Media for all across the globe

ट्रम्पले अपमान गरेपछि जेलेन्स्कीलाई रुसी पूर्वराष्ट्रपतिले भने- अहंकारी सुुँगुरले झापड भेट्यो

शुक्रबार अमेरिकी राष्ट्रपति डोनाल्ड ट्रम्प र उपराष्ट्रपति जेडी भान्सले युक्रेनी राष्ट्रपति भोलोदिमिर जेलेन्स्कीलाई अपमान गर्दै ह्वाइट हाउसबाट निकालेको विषयमा रुसका पूर्वराष्ट्रपतिले प्रतिक्रिया दिएका छन्। रुसी पूर्वप्रधानमन्त्री तथा पूर्वराष्ट्रपति दिमित्रि मेदभेदेवले सामाजिक सञ्जालमार्फत जेलेन्स्कीलाई अहंकारी सुँगुरको संज्ञा दिएका छन्। शनिबार सामाजिक सञ्जाल एक्समा पोस्ट गर्दै मेदभेदेवले सुँगुरले अमेरिकाको गतिलो झापड पाएको भन्दै व्यंग्य गरे।

बिएल संवाददाता - काठमाडौं

प्रशासकीय अधिकृत नपाएको झोंकमा मेयरले सीडीओलाई सुम्पिए तालाचाबी

सामान्य प्रशासन मन्त्रालयको पत्रले निमित्त प्रशासकीय अधिकृत हटेको एक महिनापछि प्रमुख प्रशासकीय अधिकृत उपसचिव होमप्रसाद घिमिरेलाई भंगहामा खटाइएको थियो। तर, अधिकृत हालसम्म पनि हाजिर नभएपछि मेयरले पालिकाको साँचो प्रजिअलाई बुझाएका हुन्। नगरप्रमुख साहले निमित्तलाई हटाएपछि आफूले लगातार मन्त्रालयमै पुगेर प्रमुख प्रशासकीय अधिकृतको माग गरेपछि एकजना खटाइएको तर उनी हालसम्म हाजिर नभएपछि कार्यालय सञ्चालन हुने अवस्था नभएपछि पालिकाका सबै कार्यालयहरूमा तालाबन्दी गरेको बताएका छन्।

बिएल संवाददाता - काठमाडौं

मधेसको पहिचानका लागि सबैभन्दा बढी त्याग गर्ने पार्टी हो ‘माओवादी’: प्रचण्ड

मधेसी जनताको मुक्तिका लागि मधेसी राष्ट्रिय मुक्ति मोर्चा गठन गरेर मधेसी जनतामा जागरणको लहर ल्याउने, मधेस स्वायत्त जनसरकारमार्फत संघीयताको व्यवहारिक अभ्यास गर्ने, संविधानमार्फत संघीयता, समानुपातिक र समावेशी प्रतिनिधित्व स्थापित गर्ने, गणतन्त्र नेपालको पहिलो राष्ट्रपतिको रुपमा रामराजाप्रसाद सिंहलाई अघि सार्ने र मधेसको विकासका लागि प्राथमिकताका साथ बजेट विनियोजन गर्ने लगायत महत्त्वपूर्ण काम आफ्नै पार्टीले गरेको उनले स्पष्ट गरे। अध्यक्ष प्रचण्डले अब आफूलाई मधेसका मसिहा ठान्ने दलहरूबाट मधेसी जनताको मुक्ति संभव नभएकाले मधेसमुक्तिको जिम्मा सम्पूर्णरुपमा माओवादीले नै लिने प्रतिबद्धता व्यक्त गरे।

