BreakNLinks

सोमबार, २० अप्रिल २०२६

राजनीति

त्रिवि क्रिकेट रंगशालाको निरीक्षणमा प्रधानमन्त्री, दुई महिनाभित्र काम सक्न निर्देशन

प्रधानमन्त्री केपी शर्मा ओलीले कीर्तिपुरस्थित क्रिकेट मैदानमा निर्माणाधिन अन्तर्राष्ट्रियस्तरको प्याराफिट र फ्लडलाइट जडान कार्यको स्थलगत निरीक्षण गरेका छन्। प्रधानमन्त्री ओलीले कार्यभार सम्हालेपछि गत असार ३१ गते पहिलो निर्णयका रुपमा तीनसय दिनभित्र उक्त क्रिकेट मैदानमा अन्तर्राष्ट्रियस्तरको प्याराफिट र फ्लडलाइट जडान गर्ने घोषणा गरी निर्माणका लागि उच्च प्राथमिकता दिँदै आएका छन्। प्रधानमन्त्री ओलीलाई उपप्रधानमन्त्री प्रकाशमान सिंह शहरी विकास मन्त्रालयका सचिव गोपालप्रसाद सिग्देलसहितले हालसम्मको कार्य प्रगतिबारे जानकारी लिएका थिए।

बिएल संवाददाता

बिएल संवाददाता - काठमाडौं

हिमानी ट्रस्टले निर्माण गर्न लागेको ‘बर्थिङ सेन्टर’को शिलान्यास

सुपुत्र हृदयेन्द्रलाई लिएर शुक्रबार जुम्ला पुगेकी पूर्वयुवराज्ञी हिमानी शाहले गुठीचौर गाउँपालिका-१ मणिसागुमा हिमानी ट्रष्टले निर्माण गर्न लागेको अस्पताल (बर्थिङ सेन्टर)को शिलान्यास गरेकी छन्। शिलान्यास कार्यक्रममा बाेल्दै राप्रपा प्रमुख सचेत तथा जुम्लाबाट निर्वाचित सांसद ज्ञानेन्द्र शाहीले पूर्वयुवराज्ञी हिमानी शाह सरकार र सुपुत्र हृदयन्द्र सरकारले जुम्लामा उदाहरणीय काम गरेकाे बताएका छन्।

बिएल संवाददाता

बिएल संवाददाता - काठमाडौं

माधव नेपाल भन्छन्ः कार्यकर्तालाई समर्पित बनाउने हो, ‘झोले’ होइन

नेकपा एकीकृत समाजवादीका अध्यक्ष माधव कुमार नेपालले सरकारले आफ्ना कार्यकर्तालाई ‘झोले’ बनाएको आरोप लगाएका छन्। आइतबार पार्टी कार्यालय आलोकनगरमा बसेको पार्टीको बागमती प्रदेश कमिटीको बैठकलाई सम्बोधन गर्दै उनले नेकपा एमालेका अध्यक्षसमेत रहेका प्रधानमन्त्री केपी शर्मा ओलीलाई आफ्नो कार्यकर्तालाई पार्टीप्रति समर्पित बनाउनुहोस्, झोले नबनाउनुहोस् भन्दै सुझाए। उनले भने, ‘वर्तमान सरकारका तौर तरिकालाई हेर्दा दिक्क लागिरहेको छ। त्यसैले सरकारलाई बेलाबेलामा सुझाव दिइरहेको छौं। सरकार गलत बाटो नहिडोस्, गलत दृष्किोण त्यागोस्। आग्रहपूर्वाग्रह नलियोस्। देश र जनताको कल्याणको निम्ति इमान्दारिताकासाथ लागोस्। आफ्नो कार्यकर्तालाई समर्पित बनाउनुहोस्, झोले नबनाउनुहोस्।’

बिएल संवाददाता

बिएल संवाददाता - काठमाडौं

‘मातृभूमि जागरण’को अभियानमै व्यस्त छन् भीम रावल, बाँकी कुरा हल्ला हुन्’

