BreakNLinks

शनिबार, २३ अगस्ट २०२५

राजनीति

गभर्नरमा मेरो ल्याउनु कोही छैन, क्षमतावान व्यक्ति नियुक्त हुन्छन्ः प्रधानमन्त्री

प्रधानमन्त्री केपी शर्मा ओलीले नेपाल राष्ट्र बैंकको रिक्त गभर्नरमा व्यक्तिगत निकटताका आधारमा नभई योग्यताक्रमका आधारमा क्षमतावान व्यक्तिको नियुक्ति गर्ने पक्षमा आफू रहेको बताएका छन्। पूर्व योजनाकार मञ्च नेपालको औपचारिक शुभारम्भ कार्यक्रमलाई सम्बोधन गर्दै उनले आफू प्रधानमन्त्री हो तर सरकारमा आफू मात्रै नभएको बताएका हुन्। उनले भने, ‘राष्ट्र बैकमा मेरो कोही ल्याउनु छैन। मेरिटोक्रेसीका आधारमा क्षमतावान मान्छे ल्याउने हो। काम गर्न सक्ने मान्छे भए देशलाई भइहाल्छ। मेरो मान्छे भन्ने चाहिँदैन। म प्रधानमन्त्री हो तर सरकारका म मात्र छैन। त्यसैले म सकेसम्म मेरिटोक्रेसीलाई महत्व दिन्छु।’

बिएल संवाददाता

बिएल संवाददाता - काठमाडौं

मैसँग हारेका व्यक्ति गभर्नरको लाइनमा देखिए, लाज पनि लजायोः सांसद ढकाल

राष्ट्रिय स्वतन्त्र पार्टी (रास्वपा)का सांसद हरि ढकालले कांग्रेस र एमालेलाई दुई जना गभर्नर बनाउन व्यंग्यात्मक सुझाव दिएका छन्। बिहीबारको प्रतिनिधिसभामा बोल्दै उनले गभर्नर नियुक्तिमा दुई दलबीच लडाईं चलेको भन्दै उनले दुईवटा गभर्नर बनाएर भागबण्डा मिलाउन सुझाव दिएका हुन्। उनले भने,‘म गठबन्धन सरकारलाई जे गर्नुछ यो ३१ महिनाभित्र गरिभ्याउनुहोस् भन्छु। चल्या छ लडाईं, दुईवटा गभर्नर बनाउनुस् न, एउटा बिचौलिया ह्याण्डल गर्ने, अर्को नोटमा सिग्नेचर गर्ने, अर्को काम पनि गर्नुहोस्। ३१ महिनामा कि त्यो छापिएको नोटमा हुन्छ नि आफ्ना चुनाव चिन्ह राख्नुहोस्।’

बिएल संवाददाता

बिएल संवाददाता - काठमाडौं

नेपाल ‘जलवायु संकट’को चरणमा रहेको भन्दै सांसद घर्तीको चिन्ता

नेकपा एमालेकी सांसद इश्वरी घर्तीले ‘सगरमाथा संवाद’ जलवायु परिवर्तन न्यायको पक्षमा रहेको बताएकी छन्। बिहीबार प्रतिनिधी सभाको बैठकमा बोल्दै सांसद घर्तीले सगरमाथा संवाद जलवायु न्यायको पक्षमा रहेकोले यो संवाद जलवायु परिवर्तनको विषय उठाउने उपयुक्त विश्व मञ्चका रुपमा रहेको बताइन्।  ‘सगरमाथा संवाद’ शुक्रबारदेखि हुँदैछ। उनले नेपाल जलवायु संकटको चरणमा रहेको र मौसमी घटनाका कारण विपतका जोखिमले देशलाई ठुलो क्षति गरिरहेको पनि बताइन्। उनले राष्ट्रिय तथ्याङ्क कार्यालयको दोस्रो पारिवारिक सर्वेक्षण अनुसार जलवायु विपत्तिबाट नेपालले वार्षिक ८३ अर्बको क्षति बेहोरिरहेको बताइन्।

