‘राष्ट्रपति हुनुभन्दा पहिले, संगठित सदस्यता लिनुभन्दा पहिले नै पार्टीमा काम गरेको। चिनजान ठूलै छ। पार्टीमा त्यसरी परिचित भएको नेताले कार्यक्रमहरूमा मलाई बोलाउनु स्वाभाविकै हुन्छ। त्यस हिसाबले देशभित्र घुमफिर गर्न मैले नेकपा एमालेका कमिटी र नेताहरूसँग अनुमति लिइरहनु पर्दैन’, उनले भनेकी थिइन्।
बिएल संवाददाता - काठमाडाैं
‘अपराधी पत्ता लगाउँछन् र न्याय पाइन्छ भन्ने आशा नै मरिसक्यो। नहुनु घटना भयो, मन शान्त छैन। तर, राम्रो अनुसन्धान होला र अपराधी पक्राउ पर्छन् भन्ने आशा गरेको छैन। अनुसन्धान टोलीलाई छिटो अपराधी पत्ता लगाइदिन भनिदिनुहोला,’ दुर्गादेवी भन्छिन्।
बिएल संवाददाता - काठमाडाैं
पहिला नै क्यालिफोर्नियाका गर्भनरले प्रदर्शनकारीहरूलाई शान्तिपूर्ण आन्दोलन गर्न भनेका थिए। ट्रम्पले त्यहाँ सैनिक परिचालन गरेर राजनीतिक खेल खेल्न थालेको र उनको जालमा नफस्न उनले प्रदर्शनकारीहरूलाई सचेत पारेका थिए। राज्य सरकारको विरोधका वाफजुद पनि ट्रम्पले हिंसा कुनै हालतमा सैह्य नहुने भन्दै सैनिकहरू तैनाथ गरेपछि अब आप्रवासीहरूको त्यो आन्दोलनले राजनीतिक रुप लिएको छ।
बिएल संवाददाता - काठमाडौं
प्रतिनिधिसभा बैठक स्थगित भएको छ। सोमबार बसेको बैठकमा प्रतिपक्षी दलहरूले अवरोध गरेपछि आधा घण्टाका लागि स्थगित भएको प्रतिनिधिसभा बैठक सूचना टाँसेर बुधबार एक बजेसम्मका लागि स्थगित गरिएको हो।
बिएल संवाददाता - काठमाडाैं
प्रधानमन्त्री निवास, बालुुवाटारमा प्रधानमन्त्री ओलीलाई तत्कालीन खोकना गाविसका पूर्वअध्यक्ष मदनकृष्ण डङ्गोल, नेकपा (एमाले) ललितपुर महानगर कमिटीका अध्यक्ष ज्ञानेन्द्र शाक्य, स्थानीय जनसरोकार समितिका संयोजक नेपाल डङ्गोल, एमाले ललितपुर महानगर, वडा नं २१ कमिटीका अध्यक्ष ज्ञानभक्त महर्जनसहितले भेटेर समस्या र समाधानको विकल्पबारे सुुझाव दिएका हुन्।
बिएल संवाददाता - काठमाडाैं
काठमाडौं महानगरका तत्कालीन इन्जिनियर रामबाबु महतो कोइरीविरूद्ध भ्रष्टाचारको मुद्दा दायर भएको छ। साढे चार करोडभन्दा बढी रकम बराबर सम्पत्तिको स्रोत नखुलेको भन्दै उनीविरूद्ध भ्रष्टाचारको मुद्दा दायर भएको हाे। अख्तियार दुरूपयोग अनुसन्धान आयोगले सोमबार विशेष अदालतमा महानगरका तत्कालीन इन्जिनियर कोइरीविरूद्ध मुद्दा दायर गरेको प्रवक्ता राजेन्द्रकुमार पौडेलले जानकारी दिए।
बिएल संवाददाता - काठमाडाैं
प्रतिनिधिसभाकाे बैठक आधा घन्टाका लागि स्थगित भएको छ। प्रतिपक्षी दलहरूले अवरोध गरेपछि साेमबार बसेकाे बैठक स्थगित भएकाे हाे। भिजिट भिसा प्रकरणमा गृहमन्त्री रमेश लेखकको राजीनामा दिनुपर्ने अडान राख्दै विपक्षी दलहरूले बैठक अवरोध गर्दै आइरहेका छन्।
