BreakNLinks

बिहिबार, २८ अगस्ट २०२५

राजनीति

सहकारी ठगीमा एमाले नेता पक्राउ,

सहकारी ठगीमा काठमाडौं जिल्ला अदालतबाट दोषी ठहर भएका एमाले नेता कृष्ण अर्याल पक्राउ परेका छन्। सोह्रखुट्टेको दिगो पर्यटन सहकारी सस्थाबाट साढे ११ लाख ऋण लिएर नतिरेका अर्याललाई पक्राउपछि अदालती प्रक्रिया पूरा गरेर कारागार चलान गरिएको छ। २०७४ सालमा आफैं सञ्चालक समितिमा रहेका बेला लिएको ऋण हालसम्म पनि नतिरेको र राजनीतिक आडमा रकम पचाउन खोजेको सहकारीको आरोप छ। एमाले पेसागत विशेष प्रदेश कमिटीका सदस्य अर्याल एमालेको पर्यटन विभाग सदस्य समेत हुन्। हाल उनी एमाले उद्योग तथा व्यवसायी विशेष जिल्ला कमिटीका इञ्चार्जसमेत छन्।

बिएल संवाददाता

बिएल संवाददाता - काठमाडौं

रविको मुद्दा आज पनि हेर्दाहेर्दैमा

राष्ट्रिय स्वतन्त्र पार्टीका सभापति रवि लामिछानेको बन्दी प्रत्यक्षीकरण निवेदनको  सुनुवाइ आज पनि हेर्दाहेर्दैमा राखिएको छ। मंगलबारदेखि सुनुवाइ सुरु गरिएको रविको मुद्दा हेर्दाहेर्दैमा राखिएको थियो। तर, बुधबार संयुक्त इजलासका न्यायाधीशहरूको इजलास फरक-फरक परेपछि लामिछानेको मुद्दा हेरिएन। रविसँगै पूर्वडीआईजी छविलाल जोशीको मुद्दा पनि एकैपटक हेरिँदै छ।

बिएल संवाददाता

बिएल संवाददाता - काठमाडौं

नेपाली पनि पाकिस्तानको ‘स्लीपर एजेन्ट’! भारतमा परे पक्राउ

स्लीपर सेल एजेन्ट भनेर चिनिने ती खुफिया एजेन्टहरूलाई अहिले तिहाड जेलमा राखिएको छ। भेष बदलेर गुप्तचर सूचना आदानप्रदान गर्ने एजेन्टहरूलाई स्लीपर सेल भनिन्छ। भारतीय सुरक्षा फौंजले लामो समयदेखि देशभरि त्यस्ता एजेन्टहरूको खोजी अभियान चलाएको थियो। दिल्ली प्रहरीले त्यसलाई गोप्य अभियान भनेको थियो।

बिएल संवाददाता

बिएल संवाददाता - काठमाडौं

बाँफिकोटका प्रशासकीय अधिकृत ‌‌ओलीसहित चारजनाविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले रुकुम पश्चिम, बाँफिकोट गाउँपालिकाका प्रमुख प्रशासकीय अधिकृतसहित चारजनाविरुद्ध भ्रष्टाचार मुद्दा दायर गरेको छ। वडा नम्बर २ स्थित पिपलकाँडा मेलगौरी सडक खण्ड निर्माण योजनामा अनियमितता गरेको आरोपमा प्रमुख प्रशासकीय अधिकृत दूर्गबहादुर ओलीसहित चारजनाविरुद्ध विशेष अदालतमा मुद्दा दायर भएको हो। अख्तियारले उनीहरूविरुद्ध जनही २१ लाख  ६३ हजार ८५६ रुपैयाँ बिगो दावी र सजाय माग गरेको छ। अख्तियारका प्रवक्ता राजेन्द्रकुमार पौडेलका अनुसार सडक निर्माणका क्रममा अनियमितता गरेको पाइएपछि बाँफिकोटका प्रमुख प्रशासकीय अधिकृत ओली, प्राविधिक दलबहादुर ओली, लेखापाल महेन्द्र शर्मा र पिपलकाँडा मेलगौरी सडक योजनाको निर्माण कार्य गर्ने कम्पनी मालिका बस्नेत निर्माण सेवा छेडागाड, जाजरकोट र सोका प्रोपाइटर शान्तबहादुर बस्नेतविरुद्ध बुधबार विशेष अदालतमा आरोपपत्र दायर भएको हो।

बिएल संवाददाता

बिएल संवाददाता - काठमाडौं

हृदयन्द्रलाई राजा मान्न देउवा तयार भएकै हुन्? के भन्छ कांग्रेस?

