आफूलाई हिन्दुराष्ट्रको हिमायतीको रुपमा परिचय गराउँदै आएका धार्मिक अभियन्ता पुष्कर खतिवडा पक्राउ परेका छन्। सामाजिक सञ्जालमा चर्चित ज्योतिषीसमेत रहेका उनले आफूलाई निवासबाटै पक्राउ गरिएको सामाजिक सञ्जालमार्फत नै जानकारी गराएका हुन्। काठमाडौँ प्रहरी परिसरबाट खटिएको प्रहरी टोलीले शनिबार बिहान उनलाई इमाडोलस्थित घरबाटै पक्राउ गरेको हो।
बिएल संवाददाता - काठमाडौं
नेकपा माओवादी केन्द्रका अध्यक्ष पुष्पकमल दाहाल प्रचण्डले शुक्रबार भएको सबै आपराधिक गतिविधिको पछाडि ज्ञानेन्द्र शाहनै संलग्न भएको दाबी गरेका छन्। शनिबार नेकपा एकीकृत समाजवादीको केन्द्रीय कार्यालयको अवलोकन गर्दै उनले ज्ञानेन्द्र शाहको मानसिकता नै आपराधिक रहेको कुरा इतिहासमा पनि देखिएको र अहिले पनि देखिएको भन्दै यसरी छाडा हुने छुट दिन नहुने बताए। उनले सरकारले कडा कदम चाल्ने समय पनि यही नै भएको भन्दै अपराधीहरू सबैलाई छानबिन गरेर कारबाहीको दायरामा ल्याउनुपर्ने बताए।
बिएल संवाददाता - काठमाडौं
सरकारले पूर्व राजा ज्ञानेन्द्र शाहको राहदानी (पासपोर्ट) रद्द गर्ने तयारी गरेको छ। गृहमन्त्रालय उच्च स्रोतका अनुसार उनी विदेश भाग्ने तयारीमा रहेको सुराकी पाएपछि पासपोर्ट रद्द गर्ने प्रक्रिया अघि बढाइएको हो। शुक्रबारको हिंसात्मक आन्दोलनका लागि राजावादीहरूलाई उनैले उक्साएको सरकारको ठम्याइ छ। पूर्वराजाले आन्दोलनको अघिल्लो दिन दुर्गा प्रसाईं र नवराज सुवेदीलाई भेटेर हिंसात्मक आन्दोलनको निर्देशन दिएको सरकारको दाबी छ।
बिएल संवाददाता - काठमाडौं
यो कुनै राजनीतिक दर्शनभन्दा पनि अपराधिक काम भएको भन्दै यसको लागि सरकारले आवश्यक कारबाही गर्ने बताए। सञ्चारगृहलगायत सम्पूर्ण नागरिकको जीवन सुरक्षाका लागि पनि कुनै कसर बाँकी नराख्ने उनको भनाई छ। उनले भने, ‘तपाईंहरूलाई दुःख र पीडा भयो यो एकदमै अपराधिक काम हो। यो कुनै राजनीतिक कुरा होइन, राजनीतिक दर्शन, चेतनाको कुरा होइन, नितान्त अपराधिक काम हो। यसको लागि सरकारले आवश्यक कारबाही गर्छ र सञ्चार गृहलगायत सम्पूर्ण नागरिकको जीवन सुरक्षाका लागि कुनै कसर बाँकी राख्दैनौं।’
बिएल संवाददाता - काठमाडौं
शुक्रबार राजावादी समुहले काठमाडौंको तीनकुनेलगायत स्थानमा तोडफोडसहित आगजनी गरेपछि शनिबार गृहमन्त्री रमेश लेखकले उक्त स्थानहरूमा स्थलगत अनुगमन गरेका छन्। गृहमन्त्री लेखक तीनकुने पुगेर तोडफोडबाट पुगेको क्षतिको अनुगमन गरेका हुन्। राजतन्त्रवादीहरूको आन्दोलनका क्रममा तीनकुने क्षेत्रमा ठूलो मात्रामा जनधनको क्षति भएको छ। पत्रकारसहित दुईजनाको मृत्यु हुँदा धेरै घरहरूमा तोडफोड, आगजनी, र व्यापारिक कम्प्लेक्समा लुटपाटका घटना भएका थिए।
बिएल संवाददाता - काठमाडौं
७.९ रेक्टर स्केलको उक्त भूकम्पमा परेर १० हजारभन्दा धेरै मानिस मारिएको हुनसक्ने स्थानीय प्रशासनले आशंका गरेको छ।
बिएल संवाददाता - काठमाडाैँ
.jpg)
राजावादीहरूले शुक्रबार तीनकुनेकाे एउटा व्यावसायिक भवनमा आगाे लगाइदिएका थिए। त्यहीँबाट भिडिओ खिचिरहेका पत्रकार रजककाे त्यसैमा जलेर मृत्यु भएकाे हाे। प्रदर्शनकारीले भवनकाे मूल गेटमा ताल्चा लगाइदिएर पत्रकारलाई थुनेका थिए।
बिएल संवाददाता - काठमाडाैँ
चैत १५ गते राजावादी र गणतन्त्रवादी समाजवादी मोर्चाले आआफ्ने शक्ति प्रदर्शन गर्ने भनेका थिए। यो प्रदर्शनमा राजावादीहरूको आन्दोलन हिंस्रक बन्यो। बिएल नेपाली सेवाकी ईशु राईले त्यो हिंस्रक आन्दोलनका बारेमा ब्रिफ्रिङ गरेकी छन्…