बिएल संवाददाता - धनुषा

कांग्रेसको नेतृत्व गर्न सक्षम छु, पार्टीलाई मजबुत बनाउँछु: प्रकाशमान सिंह

पार्टीको आन्तरिक संरचना मजबुत बनाउन आवश्यक रहेको उल्लेख गर्दै मन्त्री सिंहले आफू अहिले रहेको पदबाट कुनै पनि हालतमा पछाडि नहट्ने संकल्प गरे। उनले भने, ‘नेतृत्व परिवर्तन पार्टी विधानअनुसार नै हुन्छ। यसमा कसैले व्यक्तिगत स्वार्थ पूरा गर्नेभन्दा संस्थागत विकासलाई प्राथमिकता दिनुपर्छ। तर, जुन पदमा म छु, त्योभन्दा तल जान म तयार छैन।’ उनले विद्यार्थीकालदेखि सुरु भएको आफ्नो राजनीतिक यात्रा स्थानीय तह हुँदै पार्टी नेतृत्वमा अपुग्दासम्म अनुभवले थप जिम्मेवारी सम्हाल्न सक्षम भएको दाबी गरे।

बिएल संवाददाता - काठमाडौं

सरकारी अस्पताललाई ‘बिमाको औषधि छैन’ भन्ने छुट छैनः स्वास्थ्यमन्त्री पौडेल

उनले भने, ‘सरकारले तोकेका औषधिहरू अनिवार्य राख्नुपर्छ। अब पनि औषधि छैन भन्नु गैरकानुनी हो। चिकित्सकले लेखेका औषधि छैन भन्ने छुट सरकारी अस्पताललाई छैन। लागि स्वास्थ्य मन्त्रालयले आवश्यक काम अगाडि बढाएको छ।’ उनले चिकित्सकहरू सुगममा मात्र बस्न रुचाउने गरेकोले अब सरकारले जहाँ खटाएको छ सोही ठाउँमा जानुपर्ने अनिवार्य व्यवस्था गर्न लागेको बताए।

बिएल संवाददाता - इलाम

देशलाई अनुशासित र राष्ट्रप्रेमी युवा चाहिएको छ: प्रधानमन्त्री

ओलीले नैतिकवान, क्षमतावान, देशभक्त युवाहरू तयार गरी राष्ट्रको आवश्यकतालाई सहयोग गर्ने उद्देश्यसहित राष्ट्रिय सेवादल स्थापना भएको जिकिर गरे। उनले युवा जगतको चौतर्फी विकासमा सरकार प्रतिबद्ध रहेको जिकिर गरे। उनले राष्ट्रिय सेवा दलले राष्ट्रलाई आवश्यक परेको बेलामा एक सच्चा नेपाली नागरिकका रूपमा महत्वपूर्ण र नेतृत्वदायी भूमिका निर्वाह गरेकोमा धन्यवाद दिए।

बिएल संवाददाता - काठमाडौं

सिरहा पुगेर प्रचण्डले भने- यहाँ आउदा माइतीघरमा आएजस्तो लाग्छ, भावुक हुन्छु

उनले जनयुद्धकालमा माओवादीले मधेसबाटै सैन्य तालिमको व्यवस्था गरेको बताए। आफूले पहिलोपटक हतियारको तालिम पनि सिराहा-धनुषामा नै लिएको उनले बताए। जनयुद्धमार्फत उत्पीडित वर्गको पहिचान र अधिकारको लडाईंका लागि सैन्य तालिमको व्यवस्था मधेसबाटै गरेकोले माओवादीलाई अविश्वास गर्नुपर्ने कारण नभएको दाबी गरे। उनले भने, ‘मैले पहिलोचोटि हतियारको तालिम र बम विष्फोटसँग तालिम लिएको पनि सिराहा-धनुषामै हो। जनयुद्धमार्फत उत्पीडित वर्गको पहिचान र अधिकारको लडाईंका लागि सैन्य तालिमको व्यवस्था मधेसबाटै गरेको हो। त्यसैले माओवादीलाई अविश्वास नगर्नुस। माओवादी तपाईंहरूको मुक्तिका लागि समर्पित पार्टी हो।’

बिएल संवाददाता - सिरहा

रास्वपा नेता मोहन थापा अमेरिकामा पक्राउ, एक सातासम्म गोप्य राखियो पक्राउको जानकारी

