विदेशमा पाएको ज्ञान र सीपलाई स्वदेशको विकासमा प्रयोग गर्न प्रधानमन्त्री केपी शर्मा ओलीको आग्रहपछि स्वदेश फर्किएका संयुक्त राज्य अमेरिकाको मासाच्युसेट्स इन्स्टिच्युट अफ टेक्नोलोजी (एमआइटी) का वैज्ञानिक अनुसन्धानकर्ता मिङ्मार शेर्पाले आज प्रधानमन्त्री ओलीसँग भेट गरेका छन् ।
बिएल संवाददाता - काठमाडौं
राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रविन्द्र मिश्रले नेपालको न्याय प्रणालीमाथि दृढ विश्वास जागेको बताएका छन्। मंगलबार तीन लाख रुपैयाँ धरौटीमा छुटे पश्चात उनले धरौटीमा छोड्ने अदालतको फैसलाले नेपालको न्याय प्रणालीमाथि दृढ विश्वास जागेको बताए।
बिएल संवाददाता - काठमाडौं
नेकपा एमालेका प्रमुख सचेतक महेश बर्तौलाले निलो रिबन लगाएर संसदमा रास्वपा सांसदहरूले अभद्र शैली प्रदर्शन गरेको आरोप लगाएका छन्। मंगलबार संसद भवन परिसरमा सञ्चारकर्मीसँग कुराकानी गर्दै बर्तौलाले रास्वपा सांसदहरूले अभद्र शैलीका साथ संसद अवरोध गरेको टिप्पणी गरे।
बिएल संवाददाता - काठमाडौं
जिल्ला अदालत काठमाडौंले राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रलाई तीन लाख धरौटीमा रिहा गर्न आदेश दिएको छ। मंगलबार न्यायाधीश तारादेवी महर्जनको इजलासले मिश्रलाई धरौटीमा रिहा गर्न आदेश दिएको हो।
बिएल संवाददाता - काठमाडौं
प्रतिनिधि सभा बैठक यही असार ५ गते बिहीबारसम्मका लागि स्थगित गरिएको छ। मंगलबार केही मिनेट बसेर स्थगित बैठक सभामुख देवराज घिमिरेले बिहीबारसम्मका लागि स्थगित गरेका हुन्। मंगलबार नै साढे ४ बजेपछि बस्ने सूचना टाँस गरिएको बैठक दलहरूबीच सहमति नजुटेपछि सङ्घीय संसद् सचिवालयले सूचना टाँसेर असार ५ गते बिहान ११ बजे बस्ने गरी स्थगित गरिएको हो।
बिएल संवाददाता - काठमाडौं
नेपाली कांग्रेसले केन्द्रीय कार्यसमितिको आकस्मिक बैठक बोलाएको छ। असार ४ गते बुधबार बिहान साढे ८ बजे बस्नेगरी बैठक बोलाइएको मुख्य सचिव कृष्णप्रसाद पौडेलले बताए। बैठकमा केन्द्रीय कार्यसमितिका पदाधिकारी, सदस्य एवं आमन्त्रित सदस्यलाई बोलाइएको पौडेलले बताए।
बिएल संवाददाता - काठमाडौं
प्रतिनिधि सभाको चौथो ठूलो दल राष्ट्रिय स्वतन्त्र पार्टी (रास्वपा)ले संसद अवरोधलाई निरन्तरता दिएपछि सभामुख देवराज घिमिरे जारी अवरोध हटाउन सक्रिय भएका छन्। मंगलबारको बैठकमा रास्वपा सांसदहरूले मानव बेचविखनविरुद्धको प्रतिक ‘निलो रिबन’ लगाएर सदनमै प्रवेश गरेपछि सभामुखले बैठक नै स्थगित गरेर प्रतिनिधि सभाका पाँच ठूला दलहरूसँग छलफल थालेका हुन्।
बिएल संवाददाता - काठमाडौं
