विद्यालय कर्मचारीहरूले छुट्टै आन्दोलनको घोषणा गर्ने बताएका छन्। नेपाल शिक्षक महासंघ र सरकारबीच भएको सहमति आफूहरूलाई मान्य नहुने बताउँदै छुट्टै आन्दोलनको घोषणा गर्ने बताएका हुन्।
बिएल संवाददाता - काठमाडाैं
राजनीतिमा खासै चासो नभएका पूर्वनवयुवराज हृदयन्द्र शाहलाई अनावश्यक रुपमा बहसमा तान्ने प्रयास भएपछि प्रतिक्रिया दिएका छन्। केही दिनअघि अभिनेत्री सुरक्षा पन्तले एक टेलिभिजन अन्तर्वातामा हृदयन्द्रलाई फिल्म क्षेत्रमा आउन सुझाव दिएपछि उनी विवादित बनिन्। उनीमाथि सामाजिक सञ्जालमा आक्रमण भयो। उनको चलचित्र बहिष्कार अभियान नै चल्यो। राजावादीहरूले पूर्वराजा ज्ञानेन्द्र शाहपछि राजाको रोलक्रममा राखेका हृदयन्द्रलाई फिल्म खेल्न सुझाव दिएपछि राजावादीहरूलाई असह्य भयो र उनीमाथि गालिगलौज गरे।
बिएल संवाददाता - काठमाडौं
जसपा नेपालकी केन्द्रीय सदस्य डा. बबी सिंह यादवले पेस्तोल पड्काउँदै नाचेको भिडियो भाइरल भएपछि प्रहरीले सोधपुछका लागि बोलाएको छ। बुधबार सामाजिक सञ्जालमा नेतृ यादवले पेस्तोल पड्काउँदै नाचिरहेको भिडियो बाहिरिएको थियो। भिडियो भाइरल भएपछि यादवले भने खेलौना पेस्तोल भएको बताएकी छन्। भिडियोमा उनीसँगै अन्य मानिसहरू पनि धुमधाम नाचिरहेका देखिन्छन्। पेस्तोल हल्लाउँदै देखिएकी उनले आकाशतिर पेस्तोल फर्काउँदै फायर खोल्छिन्। गोली पड्किएपछि धुवाँ उडेको र आँखा पोलेर आँखा मिच्दै गरेको देखिन्छ। यत्तिकैमा एक युवकले उनको हातबाट पेस्तोल लिन्छन्। फुक्दै चिस्याउने प्रयास गर्छन्।
बिएल संवाददाता - काठमाडौं
काठमाडौं महानगरपालिकाका प्रमुख बालेन्द्र साह (बालेन)सँग नेपालका लागि जापानका राजदूत मायादा तोरुले शिष्टाचार भेट गरेका छन्। बुधबार मेयर साहको कार्यकक्षमा भेटघाट भएको हो । भेटमा सहरी विकास निर्माण, विकास व्यवस्थापन र सुविधा वितरणका आपसी अभ्यास र सिकाइका विषयमा कुराकानी भएको थियो। कुराकानीका क्रममा मेयर साहले, काठमाडौंको सांस्कृतिक पहिचान अद्वितीय रहेको उल्लेख गरे। सांस्कृतिक मूर्त सम्पदा र मौलिक खानेकुरासँग सामाजिक तथा सांस्कृतिक जीवनको सम्बन्धका विषयमा जानकारी गराए।
बिएल संवाददाता - काठमाडौं
ढल्किँदो उमेरसँगै यो चर्को गर्मीमा भारीका बोरा बोकेर निधारभरी पसिना बगाउँदै मजदुरी काम गरी रहेकी रामकलीलाई श्रमिक दिवसका बारेमा केही थाहा छैन। उमेर तीन दशक नाघेकी उनलाई आफ्नो जिविकोपार्जन कसरी गर्ने भन्ने चिन्ता मात्र छ। दिवसका बारेमा केही नबुझेकी उनले आफूले गरेको कामको ज्याला समयमा नै पाए हुन्थ्यो भन्ने छ। यति मात्र नभएर ज्यालाको रकम पनि बढि दिए घर खर्च टार्न सहज हुने उनको भनाइ छ। दुई सन्तानकी आमासमेत रहेकी रामकलीलाई यो महंगीमा कसरी जिविकोपार्जन गर्ने ठुलो चिन्ता छ।