थापा बाल्टिमोरस्थित नेपालीहरूको छाता संगठन बानाका पूर्व अध्यक्षसमेत हुन्। उनलाई फिलाडेल्फियास्थित हिरासत केन्द्रमा राखिएको अमेरिकास्थित गैरआवासीय नेपाली संघका एक पदाधिकारीले जानकारी गराए। थापा लामो समयदेखि नेपाल अमेरिका ओहोरदोहोर गरिरहन्थे। रास्वपा पूर्वसांसद ढाकाकुमार श्रेष्ठसँग पैसा लेनदेनमा मुछिएका थापामाथि नेपालमा सम्पत्ति शुद्धीकरण कसुरमा अनुसन्धान सुरु भएपछि अमेरिका फर्किएका थिए।

बिएल संवाददाता - काठमाडौं

याे मधेसकाे पाेशाकमात्रै हाेइन, हाम्राे मन पनि मधेसमै छ भन्ने पनि हाे- प्रचण्ड

पार्टीका सबै पदाधिकारी अहिले मधेसमा रहेको र मधेसी पोशाकमै प्रस्तुत भएको प्रसङ्ग कोट्याउँदै उनले यो पोशाक मात्रै नभई आफूहरुको मन पनि मधेसमा छ भन्ने बिम्ब भएकाे स्पष्ट पारे।

बिएल संवाददाता - काठमाडौं

एमालेको सचिवालय, जसपाको केन्द्रीय समिति बैठक बस्दै

संसदमा पेश भएका विधेयकहरूबारे सत्तारुढ दलभित्रै विवाद छ भने विपक्षीहरूले त्यसको विरोध गरिरहेका छन्। संसदको हिउँदे अधिवेशन सुरु हुनुभन्दा केही दिनअघिमात्रै प्रधानमन्त्री केपी शर्मा ओली नेतृत्वको सरकारले केही विधेयकहरू ल्याएको थियो।

बिएल संवाददाता - काठमाडौं

ह्वाइट हाउसमा अपमान, बेलायतमा ‘न्यानो स्वागत’

बेलायत भने युरोप र अमेरिकाबीचको पुल बन्ने कोसिस गरिरहेको छ। अमेरिकाबाट अपमानित भएर आएका जेलेन्स्कीलाई बेलायतले न्यानो स्वागत र सैन्य सहायताको सगुनमात्रै दिएको छैन बरु यो मामला हल गर्नका लागि बेलायतले युरापेली नेताहरूको बैठक पनि आह्वान गरेका छन्।

बिएल संवाददाता - काठमाडौं

मधेसका समस्याको समाधान माओवादीले मात्रै गर्नसक्छ: प्रचण्ड

मधेसका मसिहा ठान्ने दलहरूले मधेसी जनतामाथि नै घात गरिरहेकाले अब उनीहरूको भ्रमबाट मुक्त हुनुपर्ने बेला आएको उनले स्पष्ट गरे । महिला, जनजाति, दलित, मधेसी, मुस्लिम, थारु आदिको पहिचान र अधिकार स्थापित गर्ने दल माओवादी नै भएको स्पष्ट गर्दै अध्यक्ष प्रचण्डले अब मधेसले माओवादीलाई फेरि विश्वास गर्ने बेला आएको बताए । मधेसी जनता वास्तविक देशभक्त र सीमारक्षकको रुपमा रहेको उल्लेख गर्दै उनले उनीहरूको सम्मान गर्नुको साटो अरु देशका नागरिक सरह व्यवहार गर्नु विभेद र अपमान भएकाले यसलाई प्रभावकारी कार्यक्रममार्फत नै अन्त्य गर्न सकिने र त्यसको नेतृत्व माओवादीले मात्रै गर्नसक्ने बताए ।

बिएल संवाददाता - काठमाडौं

बादलको दाबी- कांग्रेस-माओवादी अवसरवादी हुन्, मुलुकको अवस्था बदल्न सक्दैनन्

उनले भने, ‘कांग्रेस, माओवादीलगायत पार्टीहरूले मुलुकको आर्थिक असमानता र गरिबीको खाडल अन्त्य गर्न सक्दैनन्। एमालेको नेतृत्वमा मात्र यो सम्भव छ।’ उनले माओवादी, कांग्रेसलगायतका दललाई अवसरवादी र अस्थिरतावादीको संज्ञा दिँदै यी दलबाट नेपालमा समाजवाद स्थापना सम्भव नरहेको ठोकुवा गरे।