नेपाली कांग्रेसले सभापति शेरबहादुर देउवालाई जोडेर राजसंस्थाका बारेमा प्रकाशित भएका समाचारको खण्डन गरेको छ। सभापति शेरबहादुर देउवा संवैधानिक राजतन्त्रप्रति सकारात्मक रहेको र पूर्वाराजा ज्ञानेन्द्र शाहका नाती हृदयन्द्रलाई संवैधानिक राजा स्वीकार्न तयार रहेको भन्दै समाचारहरू सार्वजनिक भएका थिए। कांग्रेसका मुख्य सचिव कृष्णप्रसाद पौडेलले बिहीबार एक विज्ञप्ति जारी गर्दै देउवाको धारणा भन्दै राजसंस्थाका बारे प्रकाशित भएको भ्रामक र कपोलकल्पित समाचारप्रति कांग्रेसको गम्भीर ध्यानाकृष्ट भएको बताएका छन्। उनले सभापति देउवा गणतन्त्रको संरक्षण र सम्वर्द्धनमा प्रतिवद्ध रहेको र यसमा नेतृत्वदायी भूमिका खेल्दै आएको उल्लेख गरेका छन्।

बिएल संवाददाता

बिएल संवाददाता - काठमाडौं

लेखा समितिमा फेरि मोदी-ऋषिकेश नोंकझोंक, भाइरल हुन मनलाग्दी बोलेको आरोप

सार्वजनिक लेखा समितिमा आज पनि सांसद र सभापतिबीच चर्काचर्की भएको छ। बिहीबार सिंहदरबारमा बसेको सार्वजनिक लेखा समितिको बैठकमा बुधबारको जस्तै माहोल देखियो। समितिमा प्राप्त उजुरीउपर छलफलमा प्रमुख प्रतिपक्ष दल नेकपा माओवादी केन्द्रका सांसद अमनलाल मोदी र सभापति ऋषिकेश पोखरेलबीचको चर्काचर्कीले बुधबारकै अवस्था निम्ताएको हो। बैठकमा सांसद मोदीले समिति सत्तापक्ष दलको मात्र भएको भन्दै प्रतिपक्षलाई बोल्न समेत प्रतिबन्ध लगाइएको आरोप लगाएका थिए। ‘यहाँ विभिन्न दलको प्रतिनिधित्व गर्ने सांसद हुनुहुन्छ। सांसद भनेको सार्वभौम हो तर हामी प्रतिपक्षमा छौं। हामीले बोलेका कुराहरूमा तपाईंहरूले रोक्नुहुन्छ, यो दुर्भाग्य हो। हामीलाई प्रतिबन्ध लगाउन पाउनुहुन्न। प्रतिपक्ष दलले बोल्न पाउनुपर्छ। सार्वजनिक लेखा समिति प्रतिपक्षको पनि हुनुपर्यो भन्दा तपाईंहरू हुनुहुँदैन भन्ने? तपाईंहरूको हामी दास हो र?’