बिएल संवाददाता

बिएल संवाददाता - काठमाडौं

ओलीले दिए पुटिनलाई नेपाल भ्रमणको निम्तो

प्रधानमन्त्री केपी शर्मा ओलीले रुसी राष्ट्रपति भ्लादिमिर पुटिनलाई नेपाल भ्रमणको निम्तो दिएका छन्। बिहीबार प्रधानमन्त्री निवास बालुवाटारमा रुसी महासङ्घअन्तर्गतको काल्मिकियाका प्रमुख बाटु कासिकोभ नेतृत्वको प्रतिनिधिमण्डलसँगको भेटवार्ताका क्रममा ओलीले पुटिनलाई नेपालको औपचारिक भ्रमणको निम्तो सुनाइदिन भनेका हुन्। ओलीले नेपाल र रुसबीच कुनै सैन्य सम्झौता नभएको अवस्थामा रुसी सेनामा नेपालीलाई भर्ना नगर्न राष्ट्रपति पुटिनलाई आफ्नो सन्देश सुनाइदिन पनि आग्रह गरेका प्रधानमन्त्रीको सचिवालयले जनाएको छ।

बिएल संवाददाता

बिएल संवाददाता - काठमाडौं

सांसद बस्नेतविरुद्ध ‘भ्रष्टाचार मुद्दा’ दायर हुँदा कार्की, बास्कोटा र पूर्व मुख्यसचिवलाई उन्मुक्ति!

बस्नेतसहितविरुद्ध ३ अर्ब २१ करोड ८३ लाख ७७ हजार १८२ बिगो मागदाबी गरिरहँदा उक्त प्रकरणमा जोडिएका चर्चित राजनीतिक पात्रहरू र पूर्व प्रशासकहरूले भने उन्मुक्ति पाएका छन्। सोही प्रकरणमा जोडिएका दुई पूर्वसञ्चारमन्त्रीहरू हुन्- कांग्रेस सांसद ज्ञानेन्द्रबहादुर कार्की र एमाले सांसद गोकुल बास्कोटा। त्यस्तै पूर्व मुख्यसचिव बैकुण्ठ अर्यालले टेरामक्स प्रकरणमा उन्मुक्ति पाएका छन्। एकै प्रकरणमा जोडिएका एउटा मन्त्रीविरुद्ध मुद्दा दायर हुँदा अन्यले उन्मुक्ति पाएपछि अख्तियारको अभियोजनमा प्रश्न उठेको छ। तर अख्तियार स्रोतले पूर्वमन्त्री बस्नेतको एकल निर्णयले भ्रष्टाचार भएको दाबी गरेको छ। स्रोतका अनुसार उनी प्रत्यक्ष जोडिएकाले विरुद्धमा मुद्दा दायर गरिएको हो। तर, कार्की, बास्कोटा र अर्याल प्रत्यक्ष नजोडिएकाले मुद्दा चलाउनुपर्ने स्थिति नरहेको स्रोतको दाबी छ।

बिएल संवाददाता

बिएल संवाददाता - काठमाडौं

कांग्रेस सांसद बस्नेतको पद स्वतः निलम्बन

नेपाली कांग्रेसका प्रतिनिधिसभा सदस्य मोहनबहादुर बस्नेत सांसद पदबाट निलम्बित भएका छन्। टेरामक्स प्रकरणमा अख्तियारले बुधबार विशेष अदालतमा बस्नेतसहित १६ व्यक्ति र दुई कम्पनीविरुद्ध मुद्दा दायर गरेपछि बस्नेतको सांसद पद निलम्बन भएको हो। बस्नेत गत निर्वाचनमा सिन्धुपाल्चोक-२ बाट निर्वाचित भएका थिए। भ्रष्टाचार निवारण ऐनको दफा ३३ मा भ्रष्टाचार मुद्दा दायर भएसँगै मुद्दाको किनारा नलागेसम्म कुनै पनि राष्ट्रसेवक स्वत: निलम्बन हुने व्यवस्था छ।

बिएल संवाददाता

बिएल संवाददाता - काठमाडौं

टेरामक्स प्रकरणमा कांग्रेस सांसद बस्नेतसहित १८ विरुद्ध मुद्दा दायर

अख्तियार दुरुपयोग अनुसन्धान आयोगले दूरसञ्चार प्राधिकरणको उपकरण खरिद प्रकरणमा पूर्व सञ्चारमन्त्री एवं कांग्रेस सांसद मोहनबहादुर बस्नेतसहित १८ जना विरुद्ध मुद्दा दायर गरेको छ। अख्तियार दूरुपयोग अनुसन्धान आयोगले सांसद बस्नेतसहित प्राधिकरणका पूर्व महानिर्देशकहरू दिगम्बर झा, पुरुषोत्तम खनालसहित १६ व्यक्ति र २ कम्पनीविरुद्ध बिहीबार विशेष अदालतमा मुद्दा दायर गरेको हो।  दूरसञ्चार प्राधिकरणको टेरामक्स प्रविधि खरिद प्रकरणमा ३ अर्ब २५ करोड रुपैयाँ बढी भ्रष्टाचार भएको दाबीसहित अख्तियारले मुद्दा दायर गरेको छ।

