सभामुख देवराज घिमिरेले ऐन र कानुनको पूर्ण पालना गर्दै बेरुजु नबनाउने गरी काम गर्नुपर्ने बताएका छन्। आइतबार काठमाडौंमा आयोजित बेरुजुसम्बन्धी राष्ट्रिय कार्यशाला गोष्ठीलाई सम्बोधन गर्दै उनले बेरुजुको प्रभाव र न्यूनीकरणको लागि छलफल आवश्यक रहेको बताए।
बिएल संवाददाता - काठमाडौं
नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल प्रचण्डले कलाकार बाबा पाख्रिनलगायतका व्यक्तिहरूलाई पार्टीमा भित्र्याएका छन्। शनिबार पार्टी केन्द्रीय कार्यालय पेरिसडाँडामा पर्सा-काठमाडौं सम्पर्क समन्वय समितिद्वारा आयोजित पार्टी प्रवेश कार्यक्रममा विभिन्न पार्टी परित्याग गरी माओवादी केन्द्रमा प्रवेश गरेका हुन्।
बिएल संवाददाता - काठमाडौं
सहकारीमन्त्री बलराम अधिकारीले सबैको मागअनुसार सहकारी नियमन प्राधिकरण बनेपनि प्राधिकरणले चाहेनुसार काम गर्न नसकेको बताएका छन्। शनिबार अन्तर्राष्ट्रिय सहकारी दिवसको अवसरमा राष्ट्रिय सहकारी महासंघ नेपालले आयोजना गरेको कार्यक्रममा बोल्दै उनले प्राधिकरणको सुरुवता नहुँदै विरोध सुरु भएकाले काम गर्न नसकेको बताएका हुन्।
बिएल संवाददाता - काठमाडौं
नेपाली कांग्रेसका सभापति शेरबहादुर देउवाले संघीय गणतन्त्र स्थापनाको पहिलो श्रेय गिरिजा प्रसाद कोइरालालाई दिनुपर्ने बताएका छन्। शनिबार पूर्वप्रधानमन्त्री गिरिजा प्रसाद कोइरालाको जन्मजयन्तीको अवसरमा जय नेपाल फउण्डेशनले आयोजना गरेको ‘सकारात्मक सोच र जय नेपाल फउण्डेशन’ कार्यक्रममा बोल्दै उनले नेपालको इतिहासमा गणतन्त्र स्थापना गर्न हिम्मत गर्ने व्यक्ति भनेको गिरिजा प्रसाद कोइराला भएको बताएका हुन्।
बिएल संवाददाता - काठमाडौं
‘संघीय निजामती सेवा विधेयक २०८०’ को कुलिङ पिरियडसम्बन्धी छेडखानीलाई हल गर्न संसदीय छानबिन समिति गठन हुने भएको छ। शनिबार सभामुखसँग बसेको प्रमुख सचेतकहरूको छलफलले विशेष छानविन समिति गठन गर्ने निर्णय भएको राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानेन्द्र शाहीले बताए।
बिएल संवाददाता - काठमाडौं
नेपाली कांग्रेसका महामन्त्री गगनकुमार थापाले ‘देश बर्बाद भयो’ र ‘देश खतरामा छ’ भन्ने भ्रमबाट मुक्त हुन आग्रह गरेका छन्। शनिबार परिवर्तन नेपाल नामक संस्थाले काठमाडौंको नेपालटारमा आयोजना गरेको कार्यक्रममा बोल्दै थापाले कसैले देशमा खतरा छ, देश बर्बाद भयो, झुर भयो भनेर भन्यो भने नपत्याउन भनेका हुन्।
बिएल संवाददाता - काठमाडौं
सुदूरपश्चिम प्रदेशका मुख्यमन्त्री कमलबहादुर शाह कांग्रेसका सभापति शेरबहादुर देउवालाई भेट्न काठमाडौंस्थित उनकै निवास बुढानिलकण्ठ पुगेका छन्। मुख्यमन्त्रीले शाहले आफ्नो पार्टीका मन्त्री रामेश्वर चौधरीलाई बर्खास्त गरेपछि नागरिक उन्मुक्ति पार्टीले प्रदेश सरकारलाई दिएको समर्थन फिर्ता लिएको थियो। सोही विषय र प्रदेश सरकारको बजेट पारित र सरकारका गतिविधिबारे छलफल गर्न मुख्यमन्त्री शाही सभापति देउवालाई भेट्न काठमाडौं आएका हुन्।
बिएल संवाददाता - काठमाडौं