बिएल संवाददाता - काठमाडाैँ
‘सरकार अब हेरेर बस्दैन। किनकि यो कुनै राजनीतिक आन्दोलन होइन। यो आपराधिक लुटपाटको हिंसाजनक अमानवीय कार्य हो। यसमा सरकार आज जस्तै संयमित भएर आगामी दिनमा बस्छ जस्तो मलाई लाग्दैन’ उनले भने ‘यो सबको जिम्मेवार दुर्गा प्रसाईं हुन् भन्ने हाम्रो ठहर हो। उनीहरूलाई कानुनअनुसार कारबाहीमा ल्याएरै छोड्छौं।’
बिएल संवाददाता - काठमाडाैँ
तीनकुनेस्थित एउटा ब्यापारिक भवनमा राजावादीहरूले आगजनी गरेका थिए। उक्त घरको छतमा बसेर आन्दोलनको दृश्य खिचिरहेका एभिन्यूजका पत्रकार सुरेश रजकको मृत्यु भएको प्रहरीले जनाएको छ।
बिएल संवाददाता - काठमाडाैँ
राजावादीको प्रददर्शन उग्र हुँदा भएको झडपमा एकजना मारिएका छन् भने प्रहरीसहित २२ जना घाइते भएका छन्। प्रहरीले प्रदर्शनकारीलाई नियन्त्रण गर्नका लागि अश्रुग्याँस र हवाइफायर गरेको थियो।
बिएल संवाददाता - काठमाडाैँ
त्यो बेलासम्म दुर्गा प्रसाईं भने आफैले गाडी हाँकेर त्यहाँबाट निस्किए। प्रसाईं बीएबी ४२०८ नम्बरको कार चढेर आएका थिए। त्यही कार हाँकेर त्यहाँबाट निस्किए। त्यहाँबाट निस्किएर उनले सामाजिक सञ्जालबाट प्रहरीले दमन गरेको र प्रदर्शनस्थलमा जान नदिनका लागि अश्रुग्याँस हानेको आरोप लगाए। उनले राजावादीहरूलाई निजी सम्पत्तीमा आगजनी नगर्न पनि अपिल गरे। त्यतिञ्जेल प्रदर्शनकारी झन उग्र भइसकेका थिए। प्रसाईं आफैले गाडीबाट हात हल्लाउँदै प्रदर्शनकारीलाई प्रहरीको घेरा तोड्न लगाएर झन उक्साएका थिए।
बिएल संवाददाता - काठमाडाैँ
प्रदर्शनकारीहरूले तीनकुने क्षेत्रलाई हिंस्रक बनाएपछि त्यहाँ प्रशासनले कर्फ्यू आदेश जारी गरेसँगै नेपाली सेनाले पनि गस्ती गरेकाे हाे।
बिएल संवाददाता - काठमाडाैँ
तीनकुनेमा प्रदर्शन गरिरहेका राजावादी प्रदर्शनकारीहरूले व्यक्तिका घरघरमा आगजनी गर्दै आतंक मच्चाउन थालेपछि प्रशासनले कर्फ्यू आदेश जारी गरेकाे हाे।
बिएल संवाददाता - काठमाडाैँ
प्रदर्शनकारी कार्यालयका सबै सिसाहरू फुटाउँदै भित्र छिरेर सामानहरू झिकेर आगाे सल्काइदिएका हुन्।
बिएल संवाददाता - काठमाडाैँ
त्यसपछि प्रहरीले प्रदर्शनकारीमाथि अश्रुग्याँस र पानीको फोहरा हानेको थियो। अहिले पनि तीनकुने रणमैदान बनिरहेको छ। प्रहरीले प्रदर्शनकारीलाई लक्षित गरी गाेलीसमेत प्रहार गरेकाे छ।
बिएल संवाददाता - काठमाडौं
काठमाडौंस्थित तीनकुनेको एक घरमा आगजनी भएको छ। राजसंस्था पुनस्थापनासहितको माग गरेका राजावादी प्रदर्शनकारीहरूले ढुंगा प्रहार गरेर सिसा फुटाएकाे घरमा आगजनी भएको हो।
बिएल संवाददाता - काठमाडाैं
नेपाल विद्युत् प्राधिकरणका कार्यकारी निर्देशक कुलमान घिसिङलाई सरकारले हटाएपछि हटाउनुको कारण प्रधानमन्त्री केपी शर्मा ओलीले प्रतिनिधिसभा बैठकमा दिनुपर्ने माग राख्दै बुधबारदेखि प्रतिनिधिसभा बैठकमा अवरोध गर्दै आएका छन्। तर प्रधानमन्त्री ओलीले भने सदनमा जवाफ नदिने सार्वजनिक कार्यक्रममा बताइसकेका छन्।
बिएल संवाददाता - काठमाडाैं
प्रहरीले उनीहरूलाई बानेश्वतिर आउन दिएको छैन। जवर्जस्ती गर्न थालेपछि प्रहरीले प्रदर्शनकारीलाई अश्रुग्याँस प्रहार गरेको थियो।
बिएल संवाददाता - काठमाडौं
थाईल्याण्ड र म्यानमार शक्तिशाली भुकम्प गएको छ। म्यानमारलाई केन्द्रबिन्दु बनाएर दुबै देशको जमिन बेस्सरी हल्लाउनेगरी गएको भूकम्प ७.९ म्याग्निच्यूडको भएको बताइएको छ।
बिएल संवाददाता - काठमाडौं
१ .
२ .
३ .
४ .
५ .