बिएल संवाददाता

बिएल संवाददाता - काठमाडौं

सहकारी ठगीमा एमाले नेता कृष्ण अर्याल पक्राउ

सहकारी ठगीमा अदालतबाट दोषी करार भएर फरार रहेका एमाले नता कृष्ण अर्याल पक्राउ परेका छन्। अदालतको पूर्जीका आधारमा प्रहरीले अर्याललाई काठमाडौंको सोह्रखुट्टेबाट पक्राउ गरी अपराध अनुसन्धान महाशाखा पठाएको छ। त्यहाँबाट उनलाई अदालती प्रक्रिया पूरा गराएर कारागार लगाने गरिने प्रहरीले जानकारी दिएको छ। ०७४ सालमा सोह्रखुट्टेकै दिगो पर्यटन सहकारी सस्थाबाट साढे ११ लाख ऋण लिएका अर्यालले रकम पचाउन खोजेपछि सहकारीले काठमाडौं जिल्ला अदालतमा मुद्दा दायर गरेको थियो। ऋण लिने बेलामा अर्याल आफैं सञ्चालक समितिमा थिए। ०७९ पुस ४ गते सहकारीले दायर गरेको मुद्दामा काठमाडौं जिल्ला अदालतले ०८० असार २७ गते ऋणी अर्यालको नाममा रकम भुक्तानी गर्न आदेश दिएको थियो।

बिएल संवाददाता

बिएल संवाददाता - काठमाडौं

अमेरिकामा इजरायली दूतावासका दुई कर्मचारीको गोली हानी हत्या

अमेरिकाको वाशिंटन डीसीमा इजरायली दूतावासका कर्मचारी जोडीको गोली हानी हत्या गरिएको छ। डीसी शहरमा रहेको यहूदी संग्रहालय बाहिर स्थानीय समयअनुसार बुधबार राति ९ बजेर ५ मिनेटमा गोलीकाण्ड भएको थियो। गोलीकाण्ड भएको स्थान एफबीआईको वाशिंगटन फिल्ड कार्यालयसहित धेरै पर्यटकीय स्थलहरू, संग्रहालयहरू र सरकारी भवनहरू भएको क्षेत्रमा पर्छ। आक्रमणपछि आक्रमणकारीले ‘स्वतन्त्र, स्वतन्त्र प्यालेस्टाइन’ भन्दै चिच्याएका प्रहरीले त्यहाँको महानगरीय प्रहरीले जनाएको छ। पीडित जोडी आक्रमणको समयमा क्यापिटल यहूदी संग्रहालयमा भएको कार्यक्रमबाट सहभागी भएर बाहिर निस्किएका थिए। प्रहरीका अनुसार हत्या पूर्व योजना बमोजिम भएको देखिन्छ।

बिएल संवाददाता

बिएल संवाददाता - काठमाडौं

अब कतारले उपहार दिएको जहाज चढ्नेछन् ट्रम्प

यो बिमानलाई केही मोडिफिकेशन गरेर त्यसलाई ‘एयरफोर्स वान’मा सामेल गरिनेछ। एयरफोर्स वान भनेको अमेरिकी राष्ट्रपति चढ्ने बिमान हो। जसलाई संसारकै सबैभन्दा सुरक्षित र महङ्गो साधन मानिन्छ।   ह्वाइट हाउसले यो उपहारलाई कानुनीरुपमै वैध भएको जनाएको छ। कतारका राजाले ट्रम्पलाई यो उपहार दिने घोषणा उनको भ्रमणअघि नै गरिसकेका थिए। गत सातामात्रै ट्रम्प कतार, युएई र साउदीको भ्रमण गरेर फर्किएका थिए।  त्यही बेला कतारको त्यो उपहार विवादमा तानिएको थियो।

बिएल संवाददाता

बिएल संवाददाता - काठमाडौं

हमासका शीर्ष नेता मारिएको दाबी, गाजा कब्जा गरेरै छोड्ने इजरायालको ‘वाचा’

यसबीचमा नेतन्याहूले हमासका शीर्ष नेता मोहम्मद सिनवार मारिएको दाबी पनि गरेका छन्। तर हमासले यसको आधिकारिक पुष्टी गरिसकेको छैन। हमासका नेताहरू लुकेर बसेको भन्दै गत सातादेखि इजरायली सेनाले गाजा क्षेत्रका अस्पताल र विद्यालयहरूमाथि भीषण आक्रमण गरिरहेका छन्। त्यही आक्रमणका क्रममा ती नेता मारिएको उनले दाबी गरेका छन्।

बिएल संवाददाता

बिएल संवाददाता - काठमाडौँ

लाज नै लजाएको देश

नारा भ्रष्टाचारमा शून्य सहनशीलता, पारदर्शिता र सुशासनको छ। तर, व्यवहार ठीक उल्टो छ। सरकार बनाएको १० महिना भइसक्यो, प्रधानमन्त्री ओली र उनका मन्त्रीहरूले सम्पत्ति विवरण सार्वजनिक गरेका छैनन्।सुशासन र भ्रष्टाचारमा शून्य सहनशीलताको यो भन्दा भद्दा मजाक के हुन सक्छ र ?

