BreakNLinks

मङ्गलबार, २१ अप्रिल २०२६

राजनीति

प्रधानमन्त्रीले बोलाए मन्त्रिपरिषद बैठक, होला शिक्षकको माग सम्बोधन?

प्रधानमन्त्री केपी शर्मा ओलीले मन्त्रिपरिषद बैठक आह्वान गरेका छन्। बुधबार साँझ ७ बजे बस्नेगरी प्रधानमन्त्रीको सरकारी निवास बालुवाटारमा मन्त्रिपरिषद बैठक बोलाइएको हो। मन्त्रिपरिषद बैठकमा शिक्षक आन्दोलन सम्बोधनका लागि ठोस कदम चाल्ने अपेक्षा गरिएको छ। केही दिनदेखि सरकार र शिक्षकहरूबीच वार्ता भइरहेको छ। आज पनि शिक्षक र विभागीय मन्त्रालयहरूबीच वार्ता भएको छ। वार्ताको उपलब्धिसहित माग सम्बोधनका विषयमा ठोस निर्णय हुनसक्ने बालुवाटार स्रोतले बतायो।

बिएल संवाददाता

बिएल संवाददाता - काठमाडौं

रेशमलाई ‘थुनामुक्त’ गर्न सर्वोच्चको पत्र

सर्वोच्च अदालतले केही घण्टाअघि पक्राउ परेका नागरिक उन्मुक्ति पार्टीका संरक्षक रेशमलाल चौधरीलाई थुनामुक्त गर्न पत्र लेखेको छ। सर्वोच्चका प्रवक्ता सह रजिष्ट्रार अच्युत कुईंकेलले यसअघि सर्वोच्चकै शाखा अधिकृत महिमानसिंह विष्टले रेशमलाई पक्राउ गर्न लेखेको पत्र आधिकारीक नभएको बताए। उनले डिल्लीबजार कारागारलाई लेखेको पत्रमा भनिएको छ, ‘यस अदालतको मुद्दा तथा रिट महाशाखा उल्लेख भई च.नं. १९२७७, मिती २०८२।०१।१७ मा कैदमा राख्न पठाइएको सम्बन्धमा भन्ने विषयमा श्री कारागार कार्यालय डिल्लीबजारका नाममा लेखिएको पत्र यस अदालतको आधिकारीक पत्र नभएको हुँदा उक्त पत्र कार्यान्वयन नगरी उक्त पत्र बमोजिम कैलाली जिल्ला साविक दुर्गौली गाविस. वडा नं. ८ हाल जानकी गाँउपालिका वडा नं. ६ घर भएका लालविर चौधरीको छोरा रेशमलाल चौधरी पक्राउ परेको भए तत्काल कैद / थुनामुक्त गरिदिनुहुन अनुरोध छ।’

बिएल संवाददाता

बिएल संवाददाता - काठमाडौं

‘रेशमलाई पक्राउ गर्न’ पत्र काट्ने सर्वोच्चका कर्मचारी नै पक्राउ

नागरिक उन्मुक्ति पार्टीका संरक्षक रेशम चौधरीलाई पक्राउ गर्नू भनी पत्र काट्ने सर्वोच्चका शाखा अधिकृत महिमानसिंह विष्ट पक्राउ परेका छन्। उनको व्यक्तिगत सनकले पत्र काटेको पुष्टि भएपछि प्रहरीले उनलाई थप छानबिनका लागि पक्राउ गरेको हो। प्रहरी स्रोतका अनुसार पक्राउ परेपछि उनले ‘टिकापुर घटनामा रेशमद्वारा मारिएका व्यक्तिहरूका आत्माले भतभती पोलेपछि आफ्नै निर्णयले पक्राउ गर्नु भनि पत्र लेखेको हुँ’ भनि गैरजिम्मेवार बयान दिएका छन्। उनले काटेको पत्रको आधारमा प्रहरीले रेशमलाई पक्राउ गरेर डिल्लीबजार कारागार चलान गरिसकेको छ।