बिएल संवाददाता - काठमाडौं

रिंकु सदा मृत्यु प्रकरण- प्रचण्डद्वारा प्रजिअ र सुरक्षा प्रमुखसँग छलफल

अध्यक्ष प्रचण्डले शोकमा रहेको परिवार र आन्दोलनमा रहेको संघर्ष समितिसँग आजै भेट गरेको उल्लेख गर्दै परिवारले हत्या नै भएको आशंका गरेकाले संवेदनशील भएर सत्यतथ्य अनुसन्धान गर्न आग्रह गरे। बलात्कारपछि पञ्चायतले मिलापत्र गराउन खोजेकाले बलात्कार भएको देखिए पनि हत्या वा आत्महत्या के हो यथार्थ छानबिन हुनुपर्ने र दर्ता भएका सबै जाहेरीमा अनुसन्धान हुनुपर्ने उनले बताए। अध्यक्ष प्रचण्डले सिरहामै दाइजोसँग जोडिएको घटनामा अर्की एक महिलाको पनि मृत्यु भएको र यसको अनुसन्धानमा ध्यान नपुगेको परिवारबाट गुनासो आएकाले सो घटनाको पनि यथार्थ अनुसन्धान गर्न आग्रह गरेका थिए।

बिएल संवाददाता - सिरहा

लागूऔषधले समाजलाई खोक्रो बनाउँदैछः गृहमन्त्री

उनले भने, ‘लागूऔषध अत्यन्तै चुनौतिका रुपमा देखिसकिएको छ। समाजका लागि एउटा घातकको रुपमा देखा परेको छ। खास गरेर युवाहरूमा यसले अत्यन्तै नकारात्मक असर पारिरहेको छ। समाजकै लागि चुनौतिपूर्ण बन्दै गइरहेको छ। व्यक्ति व्यक्तिलाई यसले समाप्त गर्दैछ। समग्र समाजलाई यसले खोक्रो बनाउँदैछ। समाजलाई यसले आक्रान्त गरिरहेको छ भयानक रुपले। जो व्यक्ति लागूऔषधको दुर्व्यसनमा परेको छ उसको त जीवन समाप्तीतर्फ गएकै छ। तर समग्र परिवारले अत्यन्त पीडा र चिन्तामा जीवन निर्वाह गर्नुपरेको अवस्था छ।’ उनले समाजमा हुने सबैभन्दा बढी अपराधको जड नै लागूऔषध भएको बताए। उनले यौनजन्य हिंसाका पछि समेत लागूऔषध नै जोडिएको बताए।

बिएल संवाददाता - काठमाडौं

सिरहामा सय बढी कांग्रेसका नेताकार्यकर्ता माओवादीमा प्रवेश

जनतासँग माओवादी, तराई मधेस जागरण अभियानका क्रममा औरही-४ इटाटारमा आयोजित कार्यक्रममा अध्यक्ष पुष्पकमल दाहाल (प्रचण्ड)ले उनीहरूलाई पार्टी प्रवेश गराएका थिए। गत स्थानीय निर्वाचनमा सो वडा माओवादीले जितेको थियो भने काङ्ग्रेस दोस्रो भएको थियो। शनिबार माओवादी केन्द्र प्रवेश गरेका यादवले निर्वाचनमा ५२५ मत पाएका थिए। यो वडामा यादव समुदायको बाहुल्यता छ। कार्यक्रमलाई सम्बोधन गर्दै अध्यक्ष प्रचण्डले हुलाकी मार्ग केन्द्रीत अभियानले दक्षिण नेपालको रुपरेखा फेर्न सहयोग गर्ने बताए।

