BreakNLinks

शनिबार, ११ अक्टोबर २०२५

राजनीति

४० वर्ष मुनिका ४० प्रतिशत महिलालाई संगठित गर्न ओलीको उर्दी

प्रधानमन्त्री एवं नेकपा (एमाले) का अध्यक्ष केपी शर्मा ओलीले ४० वर्षभन्दा कम उमेरका कम्तीमा ४० प्रतिशत महिलालाई सङ्गठित गर्न अखिल नेपाल महिला सङ्घको नेतृत्वलाई आग्रह गरेका छन्। अनेमसङ्घ, केन्द्रीय कमिटीको पूर्ण बैठकमा आज सम्बोधन गर्दै अध्यक्ष ओलीले ४० वर्ष मुनीका ४० प्रतिशत र ३० वर्ष मुनीका कम्तीमा ३० प्रतिशत महिलालाई सदस्य बनाएर देशव्यापी अभियानमा लाग्न आग्रह गरेका हुन्। उनले महिलावादका नाममा जुनसुकै विचारका महिलालाई पनि समर्थन जनाउने खालको सोच गलत भएकाले सङ्घलाई निष्ठावान्, क्षमतावान् र सक्रिय सङ्गठनका रुपमा स्थापित गर्नुपर्नेमा पनि जोड दिए।

बिएल संवाददाता

बिएल संवाददाता - काठमाडौं

‘कांग्रेस-एमालेको ‘सरुवा रोग’ जनतामा गएर उपचार गर्दैछौं, अब सहकार्य गर्दैनौं’

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले कीर्तिपुरले सधैं परिवर्तनको पक्षमा भूमिका खेल्दै आएको बताएका छन्।   शनिबार माओवादीको कीर्तिपुर नगर समितिद्वारा आयोजित पिकनिक तथा प्रशिक्षण कार्यक्रमलाई सम्बोधन गर्दै उनले कीर्तिपुरले आफूलाई गणतन्त्र नेपालको पहिलो जननिर्वाचित प्रधानमन्त्री बनाएको स्मरण गर्दै यहाँका नेता, कार्यकर्ता, युवा, वृद्ध र सम्पूर्ण जनसमुदायप्रति धन्यवाद व्यक्त गरे। ‘कीर्तिपुर नजितेसम्म न त चित्त बुझ्छ, न त मनमा शान्ति हुन्छ,’ उनले भने, ‘यसपटक जित्न विशेष प्रयास गर्‍यौं, डा. शिवशरण महर्जनलाई जिताउन सकिएन, तर तेस्रो स्थानबाट दोस्रो स्थानमा पुर्‍याउन सक्यौं। हामी निराश भएका छैनौं, अब केही नयाँ गर्नुपर्छ भन्ने दृढ निश्चय लिएका छौं।’

बिएल संवाददाता

बिएल संवाददाता - काठमाडौं

बालुवाटार पुगेर राप्रपाले भन्योः अफताब आलमलाई ‘प्रधानमन्त्री’ बनाउनुस्

राष्ट्रिय प्रजातन्त्र पार्टीको अगुवाइमा राजावादी आन्दोलन तेस्रो दिन पनि जारी रह्यो। तेस्रो दिन पूर्वनिर्धारित क्षेत्र नारायणहिटी दरबार संग्रहालयअगाडि प्रदर्शन गर्न प्रशासनले रोक लगाएपछि आन्दोलनकारीहरू प्रधानमन्त्री निवास रहेको बालुवाटार अगाडि पुगेर प्रदर्शन गरे। राजसंस्था पुनर्स्थापना र हिन्दू राष्ट्रको माग गर्दै उनीहरूले शनिबार प्रधानमन्त्री निवास बालुवाटार क्षेत्रमा प्रदर्शन गरेका हुन्। त्यहाँ पनि प्रहरीले निषेधित क्षेत्रतर्फ अगाडि बढ्न नदिएपछि सडकमै बसेर कार्यक्रम गरेका हुन्।