बिएल संवाददाता

बिएल संवाददाता - काठमाडौं

‘रेशमलाई पक्राउ गर्नु’ भनि पत्र काट्ने सर्वोच्चका कर्मचारी खोज्दै प्रहरी

नागरिक उन्मुक्ति पार्टीका संरक्षक रेशम चौधरीलाई पक्राउ गर्नू भनी सर्वोच्चले काटेको पत्र विवादित बनेको छ। रेशमलाई पक्राउ गर्न पत्र काट्ने सर्वोच्च अदालतका शाखा अधिकृत महिमानसिंह विष्टमाथि प्रहरीले अनुसन्धान सुरु गरिसकेको बताएको छ। प्रहरी उच्च स्रोतका अनुुसार पत्र बोकेर विष्ट आफैं प्रहरी परिसर उपस्थित भएका थिए। सर्वोच्च अदालतमै यस विषय विवादित बनेपछि प्रहरीले विष्टको खोजी थालेको हो। विष्टले कर्तव्य ज्यान, ज्यान मार्ने उद्योग र डाँका चोरी मुद्दामा चौधरीलाई नियन्त्रणमा लिएर कैदमा राख्नू भनी पत्र लेखेका थिए।

बिएल संवाददाता

बिएल संवाददाता - काठमाडौं

सरकारबाट बाहिरिने नाउपाकाे तयारी

नागरिक उन्मुक्ति पार्टी सरकारबाट बाहिरिने भएको छ।  संरक्षक रेशम चौधरीलाई पक्राउ गरेको लगत्तै नाउपाले सरकार छाड्ने तयारी गरेको हो। वर्तमान सरकारमा नागरिक उन्मुक्तिका अरुण चौधरी संस्कृति पर्यटन तथा नागरिक उड्ययन राज्यमन्त्री छन्।

बिएल संवाददाता

बिएल संवाददाता - काठमाडाैं

के भारत पाकिस्तानमाथि आक्रमण गर्ने योजनामा छ? (भिडिओ रिपोर्ट)

अब भारतीय सेना खुला भएको छ र पाकिस्तानमाथि आक्रमणबारे सम्पूर्ण अधिकार सेनामाथि नै छ। उसले पाकिस्तानमाथि कहाँ, कहिले र कसरी आक्रमण गर्ने भन्नेबारे अब स्वतन्त्ररुपमा निर्णय लिन सक्ने भएको छ।

बिएल संवाददाता

बिएल संवाददाता - काठमाडाैं

रेशम चौधरी पक्राउ परेपछि पार्टी एकता घोषणा स्थगित भयाे– सिके राउत

जनमत पार्टीका अध्यक्ष सिके राउतले नागरिक उन्मुक्ति पार्टीसँग एकता घोषणा स्थगित भएको बताएका छन्। बुधबार प्रज्ञा भवनबाट नाउपाका संरक्षक रेशम चौधरी पक्राउ परेपछि पार्टी एकता घोषणा अनिश्चितकालका लागि स्थगित गरिएको उनले बताएका हुन्।

बिएल संवाददाता

बिएल संवाददाता - काठमाडाैं

रेशम चौधरी पक्राउ, डिल्लीबजार कारागार लगिँदै

नागरिक उन्मुक्ति पार्टीका संरक्षक रेशम चौधरी पक्राउ परेका छन्। सीके राउत नेतृत्वको जनमत पार्टीसँग एकता घोषणाको तयारीमा रहेका उनलाई प्रज्ञा भवन परिसरबाट प्रहरीले पक्राउ गरेको हो। उनलाई पक्राउ गर्न सादा पोशाकका प्रहरी प्रज्ञा भवन पुगेका थिए। उनलाई पक्राउको कारण खुलाइएको छैन। फैसला कार्यान्वयनका लागि पक्राउ गरिएको प्रहरी स्रोतले बतायो। उनलाई डिल्लीबजार कारागारमा लैजान लागिएको प्रहरीले बताएको छ। २०७२ साल भदौमा भएको टीकापुर नरसंहारको मुख्य आरोपी चौधरीलाई जन्मकैदको सजाय सुनाइएको थियो। तर, २०८० सालको गणतन्त्र दिवसका अवसरमा नेपाल सरकारको सिफारिसमा राष्ट्रपतिले चौधरीलाई आममाफी दिएका थिए। त्यतिबेलासम्म उनले ५ वर्ष ३ महिना जेल सजाय भुक्तान गरेका थिए।

