हुलाकी सडक नेपालगन्जका प्रमुख भण्डारीविरुद्ध अख्तियारमा उजुरी
हुलाकी सडक नेपालगन्जका प्रमुख लिलाबहादुर भण्डारीविरुद्ध अख्तियार दुरुपयोग अनुसन्धान आयोगमा उजुरी परेको छ। भण्डारीले आफ्नो सरकारी हैसियत दुरुपयोग गरी विभिन्न ठेक्कापट्टामा भ्रष्टाचारजन्य कार्यगरी अकुत सम्पति कमाई भष्टाचार निवारण ऐन २०५९ को गम्भीर उल्लंघन गरेको आरोप लगाउँदै डिल्लीराम खनालले अख्तियारमा उजुरी दिएका हुन्। विभिन्न सडक आयोजनाहरूको गुणस्तर र परिणाम कायम नगरी ठेकेदारसँगको मिलेमतोमा ठेक्का सम्झौता भन्दा बढी भुक्तानी दिएको, सडक निमार्ण नै नगरी रकम भुक्तानी दिएबापत घुस लिइ भ्रष्टाचारजन्य गरेकोमा उनीविरुद्ध यसअघि नै अख्तियारमा उजुरी परेको थियो। उक्त उजुरीमाथि हालसम्म छानबिन नगरिएको खनालको उजुरीमा उल्लेख छ। प्रमुख भण्डारीविरुद्ध निर्माण कम्पनीसँगको मिलेमतोमा गैरकानुनी ठेक्का लगाइ भ्रष्टाचार गरेको आरोप लगाइएको छ।
बिएल संवाददाता - काठमाडौं