बिएल संवाददाता

बिएल संवाददाता - काठमाडौं

राजतन्त्रमा विकास र सुशासन भएन त्यसैले गणतन्त्र आएको हो: ओली

प्रधानमन्त्री एवं नेकपा (एमाले)का अध्यक्ष केपी शर्मा ओलीले निरङ्कुश राजतन्त्रमा विकास र सुशासन हुन नसकेकाले जनताले लडेर ल्याएको लोकतान्त्रिक गणतन्त्र सुदृढ गर्नु सबै पेसाकर्मीको पनि उत्तरदायित्व भएको बताएका छन्। राष्ट्रिय स्वास्थ्यकर्मी महासंघ नेपालको पाँचौ राष्ट्रिय महाधिवेशनको शनिबार उदघाटन गर्दै उनले सबैले सँगै लडेर ल्याएको लोकतन्त्र र प्राप्त उपलब्धिलाई रक्षा गर्दै कसरी सुदृढ बनाउने भन्नेमा लाग्न आग्रह गरेका हुन्। ‘निरङ्कुश हुकुमी शासनकालमा यस्ता संघ-संगठन खुल्ने स्थिति थिएनन्। अहिले तपाईंहरू पेसागत र व्यवसायिक जिम्मेवारीका साथ राष्ट्रिय उत्तरदायित्व बोकेर अगाडि बढ्नुभएको छ,’ प्रधानमन्त्री ओलीले भने, ‘यही जेठ १५ गते हामीले गणतन्त्र दिवसको उत्सव मनायौं। राजतन्त्र पक्षधरहरूले विरोध प्रदर्शन गरे। उनीहरूलाई जनमत संग्रह भएको लाग्यो रे। तर पहिलो दिन दान पैसा दिएर केही मान्छे ल्याइए। दोस्रो र तेस्रो दिन मान्छेहरू घट्दै गए। मेरो नातिले जिस्किएर ‘म डाइनोसर भएँ’ भन्दै हा… गरेर ‘डर लागेन?’ भनेर खेलेको याद आयो। राष्ट्रिय प्रजातन्त्र पार्टीले मलाई राजतन्त्र फर्काउँछु भनेर डर देखाउन खोजेको हो भने म डराएँ, अब भयो, पुग्यो, चुप लागेर घरघरमा बसे हुन्छ। अब राजतन्त्र फर्काउने होइन, देशलाई सुशासन र विकासको बाटोमा अगाडि बढाउने हो। अगाडि हिँड्न खोजेको घोडालाई पछाडि फर्काउन नखोज। घोडाले लात्ताले हान्न सक्छ, होस् गर।’

बिएल संवाददाता

बिएल संवाददाता - काठमाडौं

आयल निगमको प्रादेशिक कार्यालयमै बिलिङ सिस्टममा आर्थिक चलखेल

नेपाल आयल निगम प्रादेशिक कार्यालय विराटनगरबाट हुने इन्धन ढुवानीको बिलिङमा अनियमितता हुने गरेको रहस्य बाहिर आएको छ ।  कार्यालय प्रमुख र अनलाइन वितरणका कर्मचारीको मिलेमतोमा इन्धन वितरण तथा इन्धन ढुवानीको बिलिङमा अनावश्यक चलखेल हुने गरेको रहस्य सार्वजनिक भएको हो । गत मसिंरदेखि सो कार्यालयको प्रमुखका रुपमा पुष्कर कार्की रहेका छन् । त्यहाँ कार्यरत कार्की, निगमको अनलाइन वितरण हेर्दै आएका  अर्का कर्मचारी दिनेश यादव र सनम कार्कीको मिलोमतोमा इन्धन वितरण तथा इन्धन ढुवानीको बिलिङ गर्दादेखि नै चलखेल हुने गरेको दाबी आर्थिक दैनिक डटकमले सार्वजनिक गरेको हो ।  आर्थिक दैनिक डटकमले लेखेको छ– स्रोतका अनुसार निगमको प्रादेशिक कार्यालयले वितरण गरेको पेट्रोलियम पदार्थ र ढुवानी हुने इन्धन परिमाणमा आफू नजिकका केही व्यवसायी एवं इन्धन ढुवानी व्यवसायीका बीचमा मोटै कमिसनका भरमा एनओसीले बिलिङ गर्ने गरेको छ ।   प्रादेशिक कार्यालयको अनलाइन वितरण हेर्दै आएका कार्की र यादव तथा एनओसीमा इन्धन ढुवा