बिएल संवाददाता

बिएल संवाददाता - अमेरिका

पोखरा विमानस्थलको अनियमितता ‘अध्ययन प्रतिवेदन’ अख्तियारमा पठाउने लेखा समितिको निर्णय

सार्वजनिक लेखा समितिले पोखरा अन्तर्राष्ट्रिय विमानस्थल अध्ययन उपसमितिले मूल समितिमा पेश गरेको प्रतिवेदनलाई ग्रहण गरी अख्तियार दुरुपयोग अनुसन्धान आयोगमा पठाउने निर्णय गरेको छ। बुधबार बसेको प्रतिनिधिसभा अन्तर्गतको सार्वजनिक लेखा समितिको बैठकले सो निर्णय गरेको सभापति ऋषिकेश पोखरेलले जानकारी दिए। उनले भने, ‘पोखरा अन्तर्राष्ट्रिय विमानस्थल अध्ययन समितिले मूल समितिमा पेश गरेको प्रतिवेदनलाई लेखा समितिले थप ग्रहण गर्ने निर्णयसहित अख्तियार दुरुपयोग अनुसन्धान आयोगलाई पठाउने निर्णय भएको छ।’

बिएल संवाददाता

बिएल संवाददाता - काठमाडौं

लेखा समितिमा सत्ता र प्रतिपक्षी सांसदहरूबीच झन्डै ‘हात हालाहाल’ (भिडियोसहित)

सार्वजनिक लेखा समितिमा सांसदहरूबीच चर्काचर्की भएको छ। बुधबार सिंहदरबारमा बसेको सार्वजनिक लेखा समितिको बैठकमा भएको पोखरा अन्तर्राष्ट्रिय विमानस्थल भ्रष्टाचार प्रकरणसम्बन्धी स्थलगत अध्ययन उपसमितिको प्रतिवेदनमाथिको छलफलमा सत्तापक्ष र विपक्ष दलका सांसदहरूबीच चर्काचर्की  भएको हो। प्रमुख प्रतिपक्ष दल नेकपा माओवादी केन्द्रका सांसद अमनलाल मोदीले सत्तापक्ष तथा नेकपा एमालेका प्रधानमन्त्री केपी शर्मा ओली र एमाले सांसदहरूले फरक प्रस्ताव राखेको भन्दै उनले अन्तर्राष्ट्रिय परम्परा अनुसार जुन पार्टीको प्रधानमन्त्री हुन्छ, सोही दलको सभापति लेखा समितिमा हुन नहुने विषय उठाएका थिए।

बिएल संवाददाता

बिएल संवाददाता - काठमाडौं

गृह मन्त्रालयका सहसचिव भट्टराई पक्राउ

गृह मन्त्रालयका सहसचिव तीर्थराज भट्टराई पक्राउ परेका छन्। भट्टराईलाई केहीबेरअघि अख्तियारको टोलीले पक्राउ गरेको हो। उनी हिजो बेलुकीमात्रै गृह मन्त्रालय तानिएका थिए। यसअघि उनी त्रिभुवन अन्तर्राष्ट्रिय विमास्थल कार्यालयका प्रमुख अध्यागमन अधिकृतका रुपमा कार्यरत थिए। त्यहाँ रहदा उनको नेतृत्वमा भिजिट भिसामा गडबडी गरेको उजुरी परेको थियो। सोही प्रकरणमा उनलाई अनुसन्धानका लागि नियन्त्रणमा लिएको अख्तियार स्रोतले बतायो। अख्तियारले केहीबेर अघिमात्रै विमानस्थल अध्यागमनमा छापा मारेको थियो।