उपप्रधान एवं अर्थमन्त्री विष्णु पौडेलले विश्वका अन्य देशमा नभएको प्राकृतिक सम्पत्ति नेपालमा मात्र भएको दाबी गरेका छन्। विदेशी मुलुकले सबैथोक बनाएपनि नेपालको जस्तो प्राकृतिक झरना, नदी वा लुम्बिनी, पशुपति क्षेत्र बनाउन नसक्ने पौडेलले दाबी गरे। शनिबार ‘पर्यटनमा बजेट प्राथमिकता, कार्यान्वयन र उपलब्धी’ विषयक कार्यक्रममा बोल्दै उनले विश्वको सबैभन्दा उत्कृष्ट र राम्रो देश ‘नेपाल हो’ भनेर चिनाउनुपर्ने बताउँदै संसारको सबैभन्दा लामो केबलकार नेपालमा बनाउने हो भने आर्थिक विकासमा सहयोग पुग्ने समेत जिकिर गरे।
बिएल संवाददाता - काठमाडौं
कांग्रेस नेता बिमलेन्द्र निधिले राजर्षि जनक विश्वविद्यालयको केन्द्रीय भवन निर्माणमा एमालेका प्रतिनिधिहरूले अवरोध गरिरहेको आरोप लगाएका छन्। शनिबार जनकपुरधामस्थित पार्टीको जिल्ला कार्यालयमा आयोजित पत्रकार सम्मेलनमा नेता निधिले धनुषा क्षेत्र नम्बर ३ र ४ बाट निर्वाचित एमालेका प्रतिनिधि तथा नेताहरूले विश्वविद्यालयको भवन निर्माणमा अवरोध खडा गरिरहेको बताए।
बिएल संवाददाता - जनकपुरधाम
बनेपा-नाला-भक्तपुर सडक अन्तर्गत नाला पुलबजारको पुण्यमती खोलाको पुल भत्किएको छ। पछिल्लो समय भएको भारी वर्षाका कारण बनेपा नगरपालिका-१ नाला-भक्तपुर सडक अन्तर्गतको उक्त पुल भत्किएको हो। अरनिको राजमार्गको बैकल्पिक बाटोको रुपमा रहेको यो सडक पुल भत्किएपछि पूर्ण रुपमा ठप्प भएको छ।
बिएल संवाददाता - काठमाडौं
नेपाली कांग्रेसका केन्द्रीय सदस्य रामहरि खतिवडाले पार्टीभित्र एकले अर्कालाई खुइल्याउने र कमजोर पार्ने प्रयास भइरहेको भन्दै आपत्ति जनाएका छन्। जारी केन्द्रीय समितिको शुक्रबारको बैठकमा खतिवडाले पार्टी सभापति, उपभापति, महामन्त्रीलगायत केन्द्रीय सदस्यलगायतलाई पार्टीकै सदस्यहरूबाट खुइल्याउने र कमजोर पार्ने काम भइरहेको बताए।
बिएल संवाददाता - काठमाडौं
प्रधानमन्त्री केपी ओली स्पेनको करिब एक साता लामो औपचारिक भ्रमणबाट स्वदेश फर्किएपछि भ्रमणका उपलब्धीहरू सार्वजनिक गरिएको छ। विकासका लागि वित्तसम्बन्धी चौथो अन्तर्राष्ट्रिय सम्मेलनमा भाग लिन नेपाली प्रतिनिधिमण्डलको नेतृत्व गर्दै प्रधानमन्त्री गत असार १४ गते स्पेन भ्रमणमा गएका थिए। उनी शुक्रबार अपराह्न स्वदेश फिर्ता भएका हुन्। भ्रमणपछि त्रिभुवन विमानस्थलमा आयोजित पत्रकार सम्मेलनमा परराष्ट्र सचिव अमृत राईले भ्रमण सफल रहेको जानकारी दिंदै भ्रमणका उपलब्धीहरू सार्वजनिक गरेका छन्।
बिएल संवाददाता - काठमाडौं
जनता समाजवादी पार्टीका मधेस प्रदेश अध्यक्ष अशोक यादवविरुद्ध पक्राउ पुर्जी जारी भएको छ। सर्लाहीका एसपी योगेन्द्रकुमार खड्कालाई धम्क्याएको आरोपमा आपराधिक उपद्रवको कसुरमा जिल्ला अदालत सर्लाहीले शुक्रबार यादवविरुद्ध पक्राउ पुर्जी जारी गरेको छ। अध्यक्ष यादवले टेलिफोनमा अपशब्द प्रयोग गर्दै एसपीलाई तराईमा लुट्न आएको लुटेराको संज्ञा दिँदै धम्क्याएको अडियो सामाजिक सञ्जालमार्फत सार्वजनिक भएको छ।
बिएल संवाददाता - काठमाडौं
राष्ट्रपति रामचन्द्र पौडेलले पूर्वप्रधानमन्त्री गिरिजाप्रसाद कोइराला क्रान्ति र शान्तिको नेता भएको बताएका छन्। पूर्वप्रधानमन्त्री गिरिजाप्रसाद कोइरालाको १०२औं जन्म जयन्तीको अवसरमा शुक्रबार आयोजित कार्यक्रमलाई सम्बोधन गर्दै राष्ट्रपति पौडेलले भने, ‘मैले गिरिजाप्रसाद कोइरालाका बारेमा एकै शब्दमा भन्नुपर्दा उहाँ क्रान्तिको पनि नेता हो, उहाँ शान्तिको पनि नेता हो।’
बिएल संवाददाता - काठमाडौं