बिएल संवाददाता

बिएल संवाददाता - झापा

गणतन्त्रभित्र लुकेको ‘क्रुर’ राजतन्त्र!

नेपालमा संघीय गणतन्त्र घोषणा भएको झण्डै दुई दशक पुग्न लाग्यो। तर यतिका वर्षपछि पनि नेपाली जनताको मनमा एउटा घोचिलो यथार्थ गढेर बसेको छ- यो गणतन्त्र त कतै घाँटीमा अड्किएको गलगाँड जस्तै त हैन? हाम्रो जुन सुन्दर देश थियो, जुन देशले आशा, बलिदान र सपना बोकेको थियो, त्यो देश अहिले गणतन्त्रको आवरणमा कुरुप हुँदै गएको छ। नेपाली जनताले कहिल्यै कल्पना नगरेको  अनुभव गर्न थालेका छन्- शायद ०६२/६३ को जनआन्दोलन एउटा अक्षम्य अकर्मण्यता थियो, जुन आन्दोलनले नयाँ युगको सुरुवात होइन, पुरानै अन्यायको बाढीलाई नयाँ स्वरूपमा स्थापित गर्‍यो भनेर। गणतन्त्र हो कि त्यसमा लुकेको राजतन्त्र? नेपाली जनताले सोचेका थिए अब शासन गर्नेहरू जनताकै छोराछोरी हुनेछन्। तर आजको यथार्थ के छ? के गणतन्त्र साँच्चै नेपाली जनताका छोराछोरीले चलाएको  शासन प्रणाली हो त? यो त गणतन्त्रको आवरणमा त्यस्तो शासन प्रणाली लादिएको छ, जसमा नेता आफैंलाई राजा सम्झन्छन्। जनताको मतमार्फत सत्ता पुगेका उनीहरू, जनताको दु:खप्रति उत्तरदायी बन्नुको साटो फूलमाला, भाषण र विशेषाधिकारको महलमै रमाइरहेका छन्।

बिएल संवाददाता

बिएल संवाददाता - काठमाडौं

शान्तिबाटिकाबाट बालुवाटारतर्फ मोडियो राजावादी आन्दोलन

राप्रपाको आयोजनामा भइरहेको राजावादीहरूको आन्दोलन बालुवाटारतर्फ लागेको छ। आन्दोलनको तेस्रो दिन शान्तिबाटिकामा भेला भएका राजावादीहरू प्रधानमन्त्रीको सरकारी निवास बालुवाटारतर्फ सोझिएका हुन्। आज नारायणहिटी दरबार क्षेत्रमा प्रदर्शनको तयारी रहेपनि हिजो नै काठमाडौं प्रशासनले नारायणहिटी क्षेत्रलाई निषेधित क्षेत्र तोकेपछि राजावादीहरू प्रधानमन्त्री निवासतर्फ सोझिएका हुन्। राप्रपा अध्यक्ष राजेन्द्र लिङ्देनले हिजोसम्म निषेधित क्षेत्र नभएको ठाउँलाई राप्रपा लगायतका शक्तिहरूको प्रर्दशन हुन्छ भन्ने विषयलाई लिएर निषेधित क्षेत्र घोषणा गर्नु भनेको सरकार डराएको स्पष्ट देखिएको बताए। उनले निषेधित क्षेत्र तोकेर सरकार कमजोर भयो भन्ने कुराको प्रमाणित गरेको समेत बताए।