बिएल संवाददाता - काठमाडाैं
राष्ट्रिय स्वतन्त्र पार्टीका सहमहामन्त्री कबिन्द्र बुर्लाकोटीले पार्टी सभापति रवि लामिछानेलाई जबरजस्ती राज्यले प्रतिशोधपूर्ण हिसाबले पक्राउ गरेको बताएका छन्। राज्यको संयन्त्र र कानुनलाई गलत रुपमा प्रयोग गरेर लामिछानेलाई कानुनी प्रक्रिया पूरा नगरी पक्राउ गरिएको रास्वपाको ठम्याइ छ।
बिएल संवाददाता - काठमाडाैं
लस एन्जलसको मुख्य १०१ फ्रिउवे मार्ग अवरुद्ध गरेपछि सुरक्षा निकायले हस्तक्षेप गरेको हो। ट्रम्पले आफ्नो निर्णयको बचाउ गर्दै कानुन र व्यवस्थाको पुनःस्थापनाको लागि यो कदम आवश्यक रहेको बताएका छन्। तर, क्यालिफोर्नियाका गभर्नर ग्याभिन न्यूसमले संघीय सैनिक हटाउन माग गरेका छन्। उनले ट्रम्पको कदमलाई ‘शक्तिको दुरुपयोग’ को संज्ञा दिएका छन्। उनले ट्रम्पलाई त्यहाँ ‘राजनीतिक खेल नखेल्न भन्दै शान्ति कायम गर्न पनि प्रदर्शनकारीलाई आह्वान गरेका छन्। प्रदर्शनकारी भने सरकारी भवन र सार्वजनिक सम्पत्तिको तोडफोड अनि आगजनीमा समेत उत्रिएका छन्।
बिएल संवाददाता - काठमाडौं
यसरी आन्दोलनले गति लिन नपाउँदै राजावादीहरू भने तितरबितर भएका छन्। राजा ल्याएरै छोड्ने घोषणा गरेका राजेन्द्र लिङ्देनले पनि अब बर्खा लागिसकेका कारण ठूलो आन्दोलन नहुने बताइसकेका छन्। उनले वर्खापछि उपयुक्त समयमा आन्दोलनको सुरुवात हुने बताएका छन्। यो बीचमा पूर्व राजा ज्ञानेन्द्रका नाती हृदयेन्द्र भने चर्चासँगै सक्रिय पनि भइरहेका छन्। केही समयअघि ज्ञानेन्द्र आफैले हृदयेन्द्रलाई लिएर नारायणहिटी दरबार परिसरमा रहेको मन्दिरमा पूजा गरेका थिए। त्यसपछि उनी जेठ १९ गते आफ्ना दरबार हत्याकाण्डमा मारिएका तत्कालीन राजा वीरेन्द्रलगायत परिवारको स्मरणमा कमलादीमा दीप प्रज्ज्वलनमा देखिए।
बिएल संवाददाता - काठमाडौं
प्रधानमन्त्री केपी शर्मा ओलीले कीर्तिपुरस्थित क्रिकेट मैदानमा निर्माणाधिन अन्तर्राष्ट्रियस्तरको प्याराफिट र फ्लडलाइट जडान कार्यको स्थलगत निरीक्षण गरेका छन्। प्रधानमन्त्री ओलीले कार्यभार सम्हालेपछि गत असार ३१ गते पहिलो निर्णयका रुपमा तीनसय दिनभित्र उक्त क्रिकेट मैदानमा अन्तर्राष्ट्रियस्तरको प्याराफिट र फ्लडलाइट जडान गर्ने घोषणा गरी निर्माणका लागि उच्च प्राथमिकता दिँदै आएका छन्। प्रधानमन्त्री ओलीलाई उपप्रधानमन्त्री प्रकाशमान सिंह शहरी विकास मन्त्रालयका सचिव गोपालप्रसाद सिग्देलसहितले हालसम्मको कार्य प्रगतिबारे जानकारी लिएका थिए।
बिएल संवाददाता - काठमाडौं