बिएल संवाददाता

बिएल संवाददाता - काठमाडौं

सत्ताकै रजगज…

कालिमाटीस्थित स्वर्णलक्ष्मी सहकारी ठगी प्रकरणका पक्राउ परेकी नेपाली कांग्रेसकी सांसद माया राई १० लाख धरौटीमा रिहा भएकी छन्। बुधबार जिल्ला अदालत, काठमाडौंका न्यायाधीश महेन्द्रबहादुर कार्कीको इजलासले उनलाई धरौटीमा छाड्ने आदेश दिएको हो।  सहकारी ठगी प्रकरणमा उनीमाथि ठगी र संगठित अपराधमा अनुसन्धान गरेको प्रहरीले १८ दिनमै अनुसन्धान सकेर प्रतिवेदन बुझायो। बुधबार एकै दिन उनीमाथिको सुनुवाइ र थुनछेक बहस सकियो र आदेश पनि आयो। उनी वैशास १३ गते पक्राउ परेकी थिइन्। प्रहरीले संगठित अपराधमा प्रहरीले ६० दिन हिरासतमा राखेर अनुन्धान गर्न पाउँने कानुनी व्यवस्था छ। तर, सत्ताको दवाबमा परेको प्रहरीले उक्त व्यवस्थालाई अपराध कसुर भन्दा पनि व्यक्ति हेरेर प्रयोग गर्दै आएको छ। यसको गतिलो उदाहरण हुन् रास्वपा सभापति रवि लामिछने।

बिएल संवाददाता

बिएल संवाददाता - काठमाडौं

ओली र आरजु-प्रचण्डका आ-आफ्नै ‘एनआरएनए’

महाधिवेशनले कांग्रेस र माओवादीको गठबन्धनबाट महेश श्रेष्ठको नेतृत्वमा नयाँ कार्यमसमिति निर्विरोध चयन गर्‍यो। एमाले गुटका अर्का अध्यक्ष बद्री केसी समूहले महाधिवेशन नै बहिष्कार गर्‍यो। अब यतिबेला दुई कार्यसमिति सक्रिय भएका छन्। परराष्ट्रमन्त्री राणाले नयाँ कार्यसमितिलाई औपचारिकता प्रदान गरिरहँदा प्रधानमन्त्री केपी शर्मा ओली पुरानै कार्यसमितिलाई जगाउँन लागि परेका छन्। यतिबेला एनआरएनएमा तीन पार्टीका तीन गुट बनेका छन्। महेश श्रेष्ठ नेतृत्वको कांग्रेस गुट, बद्री केसी नेतृत्वमा एमाले र आरके शर्मा नेतृत्वमा मा‌ओवादी गुट सक्रिय छ। नयाँ कार्यसमितिमा श्रेष्ठ र शर्मा गुट मिलेपछि एमाले समूह पाखा लागेको थियो। तर, ओलीले केसी गुटलाई नै वैधानिकता दिँदै उसैको कार्यक्रममा मात्र सहभागीता जनाउँदै आएका छन्।

