Media for all across the globe

भ्रष्टाचारबाट कमाएको सम्पत्ति सरकारको नाममा ल्याउने गृहमन्त्रालयको तयारी

गृहमन्त्री रमेश लेखकले भ्रष्टाचारबाट आर्जन गरेको सम्पत्ति सरकारका नाममा फिर्ता ल्याउने निर्णय गरेका छन्। सर्वोच्च अदालतबाट जफत हुने भनेर फैसला भएका घरजग्गा सरकारका नाममा ल्याउन मन्त्री लेखकले दुई दिनअघि निर्णय गरी कार्यान्वयन प्रक्रिया अघि बढाएका हुन्। सर्वोच्च अदालतबाट फैसला भई जफत गर्नुपर्ने घरजग्गा लामो समयदेखि कसुरदारले नै प्रयोग गर्दै आएको अवस्थामा मन्त्रालयले जफत गर्ने कार्यलाई सक्रियताका साथ अघि बढाएको गृह मन्त्रालयले जनाएको छ।

बिएल संवाददाता - काठमाडौं

फोटो जलाउँदैमा गिरफ्तार गर्नु उचित होइनः प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले तस्बिर जलाउँदैमा पक्राउ गर्नु उचित नहुने बताएका छन्। आइतबार सामाजिक सञ्जाल फेसबुकमार्फत उनले लोकतन्त्रमा विरोधका विभिन्न रुप हुने भएकोले फोटो जलाउँदैमा गिरफ्तार गर्न नहुने बताएका हुन्। उनले भनेका छन्, ‘लोकतन्त्रमा विरोधका विभिन्न रुप हुन्छन्। फोटो जलाउँदैमा गिरफ्तार गर्नु उचित हुँदैन।’

बिएल संवाददाता - काठमाडौं

प्रचण्डको तस्बिर जलाउने राजावादी पक्राउ, पूर्वराजाको जलाउने गणतन्त्रवादीलाई उन्मुक्ति

यता गणतन्त्रका नेताको तस्बिर जलाउने राजावादी नेताहरूलाई पक्राउ गर्न हतारिएको प्रहरीले पूर्वराजाको तस्बिर जलाउने गणतन्त्र पक्षधर कार्यकर्तालाई पक्राउ गर्ने भने चासो दिएको छैन। तस्बिर र पुत्ला दहन लोकतन्त्रमा विरोधको सामान्य अभ्यास रहेको राप्रपाले जनाएको छ। पूर्वराजाको तस्बिर जलाउने बेलगाम घुमिरहँदा प्रचण्डको तस्बिर जलाएर सामान्य विरोध गरेका आफ्ना नेता पक्राउ परेको भन्दै राप्रपाले असन्तुष्टि जनाएको छ। राप्रपाका एक नेता भन्छन्, ‘राजतन्त्रमा बोल्न पाइदैन भन्ने कांग्रेस, एमाले, माओवादीको गणतन्त्रमा यही हो अभिव्यक्ति स्वतन्त्रता? देशमा स्वतन्त्रता यिनिहरूको लागि मात्र हो जनताका लागि होइन।’

बिएल संवाददाता - काठमाडौं

प्रचण्डको तस्बिर जलाउने राजावादी पक्राउको महेश बस्नेतले गरे स्वागत

शनिबार राष्ट्रिय प्रजातान्त्रिक युवा संगठन मकवानपुरको जिल्ला अधिवेशनका क्रममा बमले प्रचण्डको तस्बिर जलाएका थिए। बमलाई भरतपुरबाट पक्राउ गरेर हेटौंडा ल्याइएको जिल्ला प्रहरी कार्यालय मकवानपुरले जनाएको छ। बम पक्राउ परेपछि बस्नेतले अराजकहरूलाई कारबाहीको दायरामा ल्याउन गृहमन्त्रालयले खेलेको भूमिका सराहनीय रहेको बताएका छन्। ‘पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को फोटो जलाउने राप्रपानिकट निराजन बमलाई मकवानपुर प्रहरीले पक्राउ गरेको छ। यस्ता अराजकहरूलाई कारबाहीको दायरामा ल्याउनको निमित्त गृहमन्त्रालयले खेलेको भूमिका सराहनीय छ,’ बस्नेतले सामाजिक सञ्जालमार्फत भनेका छन्।