बिएल संवाददाता

बिएल संवाददाता - काठमाडौं

आन्दोलनलाई निरन्तरता दिने राप्रपाको निर्णय, आज शान्तिबाटिकामा प्रदर्शन

राष्ट्रिय प्रजातन्त्र पार्टी (राप्रपा) कार्यसम्पादन समितिको बैठकले राजावादी आन्दोलनलाई निरन्तरता दिने निर्णय गरेको छ। शनिबार पार्टी कार्यालय धुम्बाराहीमा बसेको पार्टी कार्यसम्पादन समितिको बैठकले आगामी कार्यक्रमहरू अझै मजबुत तरिकाले अगाडि बढाउने गरी बैठकमा छलफल भएको राष्ट्रिय प्रजातन्त्र पार्टीका अध्यक्ष राजेन्द्र लिङ्देनले बताए। उनले भने, ‘जेठ १५ गते र १६ गते भएको कार्यक्रमबारे समीक्षा भयो। आगामी कार्यक्रम पनि अझै मजबुत बनाउने भनेर बैठकमा छलफल गरिएको छ। शनिबार (आज) पनि शान्तिबाटिकामा जम्मा भएर आन्दोलनलाई निरन्तरता दिने निर्णय भयो।’

बिएल संवाददाता

बिएल संवाददाता - काठमाडौं

१४ सय बढी युक्रेनी ड्रोन खसालेको रुसको दाबी, १३ बस्तीहरू नियन्त्रणमा

रुसले गत हप्तामा मात्र १ हजार ४०० भन्दा बढी युक्रेनी ड्रोनहरू खसालेको दाबी गरेको छ। शुक्रबार जारी गरिएको दुई देशबीचको द्वन्द्वको अद्यावधिक जानकारीअनुसार उक्त विवरण सार्वजनिक गरिएको हो। यता युक्रेनले रुसी ड्रोनहरू प्रहारबाट बच्न आफ्नो नयाँ विकसित वायु रक्षा क्षेप्यास्त्र प्रणाली प्रयोग गरेको बताएको छ। रुसी रक्षा मन्त्रालयका अनुसार रुसी सेनाले गत हप्ता युक्रेनभित्र राष्ट्रिय रक्षाका तयार गरिएका औद्योगिक सुविधाहरू, सैन्य विमानस्थलहरू र हतियार तथा गोलाबारुद भण्डारणमा आक्रमण गरेको छ।

बिएल संवाददाता

बिएल संवाददाता - मस्को

रविमाथि सीआईबीले छानबिन गरिरहेको थियो, अहिले त्यो अवस्था होइनः ओली

प्रधानमन्त्री केपी शर्मा ओलीले एक जना कर्मचारीमाथि प्रश्न उठेकै भरमा प्रतिपक्षी दलले गृहमन्त्री रमेश लेखकको राजीनामा माग्नु निराधार र अनुचित क्रियाकलाप भएको बताएका छन्। कान्तिपुर मिडिया ग्रुपद्वारा शनिबार आयोजित ‘हाफ म्याराथन’को शुभारम्भपछि कान्तिपुरका व्यवस्थापक र सम्पादकसँगको छलफलमा प्रधानमन्त्री ओलीले गृहमन्त्री लेखकमाथि कुनै आरोप नलागेको र कुनै निकायले छानबिन नगरेको अवस्थामा प्रतिपक्षी दलले असम्भव माग (बटमलाइन) राखेर सदन अवरोध गर्न नहुने स्पष्ट गरे। ‘म प्रतिपक्षको बोल्ने र माग राख्न पाउने अधिकारको सम्मान गर्छु तर माग राख्दा वा विरोध गर्दा आधार चाहीँ चाहिन्छ। गृह मन्त्रालयमातहत धेरै कर्मचारी छन्। एउटा कर्मचारीलाई अख्तियारले बोलायो। बयान लिएको सुनेको छैन। प्रतिपक्षलाई त यो सरकार नै मन परेको छैन, उसले माग बढाएर सरकारकै राजीनामा मागे पनि अस्वभाविक मान्नु पर्दैन,’ ओलीले भने, ‘पोहोर तत्कालीन गृहमन्त्रीको राजीनामा मागिँदा उहाँमाथि गृहमातहतको सीआईबीले छानबिन गरिरहेको थियो। अहिले त्यस्तो अवस्था होइन। त्यसकारण अहिले विरोध गर्न निहुँ नपाएर निहुँ खोजिएको मात्रै हो। यसरी विरोध गरिएको छ कि मानौं ३५ किलो सुन नै ओसारिएको छ, त्यस्तो अवस्था होइन।’