बिएल संवाददाता - रौतहट
‘यसअघि नै बाइडेनले युक्रेनलाई ३५० अर्ब डलर दिइसकेका छन्। अब हामीले युक्रेनसँग एउटा यस्तो सम्झौता गरेका छौं जसबाट अमेरिकलाई थुप्रै आर्थिक लाभ प्राप्त हुनेछ’ अमेरिकाले भनेको छ।
बिएल संवाददाता - काठमाडाैं
यहीबीचमा भारतले पाकिस्तानमाथि हवाइ क्षेत्रमा पनि प्रतिबन्ध लगाएको हो। अब पाकिस्तानी बिमानहरू भारतको आकाशबाट उड्न पाउने छैनन्। त्यस्तै पाकिस्तानी लडाकु बिमान पनि अब भारतीय आकाशमा उड्न पाउने छैनन्।
बिएल संवाददाता - काठमाडाैं
बुधबार राति सरकारसँग नाै बुँदे सहमति गरेर शिक्षकहरू विद्यालय फर्किएका छन्। तर उनीहरूले मागेकाे शिक्ष ऐन भने असार १५ भित्र पारित हुनेगरी सरकार र दलले लिखित प्रतिवद्धता जनाएका छन्।
बिएल संवाददाता - काठमाडाैं
नेपाल शिक्षक महासंघले त्यसका लागि विभिन्न नौ बुँदे मागहरू सरकारलाई बुझाएको थियो। शिक्षकहरूको मागलाई सम्बोधन गर्न सरकारलाई थप ८ अर्ब भार परेको छ।
बिएल संवाददाता - काठमाडाैं
मेरो मस्तिष्कबाट फुटबलको क्रेज डिलिट भएको करिब दश१० वर्ष नाघ्यो। फुटबलप्रति म निकै आकर्षित थिएँ। अतितको परिवेश र रुचिहरूको आकस्मिक मिलन थियो त्यो सायद। फुटबल प्रेमीहरू एककट्ठा हुन्थ्यौँ ठुलठूला म्याच खेलिने रात। म्याच हेर्न कै लागि राति अनिँदो बस्थ्यौँ। कसैको काेठामा होस् वा कुनै मनपर्दो रेस्टुराँमा, साथीभाइहरूको जमघट भइछाडथ्यो। मन मिल्ने साथीहरूको आगमन हुन्थ्यो। अनि उत्साह अझै चुलिन्थ्यो। बियरका बाेतलहरू प्वाट्टप्वाट्ट खोलिन्थे। नशा झम्म चड्थ्यो, उता खेलाडीहरू तँछाडमछाड गर्थे। यता हामी रेफ्रीलाई रातो कार्ड देखाउन दबाव दिन्थ्यौँ। मानौँ उनीहरू हैन हामी स्वयम् मैदानमा छौँ। डेबिड बेक्खमले हैन फ्री-किक मैले लिँदैछु। ओवेनले हैन गोल मैले गर्दैछु।
बिएल संवाददाता - बैंकक, थाइल्यान्ड
हृदयेन्द्रलाई ओलीको सुझाव– कला क्षेत्रमै आए राम्रो हुन्छ, राजा बन्ने सपना नदेख्नू प्रधानमन्त्री केपी शर्मा ओलीले पूर्वराजा ज्ञानेन्द्र शाहका नाति हृदयेन्द्र शाहलाई कला क्षेत्रमा लाग्न सुझाव दिएका छन्। बुधबार राष्ट्रिय जनसांस्कृतिक महासंघ नेपालको ९औँ राष्ट्रिय महाधिवेशनको उद्घाटन समारोहलाई सम्बोधन गर्दै ओलीले अभिनेत्री सुरक्षा पन्तलाई समर्थन गर्दै पूर्वयुवराज पारसका छोरा पूर्वनवयुवराज हृदयेन्द्रलाई यस्तो सुझाव दिएका हुन्। केही दिनअघि अभिनेत्री सुरक्षा पन्तले एक टेलिभिजन अन्तर्वार्तामा हृदयेन्द्रलाई फिल्म इन्डस्ट्रीमा आउन सुझाव दिएपछि सामाजिक सञ्जालमा उनको व्यापक विरोध भइरहेको छ।