बिएल संवाददाता - काठमाडौं

भारत नेपालमा हिन्दुराष्ट्र चाहन्छः कालीदास बाबा

‘एक अभिभावकका रुपमा राजसंस्था चाहिन्छ। नेपालका नेताहरूले पनि वाध्य भएर गणतन्त्र रोज्नुभएको हो। उहाँहरूले मसँगको कुराकानीमा बाध्यताले राजसंस्था हटाउनुपरेको बताइरहनु भएको छ। हामीले पहिल्यैदेखि देवीदेवता, देउराली, ढुंगा, आकाश-पाताल, पृथ्वी, कुल मान्दै आएका हौं। त्यसैले राजसंस्थाको अलग्गै महत्व छ,’ उनले भने,‘राजसंस्था र हिन्दुराष्ट्र परिपूरक पनि हुन्।’ हालै काठमाडौंमा भएको राजावादीहरूको प्रदर्शनमा योगी आदित्यनाथको तस्बिर सार्वजनिक भएको विषयमा उनले भने, ‘गोरक्षपीठाधीश्वर योगी आदित्यनाथ राजा ज्ञानेन्द्रलाई श्री ५ वडामहाराजधिराज भनेर सम्बोधन गर्नुहुन्छ। राजसंस्था कायम होस भन्ने चाहनुहुन्छ।’

बिएल संवाददाता - काठमाडौं

रघुजीलाई ज्ञानेन्द्रको जवाफ: तपाईंजस्तो ओलीको निगाह थापेर आएको होइन

उनले आफू जुम्लाबाट ‘हाहा होहो’ गरेर नभइ नभएर जनताबाट प्रत्यक्ष चुनाव जितेर आएको बताएका हुन्। आइतबार प्रतिनिधि सभाको बैठकमा एमाले सांसद रघुजी पन्तले शाहीलाई आफूसँग बहस गर्ने भए इतिहास पढेर आउन र जम्लामा हाहा होहो गरेजस्तो नगर्न चेतावनी दिएका थिए। पन्तलाई जवाफ दिँदै शाहीले आफू जनताबाट चुनाव जितेर आएको बताएका हुन्। शाहीले आफू पन्तले जसरी प्रधानमन्त्री केपी शर्मा ओलीको पछाडि हिँडेर सेतोलाई कालो कालोलाई सेतो भनेर निगाह थापेर नआएको पनि बताएका छन्।

बिएल संवाददाता - काठमाडौं

घण्टीघरमा शिक्षकको धर्ना

नेपाल शिक्षक महासंघले दोस्रो चरणको आन्दोलनअन्तर्गत आइतबार राष्ट्रिय स्वतन्त्र पार्टी (रास्वपा)को केन्द्रीय कार्यालय वनस्थलीमा धर्ना दिएको छ। शुक्रबार नेकपा माओवादी केन्द्रको केन्द्रीय कार्यालय, पेरिस डाँडामा धर्ना दिएका शिक्षकहरूले आज रास्वपा पार्टी कार्यालयमा धर्ना दिएका हुन्। शिक्षकहरूले मंगलबार कांग्रेस केन्द्रीय कार्यालय सानेपा, बुधबार एमाले कार्यालयमा धर्ना दिएका थिए। दोस्रो चरणको आन्दोलनअन्तर्गत उनीहरूले चैत ५ गतेसम्म विभिन्न राजनीतिक दलका पार्टी कार्यालयमा धर्ना दिने कार्यक्रम तय गरेका छन्।

बिएल संवाददाता - काठमाडौं

प्रचण्डको तस्बिर जलाउने राप्रपा युवा नेता पक्राउ

पूर्वप्रधानमन्त्री पुष्पकमल दाहाल (प्रचण्ड)को फोटो जलाउने राप्रपानिकट युवा संगठनका नेता निराजन बम पलाँता पक्राउ परेका छन्। शनिबार राष्ट्रिय प्रजातान्त्रिक युवा संगठन मकवानपुरको जिल्ला अधिवेशनका क्रममा उनले प्रचण्डको तस्बिर जलाएका थिए। बमलाई भरतपुरबाट पक्राउ गरेर हेटौंडा ल्याइएको जिल्ला प्रहरी कार्यालय मकवानपुरले जनाएको छ। उनी राष्ट्रिय प्रजातान्त्रिक युवा संगठनका सदस्य सचिवसमेत हुन्।