बिएल संवाददाता

बिएल संवाददाता - काठमाडौं

ऐन महर पीडितको गुनासोः ‘बलात्कार आरोपी’ जोगाउँन प्रधानमन्त्री नै लागे

जबरजस्ती करणीको आरोप लागेका एमाले नेता ऐन महरलाई बचाउँन प्रधानमन्त्री केपी ओलीनै लागेको पीडितले आरोप लगाएकी छन्। पीडित भनिएकी रश्मिला धामीले महरविरुद्ध मुद्दा चलाउन अदालतले आदेश दिए पनि प्रधानमन्त्री ओलीको दवाबमा बचाउँने काम भएको आरोप लगाइन्। बुधबार संवाद डबलीमा पत्रकार सम्मेलन आयोजना गर्दै धामीले महरलाई सरकारी वकिल कार्यालय र प्रहरी प्रशासनले उन्मुक्ति दिने तयारी गरेकोसमेत आरोप लगाइन्। ०८१ माघ ९ गते उच्च अदालत पाटनले आफ्नो पक्षमा फैसला दिएपनि महरको पक्षमा उच्च राजनीतिक संरक्षण तथा दवाबमा आदेश कार्यान्वयन नभएको पीडित धामीले गुनासो गरिन्। मुद्धा अगाडि बढाइ दोषीउपर कानूनी कारबाही गराउन आफूले रिट दायर गरेको र अदालतले न्यायको आशा जगाए पनि महर खुलेआम हिँडिरहेकोप्रति आक्रोश व्यक्त गरिन्।

बिएल संवाददाता

बिएल संवाददाता - काठमाडौं

सक्कल मिसिलसहित रविन्द्र मिश्रलाई २४ घण्टाभित्र उपस्थित गराउन सर्वोच्चको आदेश

सर्वोच्च अदालतले तीनकुने काण्डमा मुछिएका राप्रपा वरिष्ठ  उपाध्यक्ष रवीन्द्र मिश्रलाई २४ घण्टाभित्र अदालतमा उपस्थित गराउन आदेश दिएको छ। न्यायाधीश सुनिलकुमार पोखरेलको इजलासले मिश्रपत्नी सारिकाले कार्कीले दायर गरेको बन्दी प्रत्यक्षीकरणको रिट उपर यस्तो आदेश दिएको हो। सर्वोच्चले इजलासमा देखाएर फिर्ता लैजाने गरी मिश्रसहित उनीमाथि अनुसन्धान भइरहेका मुद्दाको सक्कल मिसिलसहित उपस्थित हुन आदेश दिएको छ। उनीमाथि संगठित अपराध र आपराधिक उपद्रवसहित राज्य विरुद्धको कसुरमा समेत अनुसन्धान भइरहेको छ। चैत १५ गते आन्दोलनकै राति पक्राउ परेका मिश्रमाथि पटक-पकक म्याद थप हुँदै प्रहरी हिरासतमै छन्।

बिएल संवाददाता

बिएल संवाददाता - काठमाडौं

नेपालको रेलमा कोरियाको चासो, प्रधानमन्त्रीसँग भेट

प्रधानमन्त्री केपी शर्मा ओलीसँग नेपालमा रेलवेको विकासका विषयमा दक्षिण कोरियाको ‘कोरिया रेलरोड कर्पाेरेशन’ का अध्यक्ष एवं प्रमुख कार्यकारी अधिकृत हान मुन ही नेतृत्वको भ्रमण दलले भेटवार्ता गरेको छ। बुधबार प्रधानमन्त्री निवास, बालुवाटारमा भएको भेटमा एक सय २६ वर्षे रेलवेको इतिहास बोकेको कोरियाको स्थापित उक्त कम्पनीले नेपालमा रेलवे निर्माणका लागि सहकार्य गर्ने इच्छा देखाएको छ। भेटका अवसरमा ‘स्काइ वाक’ कम्पनीले तयार गरेको चतराधाम-चौरीखर्कसम्मको ‘एभरेष्ट रेलवे प्रोजेक्ट’को एनिमेसन-भिडियो प्रस्तुत गरिएको थियो। भौतिक पूर्वाधार तथा यातायातमन्त्री देवेन्द्र दाहाल, लगानी बोर्डका प्रमुख कार्यकारी अधिकृत सुशील ज्ञवालीससिहत सहभागी छलफलमा प्रधानमन्त्री ओलीले नेपालले जनकपुरबाट रेल सञ्चालन गरिसकेको जनाउँदै अन्य स्थानमा रेलवे निर्माण र सञ्चालनका लागि सम्भाव्यता अध्ययन भइरहेको सन्दर्भमा कोरियाली सहकार्यको पहल सकारात्मक भएको बताए।