मातृभूमि जागरण अभियानका प्रस्तावक डा. भीम रावल यतिखेर देश दौडाहामा छन्। संगठन निर्माणका लागि विभिन्न जिल्ला धाइरहेका उनी पार्टी घोषणाको अन्तिम तयारीमा जुटेका छन्। देशभक्तिपूर्ण राजनीतिक शक्ति निर्मााण गर्ने योजनामा रहेका उनले आफ्नो गृहजिल्ला अछामसहित विभिन्न जिल्लाको भ्रमण गरिसकेका छन्।

बिएल संवाददाता

बिएल संवाददाता - काठमाडौँ

देउवालाई ढुक्क बनाउने ओलीको प्रयास, भनेः १३ महिनापछि सत्ता हस्तान्तरण गर्छु

प्रधानमन्त्री केपी शर्मा ओलीले स्थिरता, सुशासन र विकासका लागि सही नीतिका साथ सरकार अघि बढिरहेकाले सत्ता साझेदार दलभित्र कुनै मतान्तर नरहेको स्पष्ट पारेका छन्। अखिल नेपाल राष्ट्रिय स्वतन्त्र विद्यार्थी युनियनको २४औं राष्ट्रिय महाधिवेशनको उद्घाटन गर्दै प्रधानमन्त्री ओलीले नेपाली कांग्रेस र एमालेबीचको सहमतिबमोजिम अबको १३ महिनापछि कांग्रेसलाई सरकारको नेतृत्व हस्तान्तरण गरेर एमाले सरकारमा सामेल हुने बताएका हुन्।

बिएल संवाददाता

बिएल संवाददाता - काठमाडौं

विपक्षी दलको बैठक लगत्तै कांग्रेस नेता भेट्न पुगे माओवादी नेताहरू

प्रतिनिधि सभामा जारी अवरोध बारे छलफल गर्न बसेको विपक्षी दलहरूको बैठक सकिएको छ। बैठक सकिए लगत्तै माओवादी नेताहरू कांग्रेस नेताहरूसँग छलफलमा जुटेका छन्। खुमलटार स्रोतका अनुसार अध्यक्ष ‘प्रचण्ड’को सन्देश लिएर शक्ति बस्नेतलगायत नेताहरू कांग्रेसका नेताहरूलाई भेट्न गएका छन्। विपक्षी दलहरूको बैठकले भिजिट भिसा प्रकरणमा गृहमन्त्री रमेश लेखकमाथि अनुसन्धान गर्न छानबिन आयोग बनाउने मागबाट पछि नहट्ने निष्कर्ष निकालेको छ।

बिएल संवाददाता

बिएल संवाददाता - काठमाडौं

टेलिकमकी प्रवन्ध निर्देशक संगिता पहाडीसहित १८ विरुद्ध भ्रष्टाचार मुद्दा दायर (आरोप पत्रसहित)

नेपाल टेलिकमकी प्रबन्ध निर्देशक संगिता पहाडीलगायत १८ जनाविरुद्ध भ्रष्टाचार मुद्दा दायर भएको छ। टेलिकमको बिलिङ ठेक्कासम्बन्धी प्रकरणमा अख्तियार दुरुपयोग अनुसन्धान आयोगले उनीहरूविरुद्ध आइतबार विशेष अदालतमा भ्रष्टाचार मुद्दा दायर गरेको हो।  अख्तियारको आरोपपत्रमा जनाइए अनुसार टेलिकमका तत्कालीन प्रबन्ध निर्देशक सुनिल पौडेल, तत्कालीन प्रमुख व्यावसायिक अधिकृत (हाल प्रबन्ध निर्देशक) पहाडी तथा एसियाइन्फो योङ्हाङ्ग सफ्टवेयर बेइजिङ लिमिटेड चाइनासमेत १८ जना उपर नेपाल दूरसञ्चार कम्पनी लिमिटेड/सार्वजनिक संस्थाको सम्पत्ति हिनामिना हानी नोक्सानी गरी गराई भ्रष्टाचार गरेको आरोपमा मुद्दा दायर भएको हो।

बिएल संवाददाता

बिएल संवाददाता - काठमाडौं

आजबाट सदनमा पेलेरै अघि बढ्ने सत्तारुढ दलको तयारी!