बिएल संवाददाता - हेटौंडा

नेपाललाई विषादीरहित कृषि उत्पादनकाे केन्द्र बनाउँः सांसद घर्ती

उनले रासायनिक मल आयात हुने कुरा स्वभाविक भएपनि पछिल्ला वर्षहरूमा भारतबाट गाइवस्तुको गोबरसमेत आयात भइरहेकोतर्फ उनले सरकारको ध्यानाकर्षण गराइन्। गता आर्थिक वर्षमा भारतले एकै वर्षमा ३ सय ८६ करोड रुपैयाँको गोबर नेपाललगायत अन्य देशहरूमा विक्री गरेको तथ्यांक रहेको उनले बताइन्। उनले भनिन्, ‘कृषि प्रधान देश नेपालका ग्रामीण भेगमा परम्परागत र शहरका सयाैं हजारौं छाडा पशुचाैपायाकाे व्यवस्थित र व्यवसायिक पालन गरी माटाेकाे उर्वराशक्ति सुधार गर्दै उत्पादन बढाउन मद्दत गर्ने प्राङ्गारिक र जैविक मल उत्पादनबारे सरकारले नीति कार्यक्रममै प्राथमिकतामा राखेर नेपाललाई बिषादीरहित कृषि उत्पादनकाे केन्द्र बनाउनेतर्फ सरकार र कृषि मन्त्रालयकाे गम्भीर ध्यानाकर्षण गराउँदछु।’

बिएल संवाददाता - काठमाडौं

के माओवादी सरकारमा जाँदैछ? लेखनाथ भन्छन्- छलफल सुरु भइसक्यो

आइतबार संसद भवन परिसर बानेश्वरमा सञ्चारकर्मीसँग कुराकानी गर्दै उनले गणतन्त्रवादीहरूको सरकार बन्ने सम्भावनाको ढोका खुलेको र प्रारम्भिक छलफलसमेत सुरु भइसकेको दाबी गरेका हुन्। दाहालले अहिले सडकभन्दा पनि सरकारमा समस्या देखिएको र जनतामा निराशा पैदा भएकाले प्रतिगामीलाई फाइदा पुगेको जिकिर गरे। त्यसलाई निरुत्साहित गर्नका लागि एमालेभन्दा कांग्रेससँग बढी छलफल हुने जिकिर गरे। सांसद दाहालले एमालेतर्फ इंगित गर्दै अबको सहकार्य गणतन्त्र विरोधीसँग नहुने र गणतन्त्र पक्षधर एकठाउँमा उभिएर सहकार्य हुने दाबी गरे।

बिएल संवाददाता - काठमाडौं

संसदमा ज्ञानेन्द्र शाही र एमाले सांसद पन्तबीच नोकझोक

प्रतिनिधिसभाको आइतबारको बैठकको विशेष समयमा सांसद पन्तले आफ्नो धारणा राख्ने क्रममा राप्रपाका सांसद शाही उठेर विरोध जनाउन खोजेपछि जवाफमा पन्तले आफूसँग बहस गर्ने भए इतिहास पढेर आउन भनेका हुन्। आफूले बोल्लाबोल्दै शाहीले नियमापत्ति गरेपछि सांसद पन्त आक्रोशित भए। उनले शाहीलाई डिस्टर्ब नगर्न पन्तले आग्रह गरे तर शाही चुप नलागेपछि पन्तले आफूसँग बहस गर्ने भए इतिहास पढेर आउन सुझाव दिए। पन्तले भने, ‘म इतिहासबाट सावित गरेर देखाइदिन्छु। इतिहासका अंश पढेर आउनुस्। मसँग बहस गर्ने हो भने इतिहास पढेर आउने। जुम्लामा हाहु गरेर आएको जस्तो होइन। इतिहास पढेर आउ।’

बिएल संवाददाता - काठमाडौं

आन्दोलनका रणनीति तय गर्दै राप्रपा

आजको बैठकमा समसामयिक राजनीतिक परिस्थितिको समीक्षा हुनेछ। त्यस्तै आजको बैठकमा आन्दोलनको तयारी र भावी रणनीतिका विविध विषयमा समेत छलफल हुनेछ।