बिएल संवाददाता

बिएल संवाददाता - काठमाडौं

नेपालको रेलमा कोरियाको चासो, प्रधानमन्त्रीसँग भेट

प्रधानमन्त्री केपी शर्मा ओलीसँग नेपालमा रेलवेको विकासका विषयमा दक्षिण कोरियाको ‘कोरिया रेलरोड कर्पाेरेशन’ का अध्यक्ष एवं प्रमुख कार्यकारी अधिकृत हान मुन ही नेतृत्वको भ्रमण दलले भेटवार्ता गरेको छ। बुधबार प्रधानमन्त्री निवास, बालुवाटारमा भएको भेटमा एक सय २६ वर्षे रेलवेको इतिहास बोकेको कोरियाको स्थापित उक्त कम्पनीले नेपालमा रेलवे निर्माणका लागि सहकार्य गर्ने इच्छा देखाएको छ। भेटका अवसरमा ‘स्काइ वाक’ कम्पनीले तयार गरेको चतराधाम-चौरीखर्कसम्मको ‘एभरेष्ट रेलवे प्रोजेक्ट’को एनिमेसन-भिडियो प्रस्तुत गरिएको थियो। भौतिक पूर्वाधार तथा यातायातमन्त्री देवेन्द्र दाहाल, लगानी बोर्डका प्रमुख कार्यकारी अधिकृत सुशील ज्ञवालीससिहत सहभागी छलफलमा प्रधानमन्त्री ओलीले नेपालले जनकपुरबाट रेल सञ्चालन गरिसकेको जनाउँदै अन्य स्थानमा रेलवे निर्माण र सञ्चालनका लागि सम्भाव्यता अध्ययन भइरहेको सन्दर्भमा कोरियाली सहकार्यको पहल सकारात्मक भएको बताए।

बिएल संवाददाता

बिएल संवाददाता - काठमाडौं

जनकपुरस्थित पोखरीमा एक पुरुषको शव फेला

जनकपुरधामस्थित चरणपादुका पक्षालसर पोखरीमा एक पुरुषको शव फेला परेको छ। जनकपुरधाम उपमहानगरपालिका-६ मा रहेको उक्त सार्वजनिक पोखरीमा बुधबार बिहान जनकपुरधाम-४ का ४० वर्षीय रविन कर्णको शव फेला परेको हो। हिजो बेलुका करीब ५ बजे पोखरीमा डुबेर बेपत्ता भएका थिए। सशस्त्र प्रहरी बल नेपाल नं. ८ गण हेडक्वार्टर धनुषाबाट सशस्त्र प्रहरी निरीक्षक विकास थापाको नेतृत्वमा डीएम तालिम प्राप्त ३ जना र गोताखोर तालिम प्राप्त १ जनासहित ९ जनाको टोली हिजो कर्णको खोजीमा परिचालन गरिएको थियो। टोलीले हिजो दुई घण्टासम्म खोजी कार्य गरेपनि बेपत्ता कर्णलाई फेला पार्न सकेको थिएन। आज बिहान कर्णको शव तैरिइरहेको अवस्थामा फेला परेको थियो।

बिएल संवाददाता

बिएल संवाददाता - जनकपुरधाम

प्रधानमन्त्रीले बोलाए मन्त्रिपरिषद बैठक, गभर्नर सिफारिस समितिका सदस्य नियुक्त हुँदै!

प्रधानमन्त्री केपी शर्मा ओलीले मन्त्रिपरिषद् बैठक बोलाएका छन्। बैठक साँझ ६ बजे प्रधानमन्त्रीको सरकारी निवास  बालुवाटारमा बस्नेगरी बोलाइएको हो। सोमबार सार्वजनिक बिदा भएकाले उक्त दिन मन्त्रिपरिषद्को नियमित बैठक बस्न सकेको थिएन। आजको बैठकमा नेपाल राष्ट्र बैंकको गभर्नर सिफारिस समितिका सदस्य नियुक्त गर्ने विषयमा निर्णय लिइने बालुवाटार स्रोतले बतायो।

