‘आगामी अधिवेशनमा कांग्रेस एक भएर जनताका मुद्दाहरू उठाउने छ। यो सरकार गठन भएपछि गरेका राम्रा कामहरू के के छन्, आर्थिक अवस्थाको सुदृढीकरण के हो, राजनीतिक स्थिरता कहाँ पुग्यो आदि विषयमा समीक्षा भएको छ। तीन-तीन महिनामा विश्वासको मत लिने पद्धति समाप्त भएर एउटा उत्साहजनक वातावरण सिर्जना गरेको छ। सरकारलाई ०८४ सम्म निरन्तरता दिएर नै जाने गरी छलफल भएको छ।’
बिएल संवाददाता - काठमाडौं
रविले बलात्कारीलाई उन्मुक्ति दिएको आशयको अभिव्यक्ति दिएपछी उनी आफैं समस्यामा फसेकी छन्। लामिछानेले बलात्कारीलाई उन्मुक्ति दिएको भन्दै सामाजिक सञ्जालमा चर्को आलोचना भएपछि उनले स्टाटस एडिट गरिसकेकी छन्। संग्रौलाले सुरुमा लेखेकी थिइन्, ‘रवि दाइले गृहमन्त्री हुँदा जीवनदान दिएको एउटा बलात्कारी आज निक्कै उफ्रिँदै छ रे त साथीहरू। अहिले कुर्सी त्यस्को बाउको, त्यसपछि हाम्रो दाइको। याद गर काजी…।’
बिएल संवाददाता - काठमाडौं
महामन्त्री थापाले भने, ‘म अहिलेको प्रधानमन्त्री वा हुनेवाला प्रधानमन्त्री वा अस्ति भर्खर हुनुभएको प्रधानमन्त्री भन्दा हामी राम्रो प्रधानमन्त्री चलाउन सक्छौँ भन्ने कुरा म अहिले पनि विश्वास गर्छु। आजको प्रधानमन्त्रीको ठाउँमा आजै बेलुका गएर हामीमध्ये कसैलाई प्रधानमन्त्री बनाउने हो भने अहिले चलाएको भन्दा राम्रो चलाउँछौं, चलाउँछौं। यति कुरा दावाका साथ भन्न सक्छु । त्यही चलाउँछौँ भन्ने विश्वासका साथ बन्ने प्रयास पनि गरेको हो। म जिम्मा लिन्छु भनेर गएको पनि हो । ती प्रयासबाट आएका परिणामहरूलाई पनि स्विकार्नुपर्छ। म के ठान्दछु भने- यो दशक अब फेरि खेर फाल्नु हुँदैन।’
बिएल संवाददाता - भक्तपुर
०८४ को निर्वाचनमा समाजवादी अभियानको निम्ति नेकपालाई जिताउन आग्रह गर्दै नेपाली जनताले विश्वास गरे आफ्नो पार्टीले बहुमत वा दुई तिहाइ सिट ल्याउने बताए। उनले भने, ‘एक पटक ०८४ लाई समाजवादी अभियानको निम्ति प्रयोग गर्ने, राष्ट्रिय स्वाधीनताका लागि प्रयोग गर्ने हो। हाम्रो अपिल छ नेपाली जनतालाई संसदीय चुनावबाट समाजवादको यात्रा लड्ने हाम्रो चाहना छ। देशलाई स्वाधीन बनाउने एजेन्डासहित नेपाली जनतालाई माथि उठाउने उद्देश्यसहित एकैचोटी जाने विचार छ। यदि नेपाली जनताले हामीलाई विश्वास गर्नुभयो भने।’
बिएल संवाददाता - काठमाडौं
संग्रौलाको दाबी छ- रास्वपाका सबै नेताहरू रविकै कारण चिनिएका हुन्। उनीहरूको अलग्गै परिचान छैन। उनले सामाजिक सञ्जालमा लेखेकी छन्, ‘हामी जतिसुकै बौद्धिक र पढे-लेखेका भए पनि रवि दाइकै कारणले रास्वपामा चिनिएका हौँ। यो कुराचाहिँ हामी कदापि नभुलौँ।’