बिएल संवाददाता

बिएल संवाददाता - काठमाडौं

नागरिक जनमत पार्टीको एकता घोषणासभामा समस्या, बाहिरै रोकिए सहभागीहरू

जनमत पार्टी र नागरिक उन्मुक्ति पार्टीबीचको एकता घोषणासभामा प्राविधिक समस्या आएको छ। बुधबार राजधानीको कमलादीस्थित प्रज्ञाभवनको हलमा हुन लागेको जनमत पार्टी र नागरिक उन्मुक्ति पार्टीबीचको एकता घोषणासभामा प्राविधिक समस्या आएको हो।  बुकिङमा कमजोरी देखिएका कारण एकता कार्यक्रममा सहभागीहरू भित्र प्रवेश गर्न पाएका छैनन्।

बिएल संवाददाता

बिएल संवाददाता - काठमाडौं

हावाहुरीसहितको वर्षाले करोडौंको इट्टामा क्षति

वर्षभरी बेच्नका लागी तयार भईरहेको इट्टा पानीले नष्ट गरेपछि इट्टा व्यवसायीहरू आर्थिक समस्यामा परेका हुन्। यहाँका बीके इट्टा उद्योग, बिर इट्टा उद्योग, पूजा इट्टा उद्योग, एमबीआई इट्टा उद्योग, सोना इट्टा उद्योग, रामजानकी इट्टा उद्योग लगायत ४० वटा उद्योगहरूमा हावाहुरी र वर्षाका कारण क्षति भएको रौतहट इट्टा उद्योग व्यवसायी संघका अध्यक्ष तथा एसपीएल ईटा उद्योगका सञ्चालक रामबिनोद साहले बताए। विभिन्न स्थानका उद्योगहरूमा करिब ११ लाख भन्दा बढी काँचो इट्टा नष्ट भएको उनले जानकारी दिए। ‘प्रत्येक काँचो इट्टाको लागत औसतमा ३ रुपैयाँ भन्दा बढी पर्छ,’ उनले भने, ‘यो आँकडाले  करिब ४ करोड ४० लाख रुपैयाँ बराबरको क्षति पुगेको अनुमान गरिएको छ।’

बिएल संवाददाता

बिएल संवाददाता - काठमाडौं

सोती घटनामा उच्च अदालतको फैसलाविरुद्ध दलित अधिकारकर्मी आन्दोलित

पाँच वर्षअघि रुकुम पश्चिमको सोतीमा मारिएका नवराज विकको मुद्धामा उच्च अदालत सुर्खेतले जातीय विभेदको मुद्दामा न्याय नदिएको भन्दै अधिकारकर्मी आन्दोलनमा उत्रिएका छन्। मंगलबार उच्च अदालत सुर्खेतका न्यायाधीशहरू सोमकान्त मैनाली र मातृकाप्रसाद भण्डारीको इजलासले सोती घटनाका २३ जना प्रतिवादीलाई यस अघि जिल्ला अदालत रुकुम पश्चिमले गरेको जन्मकैदको सजाय सदर गरेको थियो। तर जातीय विभेदको मुद्दामा भने सबैले सफाइ पाएका छन्। ०७७ जेठ १० मा जाजरकोटका नवराज विक आफ्नी प्रेमिकासँग विवाह गर्न चौरजहारी पुग्दा गाउँलेको कुटपिटमा उनको समूहका १८ मध्ये ६ जनाको मृत्यु भएको थियो। नवराज विकसहित ६ जनाको हत्या अभियोगमा यसअघि जिल्ला अदालत रुकुम पश्चिमले २३ जनालाई जन्मकैदको फैसला गरेको थियो।

बिएल संवाददाता

बिएल संवाददाता - काठमाडौं

रेशम र सिकेको पार्टी एक हुँदै, रञ्जिता ‘सहअध्यक्ष’

सहमति अनुसार मर्यादाक्रममा क्रमशः चौधरी, राउत र श्रेष्ठ रहनेछन् भने २५ सदस्यीय केन्द्रीय पदाधिकारी, ५१ सदस्यीय केन्द्रीय कार्यसमिति र दुवैतर्फबाट ३५०-३५० गरी कम्तिमा ७ सय केन्द्रीय सदस्य रहने छन्।

बिएल संवाददाता

बिएल संवाददाता -

शिक्षकहरूसँग आजै सहमति गरिसक्ने सरकारको तयारी

त्यो वार्तामा अर्थमन्त्री विष्णु पौडेल र गृहमन्त्री रमेश लेकख पनि केहीबेर बसेका थिए। तर राति अबेरसम्म पनि शिक्षकहरूका प्रस्तावमा सहमति जुट्न सकेन। शिक्षकहरू गत चैत २० गतेदेखि काठमाडौंमै आन्दोलनरत छन्।