प्रधानमन्त्री केपी ओली स्पेनको करिब एक साता लामो औपचारिक भ्रमण सकेर स्वदेश फर्किएका छन्। विकासका लागि वित्तसम्बन्धी चौथो अन्तर्राष्ट्रिय सम्मेलनमा भाग लिन नेपाली प्रतिनिधिमण्डलको नेतृत्व गर्दै गत असार १४ गते स्पेन भ्रमणमा निस्केका ओली शुक्रबार अपराह्न स्वदेश फिर्ता भएका हुन्। स्पेनमा रहँदा प्रधानमन्त्री ओलीले र संयुक्त राष्ट्रसङ्घका महासचिव एन्टेनियो गुटेरसबीच भेटवार्ता गरेका थिए।
बिएल संवाददाता - काठमाडौं
रास्वपा सभापति रवि लामिछानेको पक्षमा हस्ताक्षर गरेका बाँकेको नेपालगंगमा कार्यरत ट्राफिक सईको जिम्मेवारी खोसिएको छ। जिल्ला ट्राफिक प्रहरी कार्यालय, बाँकेमा दरबन्दी भएका सई कमल खड्काको जिम्मेवारी खोसेर प्रहरी प्रधान कार्यालय काठमाडौं तानिएको हो। सभापति लामिछानेलाई राजनीतिक प्रतिशोध साँधिएको भन्दै रास्वपाले सञ्चालन गरेको ‘प्रतिशोधविरुद्धको हस्ताक्षर संकलन’ अभियानलाई सघाउँदै सई खड्काले ड्युटी खटिएकै अवस्थामा बर्दी लगाएर हस्ताक्षर गरेका थिए।
बिएल संवाददाता - काठमाडौं
काठमाडौं महानगरपालिकाले अमूर्त सम्पदा संरक्षण तथा प्रवर्द्धनका लागि परम्परागत टोल/गुठी/खलहरूलाई आर्थिक अनुदान सहयोग रकमको चेक हस्तान्तरण गरेको छ। शुक्रबार काठमाडौंमा एक कार्यक्रमको आयोजना गर्दै उक्त रकमको चेक हस्तान्तरण गरिएको हो। सोही क्रममा काठमाडौं महानगरपालिकाकी उपप्रमुख सुनिता डंगोलले महानगरपालिकाले दिएको रकम अनुदान नभएको भन्दै यो पहिचान बचाउनको लागि निरन्तर निस्वार्थ रुपमा योगदान गर्नेहरुको लागि सम्मान भएको बताएकी छन्।
बिएल संवाददाता - काठमाडौं
शुक्रबार नेकपा (एकीकृत समाजवादी) विद्यार्थी जिल्ला कमिटीको पाचौं जिल्ला अधिवेशनलाई सम्बोधन गर्दै उनले धर्तीको एकजना मान्छेले माधव नेपालले भ्रष्टाचार गरेको छ भनेर तथ्य प्रमाण प्रस्तुत गर्ने हो भने जुनसुकै बलिदान गर्न पनि तयार रहेको बताए। उनले भने, ‘पार्टीका बारेमा केही मानिसले नकारात्मक टिप्पणीहरू गर्ने गरेका छन्। कसैले यो पार्टी चल्दैन भन्छन्, कसैले टिक्दैन भन्छन्। मेरो एउटा मान्यता छ, नबिराउनु, नडराउनु। बिराएको छैन भने डराउनु पर्दैन। यो धर्तीको एक जना मान्छेले माधव नेपालले भ्रष्टाचार गरेको छ भनेर तथ्य प्रमाण प्रस्तुत गरोस् जुनसुकै बलिदान गर्न पनि तयार छु।’
बिएल संवाददाता - काठमाडौं
बागमती प्रदेश सभा बैठकमा एमाले संसदीय दलका नेता जगन्नाथ थपलिया निदाएको तस्बिर भाइरल भएको छ। प्रदेश सरकारको नीति तथा कार्यक्रम र बजेटमाथिको छलफलका क्रममा नेता थपलिया निदाएको तस्बिर कैद भएपछि यतिबेला सामाजिक सञ्जालमा चर्चा पाइरहेको छ। बैठकको प्रत्यक्ष प्रसारणका क्रममा उनी आँखा चिम्लेर अगाडि झुकिरहेको अवस्थामा देखिएका छन्।
बिएल संवाददाता - हेटौंडा
सुदूरपश्चिम प्रदेशका उद्योग, पर्यटन, वन तथा वातावरण मन्त्री रामेश्वर चौधरीलाई मुख्यमन्त्री कमलबहादुर शाहले बर्खास्त गरेपछि गठबन्धनप्रति नाउपा चिढिएको छ। आफ्नो पार्टीसँग छलफल नै नगरी मन्त्रीलाई बर्खास्त गर्नु असंवैधानिक, अपमानजनक, र दुर्भाग्यपूर्ण रहेको भन्दै सरकारबाट बाहिरिने निर्णयमा नाउपाका नेताहरू पुगेका छन्। पावर टिलर वितरणमा अनियमितता गरेको आरोप लागेपछि मन्त्री चौधरीलाई मुख्यमन्त्री शाहले बिहीबार बर्खास्ती गरेका थिए।
बिएल संवाददाता - काठमाडौं
१ .
२ .
३ .
४ .
५ .