बिएल संवाददाता - काठमाडौं

यमनमाथि अमेरिकी आक्रमण: ट्रम्प भन्छन्, हुती विद्रोही पूर्णरुपमा नष्ट हुनेछन्

ट्रम्पले हुती विद्रोहीलाई पूर्णरुपमा नष्ट गरिने चेतावनी पनि दिएका छन्। ‘हुती विद्रोहीमाथि यस्तो विनाशकारी वर्षा हुनेछ कि उनीहरूले त्यसको कल्पना नै गर्न सक्नेछैनन्’ ट्रम्पले भनेका छन्।

बिएल संवाददाता - काठमाडौं

एनआरएनए महाधिवेशन: निर्वाचन समिति गठन, केसी समूहको ‘अवज्ञा’

घले समूह महाधिवेशन गराउन लागिरहेका बेला बद्री केसीको समूह भने ‘अनाधिकृत’रुपमा अन्तर्राष्ट्रय सम्मेलन गर्दै हिँडेका छन्। उनले घले नेतृत्वको उच्चस्तरीय समिति आधिकारिक नभएको भन्दै आफूहरू नै एनआरएनएको आधिकारिक भएको दाबी गर्दै आएका छन्।

बिएल संवाददाता - काठमाडौं

न्यायालय पार्टी कार्यकर्ताको भर्ती केन्द्र बनेपछि देशमा न्याय मर्‍यो: राप्रपा सांसद सिंह

माओवादी केन्द्रका प्रवक्ता अग्नि सापकोटामाथिको अपहरण तथा ज्यान मार्ने मुद्दाको फाइल न्यायाधीशहरूले खोल्ने आँट नगरेको समेत उनले आरोप लगाए। न्यायालयहरूमा कांग्रेस, एमाले, माओवादीका कार्यकर्ताहरू भर्ती भएको उनको बुझाई छ। सांसद सिंहले अवस्था र व्यवस्थाको परिवर्तन आजको आवश्यक भएको जिकिर गरे। सांसद् सिंहले प्रदेश संरचनालाई देशले धान्न नसक्ने बताए। संघीय संरचना नै खारेज गर्नुपर्छ भन्ने आफूहरूको मुल्य र मान्यता रहेको उनले जिकिर गरे।

बिएल संवाददाता - हेटौंडा

०८४ मा माओवादी एक्लै लड्छ: प्रचण्ड

नले माओवादी आगामी निर्वाचनमा कांग्रेस, एमालेसँग समिकरण नगर्ने बताएका हुन्। उनले भने, ‘अब आउने दिनमा माओवादी केन्द्रले नेपाली कांग्रेस, एमालेसँग समिकरण गर्ने कुरालाई हैन आफ्नै खुट्टामा उभिएर आफ्नै जनताको तागतको बलमा निर्वाचन गरी संघर्षमा जानेछ। हिजो ०६४ मा जसरी आफ्नै एजेण्डाको बलमा आफ्नै जनताको तागतमा गएका थियौं। अब एकचोटि फेरी हामी आफ्नै जनता र वर्गतिर जानुपर्छ भन्ने हाम्रो निष्कर्ष छ।’ साथै उनले संगठनात्मक गतिविधि जुन स्टिममा अगाडि बढ्नुपर्ने हो त्यो पार्टीभित्र नबढेको बताए। उनले पार्टी भित्रको गुटबन्दी, अराजकता, सबै हटाउनुपर्ने बताए।

बिएल संवाददाता - काठमाडौं

पूर्वविशिष्टलाई आजीवन सुविधा दिनेबारे गगन भन्छन्- सरकारले नचाहिने काम नगरोस्

उनले अहिले नागरिकहरूमा देखिएको आक्रोशमा केही मान्छेहरूले घिउ थप्ने काम गरिरहेको भन्दै सरकारको ध्यान नचाहिने काममा भन्दा जनताको असन्तुष्टि सम्बोधनमा केन्द्रीत हुनुपर्ने बताए। उनले भने, ‘स्थानीय होस् वा संघीय सरकार जसले भएपनि चाहिने काम मात्रै गरौँ नचाहिने काम नगरौँ। अहिले राष्ट्रपति, प्रधानमन्त्री, सभामुख भइसकेको व्यक्तिहरूले जीवनभरी सेवा सुविधा पाउनेगरी कानुन बनाउन सरकारले लाग्यो रे भन्ने हल्ला आएको छ। यस्तो कुराले स्वभाविक रूपमा नागरिकहरूलाई रिस त उठ्ने नै भयो।’