नेकपा एकीकृत समाजवादीका अध्यक्ष माधव कुमार नेपालले सरकारले आफ्ना कार्यकर्तालाई ‘झोले’ बनाएको आरोप लगाएका छन्। आइतबार पार्टी कार्यालय आलोकनगरमा बसेको पार्टीको बागमती प्रदेश कमिटीको बैठकलाई सम्बोधन गर्दै उनले नेकपा एमालेका अध्यक्षसमेत रहेका प्रधानमन्त्री केपी शर्मा ओलीलाई आफ्नो कार्यकर्तालाई पार्टीप्रति समर्पित बनाउनुहोस्, झोले नबनाउनुहोस् भन्दै सुझाए। उनले भने, ‘वर्तमान सरकारका तौर तरिकालाई हेर्दा दिक्क लागिरहेको छ। त्यसैले सरकारलाई बेलाबेलामा सुझाव दिइरहेको छौं। सरकार गलत बाटो नहिडोस्, गलत दृष्किोण त्यागोस्। आग्रहपूर्वाग्रह नलियोस्। देश र जनताको कल्याणको निम्ति इमान्दारिताकासाथ लागोस्। आफ्नो कार्यकर्तालाई समर्पित बनाउनुहोस्, झोले नबनाउनुहोस्।’
बिएल संवाददाता - काठमाडौं
प्रधानमन्त्री केपी शर्मा ओलीले स्थिरता, सुशासन र विकासका लागि सही नीतिका साथ सरकार अघि बढिरहेकाले सत्ता साझेदार दलभित्र कुनै मतान्तर नरहेको स्पष्ट पारेका छन्। अखिल नेपाल राष्ट्रिय स्वतन्त्र विद्यार्थी युनियनको २४औं राष्ट्रिय महाधिवेशनको उद्घाटन गर्दै प्रधानमन्त्री ओलीले नेपाली कांग्रेस र एमालेबीचको सहमतिबमोजिम अबको १३ महिनापछि कांग्रेसलाई सरकारको नेतृत्व हस्तान्तरण गरेर एमाले सरकारमा सामेल हुने बताएका हुन्।
बिएल संवाददाता - काठमाडौं
प्रतिनिधि सभामा जारी अवरोध बारे छलफल गर्न बसेको विपक्षी दलहरूको बैठक सकिएको छ। बैठक सकिए लगत्तै माओवादी नेताहरू कांग्रेस नेताहरूसँग छलफलमा जुटेका छन्। खुमलटार स्रोतका अनुसार अध्यक्ष ‘प्रचण्ड’को सन्देश लिएर शक्ति बस्नेतलगायत नेताहरू कांग्रेसका नेताहरूलाई भेट्न गएका छन्। विपक्षी दलहरूको बैठकले भिजिट भिसा प्रकरणमा गृहमन्त्री रमेश लेखकमाथि अनुसन्धान गर्न छानबिन आयोग बनाउने मागबाट पछि नहट्ने निष्कर्ष निकालेको छ।
बिएल संवाददाता - काठमाडौं
नेपाल टेलिकमकी प्रबन्ध निर्देशक संगिता पहाडीलगायत १८ जनाविरुद्ध भ्रष्टाचार मुद्दा दायर भएको छ। टेलिकमको बिलिङ ठेक्कासम्बन्धी प्रकरणमा अख्तियार दुरुपयोग अनुसन्धान आयोगले उनीहरूविरुद्ध आइतबार विशेष अदालतमा भ्रष्टाचार मुद्दा दायर गरेको हो। अख्तियारको आरोपपत्रमा जनाइए अनुसार टेलिकमका तत्कालीन प्रबन्ध निर्देशक सुनिल पौडेल, तत्कालीन प्रमुख व्यावसायिक अधिकृत (हाल प्रबन्ध निर्देशक) पहाडी तथा एसियाइन्फो योङ्हाङ्ग सफ्टवेयर बेइजिङ लिमिटेड चाइनासमेत १८ जना उपर नेपाल दूरसञ्चार कम्पनी लिमिटेड/सार्वजनिक संस्थाको सम्पत्ति हिनामिना हानी नोक्सानी गरी गराई भ्रष्टाचार गरेको आरोपमा मुद्दा दायर भएको हो।
बिएल संवाददाता - काठमाडौं