बिएल संवाददाता - काठमाडौं
ऊर्जा, जलस्रोत तथा सिँचाइ राज्यमन्त्रीमा खमबहादुर गर्बुजा नियुक्त भएका छ्न्। बुधबार नेपालको संविधानको धारा ७६ को उपधारा (९) बमोजिम गर्बुजालाई राष्ट्रपति रामचन्द्र पौडेलले राज्यमन्त्री पदमा नियुक्त गरेका हुन्।
बिएल संवाददाता - काठमाडाैं
नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले गणतन्त्र आएपछि ‘केही भएन भन्ने भाष्य ठीक नभएको’ दाबी गरेका छन्। बुधबार बेलौरी नगरपालिकाको पर्यटकीयस्थल सोभताल परिसरमा सञ्चारकर्मीसँग कुराकानी गर्दै उनले गणतन्त्रपछि थुप्रै विकास निर्माण र भ्रष्टाचार निवारणका कार्यहरू भएका दाबी गरेका हुन्। ‘गणतन्त्र आएपछि केही भएन भन्ने भाष्य ठीक होइन। थुप्रै विकास निर्माण, भ्रष्टाचार निवारणका कार्यहरू भएका छन्, तर जनताले अपेक्षा गरेअनुसार जति हुनुपर्थ्यो, त्यो हुन सकेको छैन।’
बिएल संवाददाता - काठमाडौं
प्रधानमन्त्री केपी शर्मा ओलीले जनताको संघर्षबाट भूतप्रेत भइसकेको तानाशाही राजतन्त्र अब कहिल्यै फर्किएर नआउने बताएका छन्। बुधबार राष्ट्रिय जनसांस्कृतिक महासंघ नेपालको नवौँ राष्ट्रिय महाधिवेशनको उद्घाटन गर्दै प्रधानमन्त्री ओलीले गणतन्त्र आइसक्दा पनि स्वतन्त्र हुन नचाहेर ‘रैती नै हुन पाउँ’ भन्ने मुर्खहरूको डफ्फाले व्यवस्थाको विरोध गर्ने र हरेक कुरामा नकारात्मकता देख्ने गरेको बताए। उनले जनताको समृद्धि, स्वतन्त्रता र शान्तिका लागि आफ्नो सृजनात्मक अभियानलाई तीव्रता दिन आग्रह गरे।
बिएल संवाददाता - काठमाडौं
सर्वोच्च अदालतको अनाधिकृत पत्रले काराकार पुगेका रेशम चौधरी रिहा भएका छन्। बुधबार दिउँसो सर्वोच्च अदालतका शाखा अधिकृत महिमानसिंह विष्टलाई थुनामा पठाउन भन्दै पत्र लेखेपछि प्रहरीले चौधरीलाई पार्टी एकताको कार्यक्रमस्थलबाट पक्राउ गरेको थियो। उक्त पत्र नै अनाधिकृत रहेको पुष्टि भएसँगै सर्वोच्चले अर्को पत्र लेखेर रेशमलाई थुनामुक्त गर्न आदेश दिएको थियो। उक्त पत्रपछि चौधरी रिहा भएका हुन्। चौधरीलाई थुनामा पठाउन पत्र लेख्ने अधिकृत आफैं पक्राउ परेका छन्। उनीमाथि प्रहरीले अनुसन्धान अघि बढाएको छ।
बिएल संवाददाता - काठमाडौं
प्रधानमन्त्री केपी शर्मा ओलीले मन्त्रिपरिषद बैठक आह्वान गरेका छन्। बुधबार साँझ ७ बजे बस्नेगरी प्रधानमन्त्रीको सरकारी निवास बालुवाटारमा मन्त्रिपरिषद बैठक बोलाइएको हो। मन्त्रिपरिषद बैठकमा शिक्षक आन्दोलन सम्बोधनका लागि ठोस कदम चाल्ने अपेक्षा गरिएको छ। केही दिनदेखि सरकार र शिक्षकहरूबीच वार्ता भइरहेको छ। आज पनि शिक्षक र विभागीय मन्त्रालयहरूबीच वार्ता भएको छ। वार्ताको उपलब्धिसहित माग सम्बोधनका विषयमा ठोस निर्णय हुनसक्ने बालुवाटार स्रोतले बतायो।