बिएल संवाददाता - सिरहा

सत्ताबाट हटेपछि प्रचण्डलाई ‘केराको पात’ याद आयोः प्रदीप ज्ञवाली

उनले प्रचण्ड यतिबेला पहिचानको नाममा देशमा फेरि अराजकता मच्चाउन सकिन्छ कि भनेर लागि परेको टिप्पणी गरे। उनले माओवादीले भत्काएका भौतिक संरचनाहरू बनाउन अहिलेको सरकारलाई समय लागेकोसमेत दाबी गरे। उनले भने, ‘हिजो कोशीका सांसदले नामकरण गरे। नाम राख्न माओवादीका सांसद पनि लाम लागे। सत्ताबाट हटेपछि माओवादी पुनः पहिचानको नाममा अराजकता फैलाउन लागेको छ।’ त्यस्तै उनले पार्टीभित्रको आन्तरिक प्रतिस्पर्धालाई ठूलो विषय बनाउँन नहुने पनि बताए। उनले पार्टीको लोकतान्त्रिक जीवन पनि स्वस्थ बनाउनु पर्ने उल्लेख गरे।

बिएल संवाददाता - मोरङ

भारत भ्रमणमा खानेपानीमन्त्री, महत्वपूर्ण समझदारी पत्रमा हस्ताक्षर हुने

उनले भनिन्, ‘यही फागुन १९ गते सोमबार हस्ताक्षर गरिने समझदारीपत्र कार्यक्रममा सहभागी हुन मन्त्री यादव आज दिउँसो २ बजे भारत प्रस्थान गर्नु भएको हो। उक्त समझदारीपत्रमा नेपाल सरकारकातर्फबाट मन्त्री यादव र भारत सरकारकातर्फबाट जलशक्तिमन्त्री सीआर पाटीलले हस्ताक्षर गर्नुहुनेछ।’ भारत र नेपाल सरकारबीच खानेपानी, सरसफाई र फोहोर व्यवस्थापन क्षेत्रमा सहयोग विस्तार गर्न समझौता पत्रमा हस्ताक्षर हुने जनाइएको छ।

बिएल संवाददाता - काठमाडौं

पुराना पार्टीले शिक्षकलाई प्रयोग मात्रै गरेः सुमना

‘शिक्षक जस्तो सम्मानित पेसालाई राजनीतिक रूपमा दुरुपयोग मात्रै गरियो,’ उनले भनिन्, ‘त्यो शिक्षण पेसालाई दलीय राजनीति मुक्त नबनाउन्जेलसम्म केही हुनेवाला छैन।’ सांसद श्रेष्ठले तालाबन्दीले विद्यालयमा पढ्ने वातावरण बिग्रिएको उल्लेख गरिन्। व्यवहारिक शिक्षाको आवश्यक्ता औँल्याउँदै श्रेष्ठले दक्ष जनशक्ति उत्पादनको आवश्यकता रहेको बताइन्।

बिएल संवाददाता - सुनसरी

युवाको ‘पलायन’ले राष्ट्रपति चिन्तित, सबै पक्षलाई गम्भीर बन्न आग्रह

राष्ट्रपति पौडेलले युवा जनशक्तिको पलायन मुलुकका लागि ठूलो चिन्ताको विषय भएको भन्दै यो अवस्थाबाट मुलुकलाई जोगाउन सम्बद्ध सबैलाई गम्भीर बन्न आग्रह गरे। उनले भने, ‘युवा जनशक्तिको पलायन मुलुकका लागि ठूलो चिन्ताको विषय हो। यो अवस्थाबाट मुलुकलाई जोगाउन सम्बद्ध हरेक पक्ष गम्भीर बनून् भन्ने मेरो आग्रह छ।’ उनले देश विकासको मूल आधार कृषि, जलस्रोत, पर्यटन र पूर्वाधारको विकास भएकाले कृषि, जलस्रोत, पर्यटन, उद्योगधन्दाको विकास र उत्पादन बढाएर स्वदेशी अर्थतन्त्रलाई मजबुत बनाउनुपर्ने धारणा व्यक्त गरे।

बिएल संवाददाता - पोखरा