३१ दिन यात्रा तय गरेर प्रधानमन्त्री केपी शर्मा ओलीलाई भेट्न संघीय राजधानी काठमाडौं आएका सुर्खेतका नवराज बोहोरालाई प्रधानमन्त्रीसँग भेट गर्न दिइएन्। मंगलबार सुर्खेतबाट खाली खुट्टा पैदल यात्रा गरी काठमाडौं आएका बोहरा प्रधानमन्त्री ओलीको सरकारी निवास बालुवाटार पुग्दा उनलाई प्रहरीले अवरोध गरेको थियो। प्रहरीको निगरानीमा रहेका उनलाई प्रधानमन्त्रीलाई भेट्नै नदिइ फर्काइयो।
बिएल संवाददाता - काठमाडौं
भिजिट भिसा प्रकरणलाई लिएर राष्ट्रिय स्वतन्त्र पार्टीले सदनमा निरन्तर अवरोध जारी राखेकै बेला सभामुखले गृहमन्त्रीसँग भेटवार्ता गरेका छन्। मंगलबार संसद बैठक बस्नुअघि सभामुख देवराज घिमिरे र गृहमन्त्री रमेश लेखकबीच भेटवार्ता भएको हो।
बिएल संवाददाता - काठमाडौं
रास्वपा सांसदहरूले निलो रिबन लगाएर सदनमा प्रवेश गरेपछि नेपाली कांग्रेसले नियमापत्ति गरेको छ। कांग्रेस प्रमुख सचेतक श्याम घिमिरेले रास्वपा सांसदहरू ‘अर्यादित’ पहिरनमा उपस्थित भएको भन्दै सचेत गराउँन सभामुखको ध्यानाकर्षण गराए। त्यस्तै उनले आवश्यक परेको खण्डमा संसदमा अमर्यादित पोशाकमा आउने सांसदहरूलाई सदनबाट निष्कासित गर्नसमेत माग गरे।
बिएल संवाददाता - काठमाडौं
राष्ट्रिय स्वतन्त्र पार्टीका सांसदहरू मंगलबार निलो रिबन लगाएर संसदमा प्रवेश गरेका छन्। भिजिट भिसा प्रकरणमा गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै आएको रास्वपाले मानव तस्करीविरुद्धको अभियानको प्रतिक ‘निलो रिबन’ लगाएर विरोध जनाएका हुन्।
बिएल संवाददाता - काठमाडौं
सोमबार फेसबुकमा सुसाइड नोट लेखेर सम्पर्कविहिन भएपछि चर्चामा आएका रामेछाप अस्पतालमा कार्यरत डा. केशव श्रेष्ठले गृहमन्त्री रमेश लेखकलाई भेटेका छन्। मंगलबार बिहानै डाक्टर श्रेष्ठले परिवारसहित गएर मन्त्री लेखकलाई मन्त्रीक्वार्टर भैंसेपाटीमा भेट गरेको गृहमन्त्रीको सचिवालयले जनाएको छ।
बिएल संवाददाता - काठमाडौं
नेकपा माओवादी केन्द्रका अध्यक्ष पुष्पकमल दाहाल प्रचण्डले जनताको माझ नान थालेपछि पार्टीको इमेज ह्वात्तै बढेको र आफ्नो क्रेज ०६४ सालको जस्तै देखिन थालेको दाबी गरेका छन्। चितवन पुगेका प्रचण्डले सञ्चारकर्मीहरूसँग कुराकानी गर्दै जनताहरू माओवादीतर्फ केन्द्रीत हुन दाबी गर्दै थालेपछि दलाल, नोकरशाहहरू, प्रतिक्रियावादी, अवसरवादीहरू आत्तिएका र षड्यन्त्र गरेर बदनाम गराउने प्रयासमा लागेका टिप्पणी गरे।
बिएल संवाददाता - चितवन
क्यानडामा दर्ता भएको गैरसरकारी संस्था, सहयात्रा इन्टरनेशनल एलायन्स फर सोसल जस्टिसले जी सेभेनलाई जातीय भेदभाव अन्त्यको माग राखेको छ। विश्वकै सबैभन्दा धनी सात मुलुकहरूको समूह, ‘जी सेभेन’लाई एक मागपत्र पठाउँदै दक्षिण एसिया तथा विश्वभरी नै जातीय भेदभाव अन्त्य गर्न तत्काल कदम चाल्न आग्रह गरेको हो।