बिएल संवाददाता

बिएल संवाददाता - काठमाडौं

एकअर्कालाई ‘प्रोजेक्सन’ गर्न सक्लान् शेखर-गगनले?

कम्युनिष्ट शक्तिको प्रभाव बढी रहेको त्यो अवस्थामा गिरिजाप्रसाद कोइरालाले काँग्रेसलाई जोगाएर अघि बढाएका थिए। यतिबेला पनि गैर काँग्रेस पक्ष हावी भइरहेको अवस्थाको जायजा लिन काँग्रेसले नै पहलकदमी लिन जरुरी देखिन्छ। यदी काँग्रेस एकजुट भएन भने लोकतन्त्र, गणतन्त्र र संसदीय अभ्यास नै संकट उन्मुख देखिन्छ।

बिएल संवाददाता

बिएल संवाददाता - काठमाडौं

अफतावलाई सफाई दिने न्यायाधीशमाथि छानिबिन गर्न उजुरी

आफूलाई ‘देशभक्त नागरिक’ भनेर चिनाउँदै आएका युवराज पौडेलले न्यायाधीश खुसीप्रसाद थारु र अर्जुन महर्जनमाथि छानबिन गर्न भन्दै परिषदमा उजुरी हालेका हुन्।  अफतावमाथि रौतहटको राजपुरमा भएको बमकाण्डमा घाइते भएकाहरूलाई जिउँदै इँट्टा भट्टामा हालेर हत्या गरेको आरोप लागेको थियो। यसअघि रौतहट जिल्ला अदालतको जन्मकैदको फैसला गरेपछि उनी नख्खु कारागारमा कैद भुक्तान गरिरहेका थिए।

बिएल संवाददाता

बिएल संवाददाता - काठमाडौं

माओवादीले पनि संसद चल्न नदिनेमाओवादीले पनि संसद चल्न नदिने

भिजिट भिसा प्रकरणमा मुछिएका गृहमन्त्री रमेश लेखकमाथि राजीनामा गर्न प्रतिपक्षको ब्यापक दबाव छ। यसअघि माओवादी, राप्रपा र रास्वपालगायतका दलहरूले संसद अवरुद्ध गरेका थिए। तर बिहीबार बजेट पेश गर्ने बेलामा उनीहरूले अवरोध गरेनन्।

बिएल संवाददाता

बिएल संवाददाता - काठमाडौं

सदनको अवरोध हटाउन सभामुखले बोलाए प्रमुख सचेतकहरूलाई छलफलमा

सभामुख देवराज घिमिरेले मुख्यसचेतक र प्रमुख सचेतकहरूलाई छलफलमा बोलाएका छन्। शुक्रबार ११ बजे सचेतकहरूलाई छलफलका लागि बोलाएको सभामुखको सचिवालयले जनाएको छ। उक्त छलफलमा सदनको अवरोध हटाउने र बजेटमाथिको छलफलको समय निर्धारणबारे कुराकानी हुने बताइएको छ।