बिएल संवाददाता

बिएल संवाददाता - काठमाडौं

नेपालबाट बीजेपी नेताको सन्देशः भारतले युद्ध चाहेको छैन्,कसैले नउक्सावस्

भारतीय जनता पार्टीका नेता डा. विजय जोलीले भारतले युद्ध नचाहेको भन्दै युद्धको लागि कसैले पनि नउक्साउन आग्रह गरेका छन्। बुधबार काठमाडौंमा पत्रकार सम्मेलन गर्दै उनले कश्मीरको पहलगाम घटनामा नेपालले गरेको सहयोगको लागि धन्यवाद दिदै उनले भारतले युद्ध नचाएको बताएका हुन्। ‘अहिलेको समयमा भारतका प्रधानमन्त्री नरेन्द्र मोदीजीले भनेका छन्। आदेश छ हामी पूरै दक्षिण एसियामा आतङ्कवादको परिक्षण गर्न दिँदैनौ। भारत युद्ध चाहदैन। भारतलाई नउक्साउनुहोला तर ती कश्मीरको पहलगाममा सहिद भएका २६ जना मानिसहरु जसमा एक जना नेपालीमूलको भाई पनि थियो,’ उनले भने।

बिएल संवाददाता

बिएल संवाददाता - काठमाडौं

माओवादी सांसदले समिति सभापतिलाई माइकको झटारो हानेपछि…

प्रतिनिधिसभाको महिला तथा सामाजिक मामिला समितिमा माइक हानाहान भएको छ। बुधबार बिहान साढे ७ बजेका लागि बोलाइएको बैठक सकिनै लाग्दा समिति सदस्य माओवादी सांसद कल्पना मियाँ कुसारी टुप्लुक्क पुगेपछि स्थिति नोकझोकमा परिणत भएको थियो। स्रोतका अनुसार बैठकमा पुग्नेबित्तिकै कुसारीले बोल्न खोजेपछि सभापति किरणकुमार साहले रोकेका थिए। उनले समय लिएर मात्र बोल्न भनेपछि सांसद कुसारी आक्रोशित बनेकी थिइन्। कुसारीलाई सभापति साहले ‘ढिला आउने अनि कसको अनुमतिले बोल्न खोजेको?’ भन्दै थर्काएका थिए।  समितिबाट यस वर्ष भएका अनुगमनहरू प्रभावकारी नदेखिएको, आफू निकट सांसदहरूलाई मात्रै प्राथमिकता दिएको भन्दै चर्काचर्की सुरु भएको थियो।

बिएल संवाददाता

बिएल संवाददाता - काठमाडौं

विश्वकप ‘ग्लोबल छनोट’मा स्थान सुरक्षित गरेर फर्किँदै महिला राष्ट्रिय टोली

आईसीसी महिला टी-२० विश्वकपको ग्लोबल छनोटमा स्थान सुरक्षित गर्न सफल नेपाली राष्ट्रिय महिला क्रिकेट टोली आज स्वदेश फर्कंदै छ। नेपाल एसिया क्षेत्र छनोटको उपविजेताका रूपमा ग्लोबल क्वालिफायर्समा पुगेको हो। नेपाली टोली आज साँझ ७ बजे त्रिभुवन अन्तर्राष्ट्रिय विमानस्थलमा अवतरण गर्ने नेपाल क्रिकेट संघ जनाएको छ। नेपाल पहिलो  पटक महिला टी-२० विश्वकपको ग्लोबल छनोटमा पुगेको हो ।  एसिया क्षेत्र छनोटअन्तर्गत समूह सीमा बहराइनलाई २ पटक हराएको नेपाल हङकङसँग एक खेलमा पराजित भएको थियो भने एक खेल वर्षाका कारण रद्द भएको थियो।