बिएल संवाददाता

बिएल संवाददाता - काठमाडाैं

भारतबाट ढुक्क भएर फर्किए बाबुराम, भन्छन्ः भारत व्यवस्था उल्ट्याउने पक्षमा छैन

पूर्वप्रधानमन्त्री एवं नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले भारत सरकारबाट नेपालका प्रतिगामी शक्तिहरूलाई उक्साउने गतिविधि नभएको बताएका छन्। मंगलबार भारत भ्रमणबाट स्वदेश फर्किएका डा. भट्टराईले त्रिभूवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै उनले भारत सरकार र भारतका मुख्य शक्तिहरूबाट नेपालको व्यवस्थालाई नै उल्ट्याउने ढंगले प्रतिगामी शक्तिहरूलाई उक्साउने गतिविधिमा नभएको बताएका हुन्। उनले भने, ‘भारतमै चासो भएको विषय के रहेछ भने जुन भिन्न प्रकृतिका आन्दोलन भइरहेका छन् त्यो कतै व्यवस्थाकै विरुद्धमा जाने आन्दोलन त होइन यो? यसले लोकतन्त्रलाई नै प्रतिकुल असर पर्नेगरी पछाडि फर्कने ढंगले त जादैन भन्ने आशंका चै रहेछ। हाम्रो व्यवस्था सुरक्षित छ भन्ने विश्वास गराएको छु। त्यहाँ केही व्यक्तिहरु त्यसमा लागेको हुनसक्छ। तर भारत सरकार आफैं र त्यहाँको मुख्य शक्तिहरूको फेरि यहाँको व्यवस्थालाई नै उल्ट्याउने ढंगले प्रतिगामी शक्तिहरुलाई उक्साउने गतिविधि त्यहाँबाट भएको छैन। हुन सक्दैन, त्यसले लाभ गर्दैन भन्नेकुरा नै आयो। हामीलाई अनावश्यक ढंगले भ्रम छरेर प्रतिगामी शक्तिहरू त आइहाल्ने हो की, भोलि नै आइहाल्ने हो की भन्नेकुरा सत्य होइन।’

बिएल संवाददाता

बिएल संवाददाता - काठमाडौं

सुप्रिम सहकारीका मुख्य जाहेरीकर्ता भन्छन्ः रवि लामिछानेविरुद्ध मैले जाहेरी दिएकै छैन

बुटवलको सुप्रिम बचत तथा ऋण सहकारी संस्थाबाट पीडित मध्येका एक नारायण पहराईले आफूले रास्वपा सभापति रवि लामिछानेविरुद्ध जाहेरी नदिएको खुलासा गरेका छन्। उनले सहकारीले रकम फिर्ता नदिएपछि प्रहरीले उजुरी मागेअनुसार इलाका प्रहरी कार्यालय, बुटवलमा कोही व्यक्ति लक्षित नगरी उजुरी दिएको बताएका छन्। मंगलबार उनले सामाजिक सञ्जालमार्फत आफूलाई प्रहरीले एक वचन पनि नसोधी र आफ्नो सहमति नलिइ रवि लामिछानेसहित विरुद्ध आफूलाई मुख्य उजुरीकर्ता जसरी प्रस्तुत गरेर अनुसन्धान प्रतिवेदन बनाइएकोप्रति असन्तुष्टि व्यक्त गरेका छन्।

बिएल संवाददाता

बिएल संवाददाता - काठमाडौं

‘अदालतको अवहेलना’मा सर्वोच्चले गगनसँग माग्यो ‘लिखित जवाफ’

अदालतको अवहेलना मुद्दामा नेपाली कांग्रेसका महामन्त्री गगन थापासँग सर्वोच्च अदालतले लिखित जवाफ माग गरेको छ। मंगलबार कामु प्रधानन्यायाधीश सपना प्रधान मल्ल र न्यायाधीश नित्यानन्द पाण्डेयको इजलासले गगनलाई लिखित जवाफ पेश गर्न आदेश गरेको हो। तत्कालिन ओली सरकारले अध्यादेशमार्फत ५२ जना संवैधानिक नियुक्तिसम्बन्धी मुद्दा किनारा नलगाएर सर्वोच्चले डिल गरिरहेको गत बिहीबार थापाले आरोप लगाएका थिए। आइतबार अधिवक्ताहरू विशाल थापा, अनन्तराज लुइँटेल र प्रतिभा उप्रेतीले थापाविरुद्ध अदालतको अवहेलनामा मुद्दा दायर गरेका थिए।