बिएल संवाददाता - काठमाडौं
६ दिने अनुगमनका क्रममा कृषि समितिकी सभापति कुसुमदेवी थापा , कांग्रेस नेता वीरबहादुर बलायर र एमाले सांसद सरस्वती सुब्बाले ‘ओपन हाउस पोखरा’ रेष्टुरेन्टमा रक्सी खाएर रास्वपा सांसदलाई दुर्व्यवहार भएको कुरा अस्वीकार गरेपछी उनले थप चुनौती दिँदै सचिवालयलाई ती प्रमाणहरू झिकाउन आग्रह गरेकी हुन्। रास्वपा सांसदहरूको बारेमा अनावश्यक टिकाटिप्पणी गरेको र सांसदलाई नै दुर्व्यवहार गरेको भन्दै त्यसमा संलग्न सांसदलाई कारबाहीको माग गरेकी छन्। पोखरामा गरेको दुर्व्यवहारको सम्बन्धमा गल्ती स्वीकार्दै माफी माग्न समेत उनले आग्रह गरेकी छन्।
बिएल संवाददाता - काठमाडौं
मतपत्र गन्ने क्रममा प्रतिनिधिले मतपत्रमा पानी खन्याइदिएपछि लफडा भएको हो। मधेश प्रदेशमा जारी मतगणनाका क्रममा खसेको मतभन्दा मतपत्र कम भेटिएपछि तनाव भएको हो। मधेशमा १५९ मत खसेकोमा १५४ मत मात्र भेटिएपछि विवाद भएको हो। अध्यक्षका उम्मेद्वार हेमन्त राई पक्षका एक विद्यार्थी नेताका अनुसार जनार्दन पक्षले जित्ने निश्चित भएपछि माओवादी अध्यक्ष प्रचण्ड र उपमहासचिव शक्तिबहादुर बस्नेत गुटले मतपत्रमा पानी खन्याएको दाबी गरे।
बिएल संवाददाता - काठमाडौं
काठमाडौंमा जारी कार्यसमिति बैठकमा धारणा राख्दै किरणले विश्वका शासकीय स्वरुप अध्ययन गर्दा राजसंस्था र प्रत्यक्ष निर्वाचित प्रधानमन्त्री कतै नभएको तर राप्रपाले अगाडि सारेका कारण नयाँ प्रयोग भएकाले संस्थागत धारणा निर्माण गर्नुपर्नेमा जोड दिए। किरणले नेपाल भूराजनीतिको गम्भीर चपेटामा फस्ने खतरामा रहेको भन्दै केन्द्रीय कार्यसमितिको ध्यानाकर्षण समेत गराए। सांसदहरूले हाउसमा जनताका मुद्दालाई गम्भीरतापूर्वक र एकदमै आक्रमक तवरले राख्नुपर्ने समेत सुझाव दिए।
बिएल संवाददाता - काठमाडौं
चन्दले सुरक्षाको जिम्मेवारी पाएको नेपाल प्रहरीले अराजक समूहको अगाडि निरिहता देखाएको आरोप पनि लगाएका छन्। र, घटनाको छानबिन गर्न माग गरेका छन्। जिल्ला प्रहरी कार्यालय कञ्चनपुरका अनुसार पूर्व मुख्यमन्त्रीमाथि दुर्व्यवहार भएको घटनामा संलग्न एक जनालाई प्रहरीले नियन्त्रणमा लिएको थियो। तर, केही सोधपुछपछि उनलाई परिवारको जिम्मा लगाएको थियो।
बिएल संवाददाता - धनगढी
काम गर्ने शिलशिलामा साना तथा मझौला व्यवसायीहरूको स-साना धेरै समस्याहरू रहेकाले त्यसको सम्बोधन गर्न कांग्रेसले पहल गर्ने पनि उनले विश्वास दिलाइन्। ‘जति साना तथा मझौला व्यवसायहरू दर्ता भए त्यसमध्ये ३० प्रतिशत व्यवसायहरू मात्र सफल भएका छन् भन्ने छ। व्यवसायहरू दर्ता गर्ने प्रणालीमा समस्या व्यहोरिरहनुपरेको छ। करमा समस्या छ। यस्ता धेरै समस्याहरू नेताहरूले बुझ्नुपर्छ। नेताले नबुझे समस्याको समाधान हुँदैन। नीति निर्माण गर्ने सम्बन्धित निकायहरूसँग पनि अन्तर्क्रिया गर्नुपर्छ भनेर सम्मेलनको आयोजना गर्न तत्पर भएका हौं,’ थपलियाले भनिन