संसदको अवरोध खुलाउने विषयमा सत्तापक्ष र प्रतिपक्षबीच कुराकानी मिल्न नसकेपछि सत्तारुढ दलहरू अब पेलेरै अघि बढ्ने रणनीतमा लागकेा छन्। भिजिट भिसा प्रकरणमा मुछिएका गृहमन्त्री रमेश लेखकको राजीनामा र छानबिन आयोग गठनको माग गर्दै प्रतिपक्षीहरूले सदनमा अवरोध गर्दै आएका छन्। लामो समयदेखिको सहमतीको प्रयास असफल भएपछि सत्तारुढ दलहरू अब सदनमा पेलेरै अघि बढ्ने रणनीतिमा पुगेका हुन्। सभामुख देवराज घिमिरेसँग सिंहदरबारमा भएको छलफलबाट बाहिरिने क्रममा कांग्रेस प्रमुख सचेतक श्याम घिमिरेले अब प्रतिपक्षको अवरोध जारी रहेपनि संसद चलाउने दाबी गरे।

बिएल संवाददाता

बिएल संवाददाता - काठमाडौं

संसदको अवरोध हटाउन सभामुखको प्रयास जारी, तीन दलका प्रमुख सचेतसँग छलफल

सभामुख देवराज घिमिरेले प्रमुख तीन दलका मुख्य सचेतक र प्रमुख सचेतकसँग छलफल गरेका छन्। संसदको गतिरोध हटाउने सभामुखको तयारीको निरन्तरता स्वरुप आइतबार सभामुख घिमिरेले कांग्रेस प्रमुख सचेतक श्यामकुमार घिमिरे, एमाले मुख्य सचेतक महेश बर्तौला र माओवादी केन्द्रका प्रमुख सचेतक हितराज पाण्डेसँग छलफल गरेका छन्। सदनमा प्रतिपक्षीको अवरोध जारी रहेपछि सभामुख रुष्ट बनेका छन्। उनले सचेतकहरूलाई सदनमा अवरोध हुँदा बजेटमाथिको छलफल सुरु हुन नसकेकोतर्फ ध्यानाकर्षण गराएका सभामुखको सचिवालयले जनाएको छ।

बिएल संवाददाता

बिएल संवाददाता - काठमाडौं

प्रतिनिधिसभा बैठक आज बस्दै

सङ्घीय संसद्अन्तर्गत प्रतिनिधिसभाको बैठक आज बस्ने भएको छ। प्रतिनिधिसभाको बैठक आज दिउँसो १ः०० बजे बस्ने गरी समय निर्धारण भएको छ। आजको बैठकमा उपप्रधानमन्त्री एवं अर्थमन्त्री विष्णुप्रसाद पौडेलले वक्तव्यसहित ‘आर्थिक वर्ष २०८२/८३ को राजस्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेस गर्ने र सो प्रस्तावमाथि छलफल हुने सम्भावित कार्यसूची छ।

बिएल संवाददाता

बिएल संवाददाता - काठमाडौँ

पूर्वाग्रह राखेर मुद्दा लगाए, न्यायलयप्रति विश्वस्त छु : माधव नेपाल (भिडि‌ओसहित)

‘अहिले नेपालको राजनीतिमा हाम्रो पार्टीको भूमिका महत्त्वपूर्ण रहेको छ। हाम्रो पार्टीको महत्त्वपूर्ण भूमिका देखेर कतिपय व्यक्तिहरू आत्तिएका पनि छन्, आतंकित पनि भएका छन्। पूर्वाग्रह राखेर बसेका छन्, बद्लाको भावनाले उनीहरूलाई पोलिराखेको पनि छ’ उनले भनेका छन् ‘त्यसैको एउटा उदाहरण ममाथि भ्रष्टाचारको मुद्दा लगाउनका लागि पहल भएको छ। भ्रष्टाचारको केस जसमा निर्णायाकको आधार चाहिन्छ। माधव नेपालले कसैसँग एक पैसा घुस लिएको भएँ, एकदाम जग्गा घुस लिएको भएँ, अनुचित काम गरेको भएँ, देश र जनतालाई नोक्सान हुने कुनै काम गरेको भएँ त्यसको सम्पूर्ण जिम्मेवारी म लिन तयार छु।’