बिएल संवाददाता

बिएल संवाददाता - काठमाडौं

हेर्दाहेर्दैमा राखिएको रविको मुद्दा आज नहेरिने, यस्तो छ कारण

राष्ट्रिय स्वतन्त्र पार्टी (रास्वपा) सभापति रवि लामिछानेको बन्दीप्रत्यक्षीकरणको निवेदनमाथिको निरन्तर हुने भनिएको सुनुवाइ बुधबार नहुने भएको छ। लामिछाने पत्नी निकिता पौडेलले लामिछानेलाई गैरकानुनी रूपमा थुनामा राखिएको दाबी गर्दै सर्वोच्चमा निवेदन दिएकी थिइन्। उक्त निवेदनमाथि मंगलबार न्यायाधीश डा. नहकुल सुवेदी र बालकृष्ण ढकालको इजलासले सुनुवाइ गर्दै हेर्दाहेर्दैमा राखिएको थियो। तर, बिहीबार सर्वोच्च अदालत प्रशासनले नै निवेदनको सुनुवाइ स्थगित भएको पेशी सूची प्रकाशित गरेको छ। रविसहितको निवेदनमाथि सुनुवाइ गर्ने इजलासका न्यायाधीशहरू छुट्टाछुट्टै इजलासमा परेपछि सुनुवाइ बुधबारको सुनुवाइ स्थगित भएको हो।

बिएल संवाददाता

बिएल संवाददाता - काठमाडौं

नवनियुक्त गभर्नर पौडेलले सम्हाले कार्यभार, पाँच सय र हजारका नोट छाप्ने पहिलो निर्णय

नेपाल राष्ट्र बैंकका नवनियुक्त गभर्नर डा. विश्वनाथ पौडेलले कार्यभार सम्हालेका छन्। बुधबार प्रधानन्यायाधीश प्रकाशमान सिंह राउतबाट शपथग्रहण गरेका गभर्नर पौडेलले त्यस लगत्तै केन्द्रीय कार्यालय पुगेर कार्यभार सम्हालेका हुन्। पौडेल मंगलबार राष्ट्रबैंकको १८औं गभर्नर नियुक्त भएका थिए। पदभार ग्रहणपछि गभर्नर पौडेलले पहिलो निर्णयका रुपमा पाँच सय र १ हजारका नयाँ नोट छपाई गर्ने निर्णयमा हस्ताक्षर गरेका छन्। पौडेलले मौद्रिक नीति र वित्त नीति अलग विषय रहेको बताउँदै वित्त नीति कार्यान्वयनमा मौद्रिक नीतिले अवरोध गरेको भए परिमार्जन गर्दै जाने बताए।

बिएल संवाददाता

बिएल संवाददाता - काठमाडौं

अर्थमन्त्री पौडेल भेट्न मन्त्रालय पुगे गभर्नर पौडेल

नेपाल राष्ट्र बैंकका नवनियुक्त गभर्नर डा. विश्व पौडेलले उपप्रधान एवं अर्थमन्त्री विष्णु पौडेलसँग भेट गरेका छन्। बुधबार बिहान अर्थ मन्त्रालय पुगेर गभर्नर पौडेलले अर्थमन्त्री पौडेलसँग भेटवार्ता गरेका हुन्। सो अवसरमा अर्थमन्त्री पौडेलले बधाइ दिँदै सफल कार्यकालको शुभकामना दिए। अर्थमन्त्री पौडेलले वित्त नीति र मौद्रिक नीतिबीच समन्वय गरी अघि बढ्ने उल्लेख गर्दै नवनियुक्त गभर्नर पौडेलले अर्थतन्त्र र मौद्रिक क्षेत्रमा देखा परेका समस्या समाधानमा महत्वपूर्ण पहल गर्ने विश्वास व्यक्त गरे। नवनियुक्त गभर्नर पौडेलले अर्थ मन्त्रालयले देशको अर्थतन्त्रको नेतृत्व गर्ने र नेपाल राष्ट्र बैंकले मौद्रिक नीतिमार्फत वित्त नीति कार्यान्वयनमा सहयोग पुर्‍याउने बताए। उनले वित्तीय क्षेत्रको प्रभावकारिताका लागि राष्ट्र बैंकको सुपरिवेक्षकीय क्षमतामा जोड दिने बताए।

बिएल संवाददाता

बिएल संवाददाता - काठमाडौं

ट्रेन्डिङ