बिएल संवाददाता - काठमाडौं
.jpg)
रौतहटको बौद्धिमाई नगरपालिका–८ र ९ सरमुजवामा सडक बिस्तारको क्रममा डोजर चलाइएको छ। बौद्धिमाई नगरपालिकाका नगर प्रमुख प्रदीप यादवको अगुवाइमा सडक क्षेत्रभित्र पर्ने संरचना हटाएको हो। सडक क्षेत्रमा रहेका केहीको घरगोठ तथा परालको थुप्रो नगरपालिकाले हटाएको छ तर स्थानीयहरूले भने नगरपालिकाले जबर्जस्ती गरेको आरोप लगाएको छन्।
बिएल संवाददाता - रौतहट
नेपाली कांग्रेसका सभापति शेरबहादुर देउवाले आज संसदीय दलको बैठक बाेलाएका छन्। दिउँसो २ बजदेखि सुरु हुने बैठक संसदीय दलको कार्यालय सिंहदरबारमा बस्दैछ। बैठकमा संसद्को हिउँदे अधिवेशनबारै छलफल हुने र बैठक दुई दिन चल्ने कांग्रेस प्रमुख सचेतक श्याम घिमिरेले जानकारी दिएका छन्।
बिएल संवाददाता - काठमाडौं
नेकपा माओवादी केन्द्रनिकट विद्यार्थी अनेरास्ववियु क्रान्तिकारीको २३औँ राष्ट्रिय सम्मेलनबाट नेतृत्व छनोटका लागि शनिबार भएको निर्वाचनको मतपरिणाम आउनेक्रम जारी छ। निर्वाचन समितिले दिएको जानकारीअनुसार तीन प्रदेशमा अध्यक्ष पदको अन्तिम मतपरिणाम सार्वजनिक भइसकेको छ। अखिल स्रोत भन्छ– अध्यक्ष पदमा माओवादी उपमहासचिव शक्ति बस्नेत र जनार्दन शर्मा समूहबीच कडा टक्कर छ। त्यसो त वरिष्ठ उपाध्यक्ष नारायणकाजी श्रेष्ठ तेस्रो स्थानमा छ भने, अर्का उपमहासचिव वर्षमान पुन समूहले देशभर कमजोर प्रदर्शन गरेको छ।
बिएल संवाददाता - काठमाडौं
आइतबार संघीय संसदअन्तर्गत विभिन्न तीनवटा समितिको बैठक बस्दैछ। जसअनुसार आज उद्योग तथा वाणिज्य र श्रम तथा उपभोक्ता हित समितिको बैठक विहान ११ः३० बजे सिंहदरबारमा बस्नेछ। बैठकमा विद्युतीय व्यापारका सम्बन्धमा व्यवस्था गर्न बनेको विधेयक, २०८० माथि छलफल गरिनेछ।
बिएल संवाददाता - काठमाडौं
शनिबार सिंहदरबारमा बसेको शीर्ष नेताहरूको बैठकमा देउवाले काम गर्न केही समस्या भए पार्टीकै बैठकमा राख्न र बाहिर सबै एक ढिक्का हुन निर्देशन दिएका हुन्। बैठकपछि कांग्रेस प्रमुख सचेतक श्याम घिमिरेले भने, ‘परराष्ट्रमन्त्री स्वास्थ्य उपचारका लागि देश बाहिर रहेकाले उहाँ बाहेक हाम्रा सबै मन्त्रीहरू बैठकमा सहभागी हुनुहुन्थ्यो। सभापतिले उहाँहरूलाई केही समस्या भए यही भित्र कुरा राख्नुस्, बाहिर पनि एक भएर प्रस्तुत हुनुपर्छ भन्ने कुरा राख्नुभयो। सरकारबारे पदाधिकारीहरूले पनि कुनै असन्तुष्टि राख्नुभएको छैन।’