बिएल संवाददाता

बिएल संवाददाता - काठमाडौं

अख्तियारलाई स्वतन्त्र र निष्पक्ष रूपमा काम गर्न दिनुपर्छ– गगन थापा

नेपाली कांग्रेसका महामन्त्री गगनकुमार थापाले अख्तियार दुरुपयोग अनुसन्धान आयोगलाई स्वतन्त्र र निष्पक्ष रूपमा अनुसन्धान गर्न दिनुपर्ने बताएका छन्।  शुक्रबार विराटनगर विमानस्थलमा सञ्चारकर्मीहरूसँग कुरा गर्दै उनले हाल गृहमन्त्री रमेश लेखकसम्बन्धी उठिरहेको विषयमा प्रत्यक्ष राजनीतिक हस्तक्षेप गर्न नहुने बताएका हुन्।

बिएल संवाददाता

बिएल संवाददाता - विराटनगर

संसद्को अवरोधबारे छलफलमा जुटे विपक्षी दलहरू

संसद् भवन नयाँ बानेश्वरमा विपक्षी दलहरूको बैठक जारी छ।   नेकपा माओवादी केन्द्रका अध्यक्ष पुष्पकमल दाहाल प्रचण्डको कार्यकक्षमा बैठक भइरहेकाे हाे।  संसद्को अवरोध हटाउने वा जारी राख्ने सम्बन्धमा माओवादी, राष्ट्रिय स्वतन्त्र पार्टी (रास्वपा), नेकपा एकीकृत समाजवादीका नेताहरू सहभागी छन्।

बिएल संवाददाता

बिएल संवाददाता - काठमाडाैं

सङ्घीय संसद्का दुवै सदनको बैठक बस्दै

सङ्घीय संसद्को दुवै सदनको बैठक आज बस्दै छ। प्रतिनिधिसभाको बैठक आज दिउँसो १ः०० बजे बस्ने गरी निर्धारण भएको छ। आजको बैठकमा उपप्रधानमन्त्री एवं अर्थमन्त्री विष्णुप्रसाद पौडेलले वक्तव्यसहित ‘आर्थिक वर्ष २०८२/८३ को राजस्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेस गर्ने र सो प्रस्तावमाथि छलफल हुने सम्भावित कार्यसूची छ।

बिएल संवाददाता

बिएल संवाददाता - काठमाडौँ

देउवाको स्पष्टोक्तिः गृहमन्त्रीको राजीनामा आवश्यक छैन

नेपाली कांग्रेसका सभापति शेरबहादुर देउवाले कांग्रेस र एमालेको गठबन्धन राम्रोसँग चलिरहेको दाबी गरेका छन्।  बिहीबार जनकपुर विमानस्थलमा सञ्चारकर्मीहरूसँग कुरा गर्दै देउवाले गठबन्धनमा कुनै समस्या नरहेको स्पष्ट गरेका छन्। उनले सत्तागठबन्धन ०८४ सम्म निरन्तर चल्ने दाबीसमेत गरे। त्यस्तै सभापति देउवाले गृहमन्त्रीले राजीनामा दिनुपर्ने कुनै कारण नभएको दाबी गर्दै संसदको गतिरोध अन्त्यका लागि प्रयास भइरहेको बताए।

बिएल संवाददाता

बिएल संवाददाता - काठमाडौं

प्रधानमन्त्रीलाई जोडेर माधव नेपालको अभिव्यक्ति प्रतिशोधपूर्णः एमाले

नेकपा एमालेका प्रमुख सचेतक महेश बर्तौलाले माधव नेपालले प्रधानमन्त्री केपी ओलीको निर्देशनमा आफूमाथि भ्रष्टाचारको मुद्दा दर्ता गरेको आरोप लगाएको भन्दै आपत्ति जनाएका छन्। बिहीबार संसदभवन बाहिर सञ्चारकर्मीसँगको कुराकानी गर्दै संवैधानिक आयोगहरूले गरेका काम प्रक्रियामा प्रधानमन्त्रीले गर्‍यो भनेर आरोप लगाउँदै जाने र राज्यका अंगहरूमाथि फितलो टिप्पणी गर्नु उपयुक्त नहुने उनले बताए।