बिएल संवाददाता

बिएल संवाददाता - काठमाडौं

एनआरएनए जस्तो संस्थालाई कसैको स्वार्थका लागि विभाजित गर्न मिल्दैन: ओली

एनआरएनए ग्लोबल कन्क्लेभ २०२५ मा बोल्दै उनले गैरआवासीय नेपाली संघ (एनआरएनए) राजनीति गर्ने ठाउँ नभएको बताएका हुन्। उनले भने, ‘हामीले राजनीति गर्ने ठाउँ विदेश होइन। एनआरएनए जस्तो  संगठनलाई विभाजन गर्ने प्रयास सफल हुन सक्दैन। स्वार्थका लागि विभाजन गर्न मिल्दैन। यो कुनै पोलिटिकल पार्टीको संस्था होइन यसमा हामीले ध्यान दिनुपर्छ। यस समुदायका हकहितका कुराहरूसँग र देशका लागि के गर्न सकिन्छ त्यसमा यसको सम्बन्ध छ। कहाँ भोट हाल्छ भन्ने आधारमा यस संस्थामाथि व्यवहार गरिनु हुँदैन।’ उनले एनआरएनए संस्था एकताबद्ध, मेलमिलाप र सुदृढ एकताका साथ अगाडि बढ्नुपर्ने संस्था भएको बताए। उनले संस्थाको भलो चिताउने, एकता चिताउने, यस संस्थालाई एकताबद्ध बनाएर अगाडि बढाउने प्रयासमा मात्रै आफ्नो साथ रहने बताए।

बिएल संवाददाता

बिएल संवाददाता - काठमाडौं

कर्णालीका १४ स्थानीय तहसँग ‘अपाङ्गता रोकथाम तथा पुनर्स्थापना’ साझेदारी कार्यक्रम

कर्णाली प्रदेश सरकारले १४ स्थानीय तहहरूसँग अपाङ्गता रोकथाम तथा पुनर्स्थापना कार्यक्रमका लागि साझेदारी गरेको छ।। प्रदेशको सामाजिक विकास मन्त्रालयले अपाङ्गता भएका व्यक्तिको उपचार, रोकथाम तथा पुनर्स्थापनाका लागि स्थानीय तहमार्फत कार्यक्रम सञ्चालन गर्न लागेको हो। सोमबार कार्यक्रम सञ्चालनका लागि मन्त्रालय र स्थानीय तहहरूबीच साझेदारी गरिएको हो। साझेदारी कार्यक्रम सञ्चालनका लागि मन्त्रालयले सबै स्थानीय तहहरूबाट प्रस्तावना आव्हान गरेको थियो। जसमा कर्णालीका ७९ स्थानीय तहमध्ये १४ वटा प्रस्ताव पेश भएको सामाजिक विकास मन्त्रालयका सामाजिक विकास महाशाखा प्रमुख सुवर्ण खड्काले जानकारी दिए। उनका अनुसार सुर्खेतका भेरीगङ्गा नगरपालिका, पञ्चपुरी नगरपालिका, चौकुने गाउँपालिका, सिम्ता गाउँपालिका, कालीकोटको रास्कोट नगरपालिका, सान्नीत्रिवेणी गाउँपालिका र शुभकालिका गाउँपालिका छन्। यस्तै, रूकुमपश्चिमको चौरजहारी नगरपालिका र मुसीकोट नगरपालिका, डोल्पाको त्रिपुरासुन्दरी नगरपालिका, दैलेखको महाबु गाउँपालिका, सल्यानको दार्मा गाउँपालिका, जाजरकोटको जुनीचाँदे गाउँपालिका र हुम्लाको सिमिकोट गाउँपालिका छन्। यी स्थानीय तहहरूमा करिब १० हजार अपाङ्गता भएका व्यक्तिहरू यो कार्यक्रम मार्फत लाभान्वित हुनसक्ने अनुमान गरिएको छ। तर, कार्यक्रम सञ्चालन भने स्थानीय तहहरूले प्रस्ताव गरेअनुरूप हुने जनाइएको छ।