बिएल संवाददाता - काठमाडौं
माओवादी केन्द्रका उपमहासचिव जनार्दन शर्माको नेतृत्वमा १५-१६ सांसद र नेकपा एसका ७ सांसदले विद्रोहको तयारी गरिरहेको उनको दाबी छ। बस्नेत भन्छन्, ‘तपाईं (प्रचण्ड) माधव नेपालको आडमा यस्ता कुरा गर्दै हुनुहुन्छ। तपाईंकै पार्टीका जनार्दन शर्मालगायत क्रान्तिकारी साथीहरूलाई तपाईं सम्झाउन सक्नुहुन्छ? तपाईंका पार्टीका १५-१६ सांसदले विद्रोह गर्ने स्थिति बन्दैछ। माधव नेपालको पार्टी हो कि क्लब हो? तपाईंका पार्टीका ७ सांसद हात उठाएर पार्टी छाड्न तयार भइसकेका छन्।’
बिएल संवाददाता - काठमाडौं
हप्ता दिनअघि एमाले कैलालीले पार्टीबाट निकालेका पूर्वमन्त्री सुवेदीसहित जिल्ला कमिटी सदस्य भिष्मराज सुवेदीलगायत ३ सय ५८ जनाले एमाले छाडेर नेता रावलको अभियानमा जोडिएको जानकारी दिएका छन्। रावलनिकट स्रोतकाअनुसार उक्त अभियानमा कैलालीको गोदावरी र गौरिगंगा नगरपालिकाका करिब २ सय ५० भन्दा बढी एमाले संगठित सदस्य रहेको बताइएको छ।
बिएल संवाददाता - कैलाली
शनिबार राष्ट्रिय कार्यकर्ता भेला २०८१ मा बोल्दै उनले पार्टीका अध्यक्ष केपी शर्मा ओलीले सरकार चलाएर राम्रो काम गरिरहेको समयमा राम्रो भएको देख्न नचाहने, सधैंभरी अस्थिरतामा रमाउन खोज्नेहरूको कमी नभएको बताएका हुन्। साथै उनले नेकपा एमालेको नेतृत्वले सरकारले जनतामा आशा जगाएको बताए। उनले सरकारले जनतामा आशा संञ्चारित गरेको र विकास र निर्माणका कामहरूले तिव्रता पाइरहेको बताए।
बिएल संवाददाता - काठमाडौं
नेकपा एमालेबाट निकालिएका पूर्वउपाध्यक्ष डा. भीम रावलको गृहजिल्ला अछाममा पार्टी छोड्ने नेता–कार्यकर्ताहरूको संख्या बाक्लिएको छ। सुदूरपश्चिमबाट उदाएर राष्ट्रिय राजनीतिमा प्रभाव जमाएका ‘राष्ट्रवादी’ नेतालाई प्रधानमन्त्री तथा अध्यक्ष केपी शर्मा ओलीले पार्टीबाट निकाल्दा अछामी एमालेजनहरू रिसाएका छन्। कतिसम्म भने अछाम जिल्लामा दर्जनौँ एमालेका वडा कमिटीहरू उनै रावलले नेतृत्व गरेको ‘मातृभूमि जागरण अभियान’मा समाहित भएका छन्।
बिएल संवाददाता - अछाम
थारु समुदायको परिकार ढिक्री कुनै चाडपर्व र समारोहमा बनाउने गरिन्छ। यो विशेष गरी चामलको पिठोको ढिक्री बनाउने प्रचलन छ भने त्यसको अलवा गहुँ, जौँ र मकैको पिठोको पनि बनाउने गरिन्छ। विभिन्न थरिका अन्नबाट ढिक्री बनाएर खाने प्रचलन भए पनि देवतालाई भने प्रायःजसो चामलको ढिक्री प्रसादको रुपमा चढाउने प्रचलन थारू समुदायमा विद्यमान छ।
बिएल संवाददाता - दाङ
१ .
२ .
३ .
४ .
५ .