बिएल संवाददाता

बिएल संवाददाता - काठमाडाैं

बजेटमा रास्वपाः घाँटी हेरेर हाड निल्नुपर्ने अवस्था छ, खर्च हुने आधारहरू देखिदैन

रास्वपा उपसभापति तथा सांसद स्वर्णिम वाग्लेले सरकारले ल्याएको १९ खर्ब ६४ अर्ब ११ करोडको बजेट ल्याएपनि १५/१६ खर्बभन्दा बढी खर्च हुने आधारहरू नभएको बताएका छन्। बिहीबार संसद् भवन परिसरमा सञ्चारकर्मीसँग कुरा गर्दै उनले अङ्कको स्वरूप र विश्वसनीयता पूरानै कुराको निरन्तरता हुन्छ कि भन्ने डर आफूहरूलाई लागेको बताए। उनले भने,‘सरकारले ल्याएको बजेट धेरै उत्ताउलो र गैरजिम्मेवार छैन् । तर घाँटी हेरेर हाड निल्नुपर्ने अवस्था छ। अर्थमन्त्रीले १९ खर्ब ६४ अर्ब ११ करोडको बजेट ल्याउनुभएको छ । तर यो पनि १५/१६ खर्बभन्दा बढी खर्च हुने आधारहरू छैन्। अङ्कको स्वरूप र विश्वसनीयता पूरानै कुराको निरन्तरता हुन्छ कि भन्ने डर लागेको छ।’

बिएल संवाददाता

बिएल संवाददाता - काठमाडौं

रत्नपार्कबाट लिङ्देनको उद्घोषः गणतन्त्र नढलेसम्म आन्दोलन जारी रहन्छ

राष्ट्रिय प्रजातन्त्र पार्टीका अध्यक्ष राजेन्द्र लिङदेनले जनता मक्किएको गणतन्त्रको पक्षमा नभएको बताएका छन्। बिहीबार काठमाडौंमा भएको आन्दोलनलाई सम्बोधन गर्दै उनले यो जनसागरले गणतन्त्र कति कमजोर भइसकेको छ भन्ने कुरा देखाएको भन्दै जनता मक्किएको गणतन्त्रको पक्षमा नभएको पनि प्रमाणित भएको बताए। उनले भने, ‘यो आन्दोलनको सुरुवात मात्र हो। भर्खर प्रारम्भ मात्र भएको छ। गणतन्त्र नढलेसम्म आन्दोलन जारी नै छ। यो जनसागरले नै प्रमाणित गरेको छ कि यो गणतन्त्र कति कमजोर भएको छ भन्ने कुरा, गणतन्त्रको जग कुन तहको छ भन्ने कुरा एउटा जनमत संग्रह सम्पन्न भएको छ। जनता मक्किएको गणतन्त्रको पक्षमा छैनन्। आज यो पनि प्रमाणित भएको छ।’

बिएल संवाददाता

बिएल संवाददाता - काठमाडौं

एमालेको ‘गणतन्त्र उत्सव’ भव्य र शान्त रुपमा सम्पन्न भयोः महासचिव पोखरेल

नेकपा एमालेका महासचिव शंकर पोखरेलले एमालेको गणतन्त्र उत्सव भव्य र शान्त रुपमा समापन भएको बताएका छन्। बिहीबार एमालेले आयोजना गरेको गणतन्त्र उत्सवको समापनमा बोल्दै उनले विभिन्न जातजातिका बाजागाजासहित र्‍यालीकासाथ गणतन्त्र उत्सवलाई भव्य रुपमा समापन गरिएको जानकारी दिए। उनले भने,‘हामीले यो उत्सव अत्यन्तै भव्य र शान्त रुपमा विभिन्न जातजाति बाजागाजा संस्कृतिकासाथ गणतन्त्र उत्सवलाई भव्य र्‍यालीकासाथ सम्पन्न गरेको छौं।’ त्यस्तै उनले जनताको बलिदानबाट प्राप्त भएको लोकतान्त्रिक गणतन्त्र जनताको सार्वभौम सत्ताको प्रतिकको रुपमा रहेको बताए।