बिएल संवाददाता

बिएल संवाददाता - सुर्खेत

सरकारी खर्चमा मेयर, उपमेयर र कर्मचारीको थाइल्याण्डमा मस्ती

सोमबार बुद्धको जन्मस्थल लुम्बिनीमा २५६९ औं बुद्ध जयन्ती धुमधामका साथ मनाइयो। प्रधानमन्त्री केपी शर्मा ओलीले कार्यक्रमको उद्घाटन गरे। कार्यक्रममा स्वदेशी तथा विदेशी प्रतिनिधिहरूको सहभागीता थियो। विदेशी पाहुनाहरू गौतम बुद्धको जन्मस्थलमा बुद्ध जयन्ती समारोह मनाउँन रातारात लुम्बिनी आइपुगे। गौतम बुद्धको जन्मस्थल लुम्बिनीमा सम्मेलन भइरहँदा कार्यक्रममा उपस्थित हुनुपर्ने बुद्ध परिपथकै स्थानीय जनप्रतिनिधि भने थाइल्याण्ड भ्रमणमा पुगेका छन्। उनीहरू थाइ सरकारको निमन्त्रणामा त्यहाँ गएको बताइएको छ। भ्रमण टोलीमा मेयर, उपमेयर, कर्मचारी र उनीहरूका आसेपासेहरू सहभागी रहेको बताइएको छ। लुम्बिनी सांस्कृतिक नगरपालिकाकी उपप्रमुख कल्पना हरिजन, प्रमुख प्रशासकीय अधिकृत तारा ज्ञवाली सिद्धार्थ नगरपालिकाका प्रमुख इस्तियाक अहमद खान र उपप्रमुख उमा अधिकारी, तिलोत्तमा नगरपालिकाकी उपप्रमुख जागेश्वरीदेवी चौधरी, देवदह नगरपालिकाकी उपप्रमुख विद्यालक्ष्मी गुरुङ र नवलपरासीको रामग्रामकी उपमेयर सम्झना चौधरी थाइल्याण्ड पुगेका छन्।

बिएल संवाददाता

बिएल संवाददाता - काठमाडौं

दीपकराज भन्छन्ः कि प्रधानमन्त्री फेर्ने साहस गर्नुपर्छ…

कलाकार दीपकराज गिरीले प्रधानमन्त्री केपी शर्मा ओलीसँगको तस्बिर सेयर गर्दै नकारात्मक कमेन्टसँग नडराउँने बताएका छन्। मंगलबार काभ्रेपलाञ्चोकको बनेपा नगरपालिका-१० मा निर्माण हुने ‘सिनेपा’ नामक चलचित्र छायाङ्कन स्टुडियोको उद्घाटन कार्यक्रममा प्रधानमन्त्री ओलीसँगको तस्बिर दीपकराजले आफ्नो सामाजिक सञ्जालमा सार्वजनिक गरेका हुन्। उनले ओलीको फोटो राखेको भन्दै नकारात्मक कमेन्ट आउँन सक्ने पूर्व आकलन गर्दै कमेन्टसँग डराएर जीन्दगी बाँच्न नछाड्ने बताए। उनले कि त प्रधानमन्त्री नै फेर्ने साहस गर्नुपर्ने नभए देशको प्रधानमन्त्रीलाई सम्मान गर्दा अपमान नगर्न आग्रह गरेका छन्।

बिएल संवाददाता

बिएल संवाददाता - काठमाडौं

‘धुर्मुस सुन्तली’ ले धेरै दुःख पाए, माया लाग्छः प्रधानमन्त्री

प्रधानमन्त्री केपी शर्मा ओलीले धुर्मुस सुन्तली फाउन्डेसनले गौतम बुद्ध क्रिकेट रंगशालाको काम गाह्रो छ भन्दा भन्दै पनि सुरु गरेको बताएका छन्। मंगलबार काभ्रेपलाञ्चोकको बनेपा नगरपालिका-१० मा निर्माण हुने ‘सिनेपा’ नामक चलचित्र छायाङ्कन स्टुडियोको उद्घाटन गर्दै उनले रंगशाला सुरु गर्दा ‘गाह्रो छ बाबुनानु नथाल’ भन्दाभन्दै धुर्मुस सुन्तलीले क्रिकेट मैदान सुरु गरेको भन्दै धेरै दुःख पाएको बताए। उनले भने, ‘मैले गाह्रो छ बाबुनानु त्यहाँ नथाल भन्दाभन्दै धुर्मुस सुन्तलीले क्रिकेट मैदान सुरु गरेर धेरै दुःख पाए। माया लाग्छ। तर त्यो क्रिकेट मैदान पनि बन्छ। उनीहरूको दुःखकष्ट पनि हट्छ एकदिन। मैले त यही दुःख पाइन्छ भनेर नगर भनेको हो। यति ठूलो काम आँट्या एक दुईवटा केही साना कामहरूमा साथी भाईहरू धेरै नै हौसिन्छन्। हामी छौं भन्छन्। चन्दा उठाएर नै बनाइन्छ भन्छन् तर सहयोग नगर्न सक्छन्।’

बिएल संवाददाता

बिएल संवाददाता - काठमाडौं

ट्रेन्डिङ