बिएल संवाददाता

बिएल संवाददाता - काठमाडौं

सञ्चारमन्त्री भन्छन्ः ‘एमाले हार्छ भने आफ्नै कारणले हार्छ, अरूले हराउन सक्दैन’

सूचना तथा सञ्चार प्रविधिमन्त्री पृथ्वीसुब्बा गुरुङले नेकपा एमाले विचार र दृष्टिकोणमा सबैभन्दा अब्बल पार्टी भएको दाबी गरेका छन्। नेकपा एमाले बागमती प्रदेश प्रचार तथा प्रकाशन विभागले बिहीबारबाट भक्तपुरमा आयोजना गरेको प्रचार कार्यशालामा बोल्दै एमाले उपमहासचिव समेत रहेका गुरुङले एमालेजस्तो उत्कृष्ट विचार र दृष्टिकोण भएका पार्टी नेपालमा अरू कुनै नभएका दाबी गरे। ‘विचार, दृष्टिकोण, नेतृत्व सबै सही हुँदाहुँदै पनि पार्टी किन सोचेजस्तो बलियो हुन सकेको छैन?’ भन्ने विषयमा गम्भीर समीक्षा गर्नुपर्ने उनले बताए।

बिएल संवाददाता

बिएल संवाददाता - काठमाडौं

प्रतिनिधि सभाको बैठक केहीबेर बसेर स्थगित

प्रतिनिधिसभाको बिहीबारको बैठक केहीबेर बसेर स्थगित भएको छ। भिजिट भिसा प्रकरणमा जोडिएका गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै विपक्षी दलहरूले अवरोध गरेपछि बैठक स्थगित भएको थियो। प्रतिपक्षी दलहरूको अवरोधका कारण सभामुख देवराज घिमिरेले भोलि दिउँसो १ बजेसम्मका लागि बैठक स्थगित गरे।

बिएल संवाददाता

बिएल संवाददाता - काठमाडौं

पार्टी छोडेपछि पहिलोपटक गगन-स्वर्णिम भेट, कांग्रेस-रास्वपा बैठकमा के भयो कुराकानी?

प्रतिनिधि सभाको अवरोध हटाउने विषयमा नेपाली कांग्रेस र राष्ट्रिय स्वतन्त्र पार्टी (रास्वपा)का नेताहरूबीच छलफल भएको छ। बिहीबार संघीय संसद भवन बानेश्वरस्थित शंकर हलमा दुई दलका नेताहरूबीच छलफल भएको हो। कांग्रेसबाट उपसभापति पूर्णबहादुर खड्का, महामन्त्री गगन थापा र प्रमुख सचेतक श्याम घिमिरे सहभागी थिए भने रास्वपाबाट उपसभापति डा. स्वर्णिम वाग्ले र प्रमुख सचेतक सन्तोष परियार सहभागी थिए।

बिएल संवाददाता

बिएल संवाददाता - काठमाडौं

ज्ञानेन्द्र शाहीको दाबी- ‘हत्या’ र ‘भिजिट भिसा’को मुद्दा मिलाउन नारायणकाजी र गृहमन्त्रीको भेट

राप्रपा प्रमुख सचेतक ज्ञानेन्द्र शाहीले माओवादीले पूर्वसभामुख अग्नि सापकोटा पक्राउ पर्ने डरले संसद खोल्न लचिलो भएको आरोप लगाएका छन्। बुधबार सर्वोच्च अदालतले काभ्रेका अर्जुन लामा हत्या प्रकरणमा माओवादी केन्द्रका उपाध्यक्ष तथा पूर्वसभामुख अग्नि सापकोटामाथि अनुसन्धान गर्न आदेश दिएपछि माओवादीले गृहमन्त्री रमेश लेखकलाई बोल्न दिन लचक देखिएको थियो। भिजिट भिसा प्रकरणमा मुछिएका गृहमन्त्रीको राजीनामालाई नै बटमलाइन बनाएर विपक्षीसँगै संसदमा अवरोध गर्दै आएको माओवादी बिहीबार अचानक राजीनामाभन्दा छानबिनलाई प्राथमिकता दिने भन्दै लचक देखिएपछि शाहीले यस्तो आरोप लगाएका हुन्।

बिएल संवाददाता

बिएल संवाददाता - काठमाडौं

ट्रेन्डिङ