बिएल संवाददाता - पाँचथर

राजाहरूले देशलाई लुट्नमात्रै जानेका छन्ः माधवकुमार नेपाल

उनले वंशको आधारमा २४० वर्षसम्म शासन सञ्चालन गरेर सत्ताको दुरुपयोग गरेर बसेकाहरूबाट अब मुक्ति चाहिएको बताए। उनले लुट्ने इतिहास बोकेकाहरूको हातमा देश पुगे बर्बाद हुने दाबीसमेत गरे। उनले भने, ‘अहिले व्यवस्था बदलिनुपर्छ भन्ने कुरा आइरहेको छ। अवश्य पनि पुँजीवादी व्यवस्था बदलिनुपर्छ, तर सामान्तवादी व्यवस्थामा जाने होइन। दलाल र पुँजीवादीको वर्चस्व रहेको व्यवस्था, जो वंशको आधारमा पहिले १०४ वर्षसम्म, २४० वर्षसम्म शासन सञ्चालन गरेर बसेकाहरू पछि सत्ताको दुरुपयोग गरेर बसेकाहरूबाट अब मुक्ति चाहियो।’

बिएल संवाददाता - काठमाडौं

बीआरआईले आर्थिक विकासका नयाँ ढोकाहरू खोल्छः सभामुख

बीआरआईबारे नेपालको सन्दर्भमा चीन र नेपालको तर्फबाट विज्ञ तथा प्राध्यापकहरू सम्मिलित बौद्धिक व्यक्तित्वहरूको सहभागितामा ‘काष्ठमण्डप डायलग’ सिरिजको पहिलो छलफल कार्यक्रममा उनले बीआरआई नेपालका लागि केवल पूर्वाधार विकासको माध्यम मात्र नभई आर्थिक वृद्धिका नयाँ ढोकाहरू खोल्ने अवसरको रुपमा पनि रहेको भन्दै यसले सम्बन्धहरू अझै बलियो हुदै जाने बताए। उनले भने, ‘चीन विगत लामो समयदेखि नेपालको एक भरपर्दो र महत्वपूर्ण विकास साझेदार मुलुकको रुपमा रहदैँ आएको छ। नेपाल सरकार र नेपाली जनता चिनियाँ सरकार र जनताका तर्फबाट नेपालको विकास प्रयासमा हुँदै आएको सहयोग र सहकार्यका लागि आभारी छन्। बीआरआईमार्फत दुवै देशको सहकार्य अझै बलियो हुँदै गएको छ। यो नेपालका लागि केवल पूर्वाधार विकासको माध्यम मात्र नभई आर्थिक वृद्धिका नयाँ ढोकाहरू खोल्ने अवसरको रुपमा लिनुपर्छ।’

बिएल संवाददाता - काठमाडौं

पूर्वराजालाई किन भने भाइमारा? प्रचण्ड भन्छन्- जनताको आवाज बोलेको हुँ

समाजवादी मोर्चाले काठमाडौंमा आयोजना गरेको पत्रकार सम्मेलनमा बोल्दै प्रचण्डले आफूले पुरानै तथ्य र प्रमाणको आधारमा पूर्वराजा ज्ञानेन्द्र शाहलाई भाइमारा भनेको दाबी गरेका हुन्। उनले दरबार हत्याकाण्डको निष्पक्ष छानबिन हुनुपर्छ भन्ने कुरा आफूले पहिलेदेखि नै उठाउँदै आएको बताए। उनले भने, ‘दरबार हत्याकाण्ड भएका बेला हामी जनयुद्धमै थियौं। पहिलो संविधानसभापछि म पहिलोपटक प्रधानमन्त्री भएपछि पनि यो विषय उठाएको थिएँ। मैले छानबिन आयोग बनाउन जरुरी छ भनेर त्यतिबेलै भनेको थिएँ। अहिले फेरि पुनरुत्थानको कोसिस भइरहेको बेलामा तिनै कुरालाई आवश्यक ठानेर बोलेको हुँ। मैले जनताले उठाएको आशंकालाई अगाडि ल्याएको हुँ।’

बिएल संवाददाता - काठमाडौं