बिएल संवाददाता - क्यानडा
मेलम्चीस्थित रिबर्मा खोलामा निर्माण गरिएको खानेपानी टयाङ्कीको स्थलगत अनुगमन तथा निरीक्षणपश्चात मन्त्री यादवले अब बर्षातको समयमा पनि काठमाडौंवासीलाई स्वच्छ खानेपानीको निरन्तर आपूर्ति हुने बताएका हुन्। उनले भने, ‘काठमाडौंमा पानी वितरणका लागि रिबर्मा खोलामा निर्माण गरिएको खानेपानी टयाङ्कीको सफल परिक्षण भएको छ। बर्षायाम सुरु भएसँगै उत्पन्न हुने जोखिमलाई मध्यनजर गर्दै अब वैकल्पिक उपायस्वरूप रिबर्मा खोलाको पानी मेलम्चीको सुरुङमार्ग हुँदै काठमाडौंमा आपूर्ति गरिने व्यवस्था गरेका छौं।’
बिएल संवाददाता - सिन्धुपाल्चोक
आज दिउँसो १ः०० बजे सङ्घीय संसद् भवन नयाँ बानेश्वरमा प्रतिनिधिसभाको बस्दै छ। आजको बैठकमा सङ्घीय निजामती सेवा विधेयक पारित गर्ने कार्यसूची तय भएको छ।
बिएल संवाददाता - काठमाडौँ
नेपाल कम्युनिस्ट पार्टीका महासचिव तथा समाजवादी मोर्चा नेपालका संयोजक नेत्र विक्रम चन्द ‘विप्लव’सहित नेताहरू सोमबार काठमाडौंमा आयोजित सांस्कृतिक कार्यक्रममा छमछमी नाचेर रमाएका छन्। ‘सामना सांस्कृतिक अभियान’ अन्तर्गत आयोजित कार्यक्रममा नेता विप्लवसँगै नेकपाका प्रवक्ता खड्गबहादुर विश्वकर्मा ‘प्रकाण्ड’ तथा नेकपा (एकीकृत समाजवादी)का सम्मानित नेता झलनाथ खनाललगायतका नेताहरूले क्रान्तिका गीत गाएर नृत्यमा सहभागी भएका थिए।
बिएल संवाददाता - काठमाडौं
काठमाडौं जिल्ला अदालतले तीनकुने घटनाका अभियुक्त राप्रपाका महामन्त्री डा. धवलशमशेर राणालाई तीन लाख धरौटीमा छाड्न आदेश दिएको छ। सोमबार काठमाडौं जिल्ला अदालतमा हाजिर भएका राणाविरुद्ध न्यायाधीश शिवप्रसाद खनालको इजलासमा थुनछेक बहस भएको थियो। बहसपछि इजलासले राणासँग तीन लाख धरौटी मागेको हो।
बिएल संवाददाता - काठमाडौं
उच्च अदालत पाटनले काठमाडौं जिल्ला अदालतबाट दिलभुषण पाठकविरुद्ध जारी भएको पक्राउ पुर्जी कार्यान्वयन नगर्न अल्पकालीन अन्तरिम आदेश जारी गरेको छ। हिल्टन होटेलमा कांग्रेस सभापति शेरबहादुर देउवा र परराष्ट्रमन्त्री आरजुका पुत्र जयवीर देउवाको लगानीसम्बन्धी सामग्री प्रसारण गरेवापत पाठकविरुद्ध साइबर ब्यूरोमा उजुरी परेको थियो।
बिएल संवाददाता - काठमाडौं
तीनकुने घटनामा राप्रपाका महामन्त्री डा. धवलशमशेर राणाविरुद्ध थुनछेक बहस सकिएको छ। सोमबार काठमाडौं जिल्ला अदालतमा हाजिर भएका राणाविरुद्ध न्यायाधीश शिवप्रसाद खनालको इजलासमा थुनछेक बहस सकिएको हो। अदालतले आजै थुनछेक आदेशको तयारी गरेको छ।
बिएल संवाददाता - काठमाडौं
१ .
२ .
३ .
४ .
५ .