बिएल संवाददाता - काठमाडौं
सर्वोच्च अदालतले केही घण्टाअघि पक्राउ परेका नागरिक उन्मुक्ति पार्टीका संरक्षक रेशमलाल चौधरीलाई थुनामुक्त गर्न पत्र लेखेको छ। सर्वोच्चका प्रवक्ता सह रजिष्ट्रार अच्युत कुईंकेलले यसअघि सर्वोच्चकै शाखा अधिकृत महिमानसिंह विष्टले रेशमलाई पक्राउ गर्न लेखेको पत्र आधिकारीक नभएको बताए। उनले डिल्लीबजार कारागारलाई लेखेको पत्रमा भनिएको छ, ‘यस अदालतको मुद्दा तथा रिट महाशाखा उल्लेख भई च.नं. १९२७७, मिती २०८२।०१।१७ मा कैदमा राख्न पठाइएको सम्बन्धमा भन्ने विषयमा श्री कारागार कार्यालय डिल्लीबजारका नाममा लेखिएको पत्र यस अदालतको आधिकारीक पत्र नभएको हुँदा उक्त पत्र कार्यान्वयन नगरी उक्त पत्र बमोजिम कैलाली जिल्ला साविक दुर्गौली गाविस. वडा नं. ८ हाल जानकी गाँउपालिका वडा नं. ६ घर भएका लालविर चौधरीको छोरा रेशमलाल चौधरी पक्राउ परेको भए तत्काल कैद / थुनामुक्त गरिदिनुहुन अनुरोध छ।’
बिएल संवाददाता - काठमाडौं
नागरिक उन्मुक्ति पार्टीका संरक्षक रेशम चौधरीलाई पक्राउ गर्नू भनी पत्र काट्ने सर्वोच्चका शाखा अधिकृत महिमानसिंह विष्ट पक्राउ परेका छन्। उनको व्यक्तिगत सनकले पत्र काटेको पुष्टि भएपछि प्रहरीले उनलाई थप छानबिनका लागि पक्राउ गरेको हो। प्रहरी स्रोतका अनुसार पक्राउ परेपछि उनले ‘टिकापुर घटनामा रेशमद्वारा मारिएका व्यक्तिहरूका आत्माले भतभती पोलेपछि आफ्नै निर्णयले पक्राउ गर्नु भनि पत्र लेखेको हुँ’ भनि गैरजिम्मेवार बयान दिएका छन्। उनले काटेको पत्रको आधारमा प्रहरीले रेशमलाई पक्राउ गरेर डिल्लीबजार कारागार चलान गरिसकेको छ।
बिएल संवाददाता - काठमाडौं
नागरिक उन्मुक्ति पार्टीका संरक्षक रेशम चौधरीलाई पक्राउ गर्नू भनी सर्वोच्चले काटेको पत्र विवादित बनेको छ। रेशमलाई पक्राउ गर्न पत्र काट्ने सर्वोच्च अदालतका शाखा अधिकृत महिमानसिंह विष्टमाथि प्रहरीले अनुसन्धान सुरु गरिसकेको बताएको छ। प्रहरी उच्च स्रोतका अनुुसार पत्र बोकेर विष्ट आफैं प्रहरी परिसर उपस्थित भएका थिए। सर्वोच्च अदालतमै यस विषय विवादित बनेपछि प्रहरीले विष्टको खोजी थालेको हो। विष्टले कर्तव्य ज्यान, ज्यान मार्ने उद्योग र डाँका चोरी मुद्दामा चौधरीलाई नियन्त्रणमा लिएर कैदमा राख्नू भनी पत्र लेखेका थिए।
बिएल संवाददाता - काठमाडौं
नागरिक उन्मुक्ति पार्टी सरकारबाट बाहिरिने भएको छ। संरक्षक रेशम चौधरीलाई पक्राउ गरेको लगत्तै नाउपाले सरकार छाड्ने तयारी गरेको हो। वर्तमान सरकारमा नागरिक उन्मुक्तिका अरुण चौधरी संस्कृति पर्यटन तथा नागरिक उड्ययन राज्यमन्त्री छन्।
बिएल संवाददाता - काठमाडाैं
१ .
२ .
३ .
४ .
५ .