बिएल संवाददाता

बिएल संवाददाता - काठमाडौं

आर्थिक वर्ष ०८२/८३ का लागि १९ खर्ब ६४ अर्ब ११ करोड बराबरको बजेट पेश (पूर्णपाठ सहित)

अर्थमन्त्री विष्णु पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड रुपैयाँ बराबरको बजेट पेश गरेका छन्। बिहिबार संघीय संसदको संयुक्त बैठकमा अर्थमन्त्री पौडेलले आगामी आर्थिक वर्षका लागि विनियोजन र स्रोत व्यवस्थापनको अनुमान सार्वजनिक गरेका हुन्। अर्थमन्त्री पौडेलका अनुसार आगामी आर्थिक वर्षमा चालुतर्फ ११ खर्ब ९० अर्ब ९८ करोड (६०.१ प्रतिशत), पुँजीगततर्फ चार खर्ब सात अर्ब ९९ करोड २०.८ प्रतिशत र वित्तीय व्यवस्थापनतर्फ तीन खर्ब ७५ अर्ब २४ करोड १९.१ प्रतिशत खर्च हुने अनुमान गरिएको छ। यो अनुमान चालु आर्थिक वर्षको विनियोजनको तुलनामा ५.६ प्रतिशतले र संशोधित अनुमानको तुलनामा १८.२ प्रतिशतले बढी हो। कुल विनियोजनमा प्रदेश र स्थानीय तहमा वित्तीय हस्तान्तरणतर्फ चार खर्ब १७ अर्ब ८३ करोड रुपैयाँ विनियोजन गरिएको छ।

बिएल संवाददाता

बिएल संवाददाता - काठमाडौं

थप ५ लाख नागरिकलाई लालपूर्जा वितरण गर्ने सरकारको निर्णय

यस्तै, सरकारले आगामी आर्थिक वर्षमा थप ५ लाख नागरिकलाई जग्गाको लालपूर्जा वितरण गर्ने योजना ल्याएको छ। उनले भूमिसम्बन्धी कानुनमा संशोधन गरी पाँख लाख परिवारलाई लालपूर्जा प्रदान गर्ने घोषणा गरेका हुन्। उनका अनुसार भूमि व्यवस्था, सहकारी तथा गरिबी निवारण मन्त्रालयका लागि ७ अर्ब ४९ करोड बजेट विनियोजन गरिएको छ।

बिएल संवाददाता

बिएल संवाददाता - काठमाडौं

सहकारीका बचतकर्ताको पाँच लाखसम्मको कर्जा सुरक्षण गरिने

सरकारले सहकारीमा पाँच लाखसम्म बचत गर्नेको कर्जा सुरक्षण गर्ने व्यवस्था गर्ने भएको छ। आर्थिक वर्ष २०८२/८३ को बजेट प्रस्तुत गर्दै उपप्रधान तथा अर्थमन्त्री विष्णुप्रसाद पौडेलले सहकारीको रकम अपचलन गर्नेको सम्पत्ति लिलाम बिक्री गरी प्राप्त हुने रकम बचतकर्तालाई फिर्ता गर्न चक्रिय कोष स्थापना गर्नका लागि बिउ पुँजीको व्यवस्था गरिएको बताएका हुन्। उनले भने, ‘सहकारीमा पाँच लाखसम्मको बचतको निक्षेप तथा कर्जा सुरक्षण कोषमार्फत निक्षेप सुरक्षण गरिनेछ। सहकारीको रकम अपचलन गर्नको सम्पत्ति लिलाम बिक्री गरी प्राप्त हुने रकम बचतकर्तालाई फिर्ता गर्न चक्रिय कोष स्थापना गर्नका लागि बिउ पुँजीको व्यवस्था गरेको छु।’

बिएल संवाददाता

बिएल संवाददाता - काठमाडौं

ट्रेन्डिङ