकताको आधारमा राजीनामा दिन शेखरको सुझाव (भिडियोसहित)

नेपाली कांग्रेसका नेता डा. शेखर कोइरालाले गृहमन्त्री रमेश लेखकलाई नैतिकताको आधारमा राजीनामा दिन सुझाव दिएका छन्। शनिबार विराटनगर विमानस्थलमा सञ्चारकर्मीसँग कुरा गर्दै कोइरालाले गृहमन्त्रालय लेखककै अन्डरमा रहेकाले प्रश्न उठिसकेपछि नैतिकताको आधारमा राजीनामा दिएर छानबिनमा सघाउनु उपयुक्त हुने सुझाव दिएका हुन्। ‘अहिले रमेशजीको जुन कुरा आएको छ, गृहमन्त्रालय त उहाँकै अन्डरमा छ नि त। रमेशजीको कुरा उठेपछि नैतिकताको आधार राजीनामा दिएर छानबिन गर्नुस् तपाईँहरू भने भइहाल्यो नि, गृह मन्त्रालय त उहाँकै अन्डरमा छ नि त। उहाँले नैतिकताको हिसाब म क्लिन छु, मैले राजीनामा गरें, छानबिन समिति बनाउनुस् गर्नुहोस्, भने भइहाल्यो नि। त्यसले मोरल स्ट्याटस पनि देखिन्छ।’ भिजिट भिसा प्रकरणमा अख्तियारले छानबिन थालेपछि गृहमन्त्रीको समेत संगलग्नता गरहेको आरोप लागिरहेका छन्। गृह प्रशासन आफ्नै अन्डरमा रहेकाले अनुसन्धान निष्पक्ष हुनेमा आशंका उत्पन्न हुने भन्दै शेखरले लेखलाई मार्गप्रशस्त गर्न आग्रह गरेका हुन्।

बिएल संवाददाता

बिएल संवाददाता - काठमाडौं

प्रचण्डलाई कास्कीका पाँच वामपन्थी दलको ज्ञापनपत्र

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)लाई कास्कीका पाँच वामपन्थी समाजवादी दलहरूले संयुक्त ज्ञापनपत्र बुझाएका छन्। जनतासँग माओवादी मध्यपहाडी लोकमार्ग (पुष्पलाल लोकमार्ग) जनजागरण अभियानअन्तर्गत कास्की पुगेका प्रचण्डलाई बामपन्थी दलहरूले ज्ञापनपत्र बुझाएका हुन्। ज्ञापनपत्र बुझाउन नेपाल कम्युनिस्ट पार्टी, क्रान्तिकारी कम्युनिस्ट पार्टी, नेपाल समाजवादी पार्टी (नेसपा) लगायत अन्य समाजवादी धारका दुई दलहरू समेत सहभागी थिए।

बिएल संवाददाता

बिएल संवाददाता - कास्की

माओ सम्झिदै एमाले महासचिवः विरोधीहरूले ‘आलोचना’ गरे भने सम्झिनु हामी सही ठाउँमा छौं

नेकपा एमालेका महासचिव शंकर पोखरेलले माओको भनाइ सेयर गर्दै एमालेले राम्रो काम गर्दा विरोधीहरूले आलोचना गर्ने बताएका छन्। शनिबार सामाजिक सञ्जालमा माओले चिनियाँ क्रान्तिका सन्दर्भमा भनेको भनाइ सेयर गर्दै पोखरेलले एमालेजनलाई माओको भनाइ गहिरोगरी अनुभूत गर्न आग्रह गरेका छन्। उनले भनेका छन्, ‘विरोधीहरूले हाम्रा काम र नीतिको प्रशंसा गरे भने सम्झनु कतै भुल त भएको छैन? उनीहरूले तिखो आलोचना गरे भने सम्झनु हामी सही ठाउमा छौं।’ माओले चिनियाँ क्रान्तिका सन्दर्भमा भनेको यो भनाई एमालेजनलाई यतिबेला गहिरोगरी अनुभूती हुनु आवश्यक छ।’

बिएल संवाददाता

बिएल संवाददाता - काठमाडौं

ट्रेन्डिङ