बिएल संवाददाता

बिएल संवाददाता - काठमाडौं

वार्ताका लागि शिक्षकहरू कुर्दै शिक्षामन्त्री, किन भयो ढिलाइ?

शिक्षामन्त्री रघुजी पन्त र आन्दोलनरत शिक्षकहरूबीच आज साँझ हुने भनिएको वार्ता अझै सुरू हुन सकेको छैन। मन्त्री पन्त यतिबेला सिंहदरबारस्थित शिक्षा मन्त्रालयमा शिक्षकहरूलाई कुरेर बसिरहेका छन्। तर शिक्षक महासंघले भने वार्तामा प्रस्तुत गर्ने विषयवस्तु र आवश्यक तयारीसहित  आन्दोलनको समीक्षा आन्तरिक छलफल बोलाएको छ। सोही कारण वार्ताका लागि केही समय ढिलाइ भएको महासंघले जनाएको छ।

बिएल संवाददाता

बिएल संवाददाता - काठमाडौं

‘ट्रम्प प्रशासनका कारण विश्वव्यापी रुपमा मानवअधिकार संकटमा पर्दैछ’

अमेरिकी राष्ट्रपति डोनाल्ड ट्रम्प प्रशासनको प्रभावले विनाशकारी प्रवृत्तिहरूलाई तीव्र बनाएका कारणले विश्वव्यापी रूपमा नै मानवअधिकार सङ्कटमा परेको एम्नेस्टी इन्टरनेसनलले जनाएको छ। मंगलबार काठमाडौंमा वार्षिक मानव अधिकार प्रतिवेदनको विमोचन गर्दै एम्नेस्टी इन्टरनेसनलका निर्देशक निराजन थपलियाले राष्ट्रपति ट्रम्पको पहिलो १०० दिनले सन् २०२४ मा देखिएको विश्वव्यापी प्रतिगमन र गहिरोसँग जरा गाडेर रहेको प्रवृत्तिहरूलाई अझ तीव्र बनाएको बताएका छन् ।  ‘अन्तर्राष्ट्रिय मानवअधिकारको संरक्षणलाई निस्तेज पारिरहेको र विश्वका अर्बौं मानिसहरूको जीवनलाई जोखिमततिर धकेलिरहेको ट्रम्प प्रशासन मानवअधिकार विरोधी अभियानले यसअघिदेखि नै विश्वमा विद्यमान हानिकारक प्रवृत्तिहरूलाई थप तीव्र बनाइरहेको चेतावनी दिएको छ,’ उनले भने।

बिएल संवाददाता

बिएल संवाददाता - काठमाडौं

‘जाबो एउटा ‘शिक्षा ऐन’ ल्याउन नसक्ने सरकारले देश चलाउँछु भन्नु ‘दिवास्वप्न’ जस्तै हो’

राष्ट्रिय प्रजातन्त्र पार्टीका सांसद ज्ञानेन्द्र शाहीले एउटा शिक्षा ऐन ल्याउन नसक्ने सरकारले देश चलाउँछु भन्नु अब सपना मात्र हुने बताएका छन्। मंगलबार बसेको प्रतिनिधिसभाको बैठकको शून्य समयमा बोल्दै उनले पटक-पटक व्यवस्था र सरकार फेरिँदा पनि सरकारले २८ सालमा आएको शिक्षा ऐन फेर्न नसकेको भन्दै आपत्ति जनाए। उनले भने, ‘सरकारले २८ सालमा आएको ऐन पटक-पटक व्यवस्था फेरिए, पटक-पटक सरकार फेरियो। तर जाबो एउटा शिक्षा ऐन ल्याउन नसक्ने यो सरकारले यो देश चलाउछु भन्नु पनि अब हामीलाई सपना जस्तो भएको छ।’

बिएल संवाददाता

बिएल संवाददाता - काठमाडौं

ट्रेन्डिङ