विधेयकको बचाउ गर्दै ज्ञवाली भन्छन्- स्वतन्त्रता खोसिँदाको पीडा हामीलाई थाहा छ
एमाले नेतृत्वको सरकार प्रेस र अभिव्यक्ति स्वतन्त्रलाई संकोचन गर्ने पक्षमा नरहेको बताए। उनले आफूहरू समृद्ध नेपाली, सुखी नेपालीको मर्मलाई बोक्न सक्ने लोकतन्त्रको पक्षमा रहेको बताए। उनले भने, ‘एमालेले कहीँ कतै पनि प्रेस र अभिव्यक्ति स्वतन्त्रतालाई कुण्ठित गर्ने, मान्छेको बोल्न र अभिव्यक्त गर्ने पाउने विचारलाई संकुचन गर्ने कुरा सोच्न पनि सक्दैन। ३० वर्ष लामो पञ्चायती तानशाही झेलेर आएका हौँ। हाम्रा नेताहरू जेलको गोलघरभित्र बसेर आउनु भएको छ। स्वतन्त्रता खोसिँदाको पीडा हामीलाई थाहा छ। एमाले र एमाले नेतृत्वको सरकारले प्रेस र अभिव्यक्ति स्वतन्त्रलाई संकुचनमा राख्दैन।’
बिएल संवाददाता - काठमाडौं