संसदको अवरोध खुलाउने विषयमा सत्तापक्ष र प्रतिपक्षबीच कुराकानी मिल्न नसकेपछि सत्तारुढ दलहरू अब पेलेरै अघि बढ्ने रणनीतमा लागकेा छन्। भिजिट भिसा प्रकरणमा मुछिएका गृहमन्त्री रमेश लेखकको राजीनामा र छानबिन आयोग गठनको माग गर्दै प्रतिपक्षीहरूले सदनमा अवरोध गर्दै आएका छन्। लामो समयदेखिको सहमतीको प्रयास असफल भएपछि सत्तारुढ दलहरू अब सदनमा पेलेरै अघि बढ्ने रणनीतिमा पुगेका हुन्। सभामुख देवराज घिमिरेसँग सिंहदरबारमा भएको छलफलबाट बाहिरिने क्रममा कांग्रेस प्रमुख सचेतक श्याम घिमिरेले अब प्रतिपक्षको अवरोध जारी रहेपनि संसद चलाउने दाबी गरे।
बिएल संवाददाता - काठमाडौं
कोशी ब्यारेजमा विपद उद्दार अभ्यासका क्रममा बेपत्ता भएका सशस्त्र प्रहरी बलका दुवै गोताखोरको शव फेला परेको छ। शुक्रबार शुक्रबार जवान हरदेव राजवंशीको शव घटनास्थलबाट करिब ३ किलोमिटर दक्षिणमा फेला परेको थियो। आइतबार बिहान अर्का जवान सुरज साउदको शव फेला परेको हो। सुरजको शव ५५ नम्बरको ढोका नजिक फेला परेको हो। उनी नम्बर २ छिन्नमस्ता बाहिनी मुख्यालयमा कार्यरत थिए। त्यस्तै अर्का जवान हरदेव भने नं १ श्रीअन्तु गण इलाम दरबन्दी भई दन्तकाली विशेष कार्य तालिम शिक्षालय सप्तरीमा कार्यरत थिए।
बिएल संवाददाता - काठमाडौं
सभामुख देवराज घिमिरेले प्रमुख तीन दलका मुख्य सचेतक र प्रमुख सचेतकसँग छलफल गरेका छन्। संसदको गतिरोध हटाउने सभामुखको तयारीको निरन्तरता स्वरुप आइतबार सभामुख घिमिरेले कांग्रेस प्रमुख सचेतक श्यामकुमार घिमिरे, एमाले मुख्य सचेतक महेश बर्तौला र माओवादी केन्द्रका प्रमुख सचेतक हितराज पाण्डेसँग छलफल गरेका छन्। सदनमा प्रतिपक्षीको अवरोध जारी रहेपछि सभामुख रुष्ट बनेका छन्। उनले सचेतकहरूलाई सदनमा अवरोध हुँदा बजेटमाथिको छलफल सुरु हुन नसकेकोतर्फ ध्यानाकर्षण गराएका सभामुखको सचिवालयले जनाएको छ।
बिएल संवाददाता - काठमाडौं
.JPG)
बनिनसक्दै भत्काउँदै जाने सरकारी निकायका प्रवृत्तिका कारण राजधानीका मूल सडक अनि भित्री बाटाहरूसमेत धरापजस्ता बनेका छन्। खानेपानी, टेलिकम, विद्युतलगायतका पूर्वाधारहरू पनि यिनै सडकमा छन्। जसका कारण एकपछि अर्को गर्दै सडकहरू जथाभावी खन्ने तर लामो समय त्यत्तिकै अलपत्र पार्ने प्रवृत्ति छ। एउटा संरचना बनिनसक्दै अर्को निकायले त्यसलाई फेरि खोतल्न सुर गरिहाल्छ। जसका कारण सवारी गुड्ने सडकहरूमात्रै होइन फुटपाथसमेत हिँड्न लायक छैनन्। राजधानीका मुख्य सडकका केही तस्वीरहरू:
बिएल संवाददाता - काठमाडौं
लस एन्जलसमा त्यहाँको आप्रवासन तथा भन्सार प्रवर्तन (आईसिई) ले आप्रवासन सम्बन्धि नियम उल्लंघन गरेको भन्दै ४० भन्दा धेरै आप्रवासी गिरफ्तार गरेको थियो। त्यसको विरोधमा त्यहाँ हुलका हुल मानिसहरू प्रदर्शनमा उत्रिए। त्यसलाई रोक्नका लागि सुरक्षाकर्मीले अश्रुग्याससमेत हानेका थिए। त्यसपछि भड्किएका प्रदर्शनकारीहरू तोडफोड र आगजनीमा उत्रिएका थिए।
बिएल संवाददाता - काठमाडौं
