BreakNLinks

बिहिबार, २८ अगस्ट २०२५

राजनीति

गाह्रो भयो भनेर छाड्ने होइन, कांग्रेसलाई एक्लै बहुमत ल्याउने पार्टी बनाउनुपर्छः देउवा

नेपाली कांग्रेसका सभापति शेरबहादुर देउवाले नेपाली कांग्रेस एक्लैले बहुमत ल्याउन सक्ने पार्टी बन्नुपर्ने बताएका छन्। सोमबार ललितपुरमा आयोजित नेपाली कांग्रेस र संघीयता कार्यान्वयनबारे अन्तर्क्रिया कार्यक्रममा उनले वर्तमान संविधान अनुसार कुनै पार्टीले पनि बहुमत ल्याउन नसकेको अवस्थामा नेपाली कांग्रेसलाई बहुमतको पार्टी बनाउन सबै लागि पर्नुपर्ने बताए। उनले भने, ‘अहिलेको संविधान अनुसार कुनै पार्टीले पनि बहुमत ल्याउन सकेको छैन्। त्यसकारण कुनै पार्टीसँग मिलेर जानुपर्छ। बाध्यता र अवस्था पनि त्यस्तै छ। गाह्रो छ भनेर काम गर्न छोड्ने भन्ने हुँदैन। हामी सबै मिलेर पार्टी कै बहुमत ल्याउने काममा लाग्नुपर्छ। हाम्रो पार्टीलाई जनताको साथ पनि। त्यसकारण पनि बहुमत ल्याउने तर्फ लाग्नुपर्छ।’

बिएल संवाददाता

बिएल संवाददाता - काठमाडौं

ओलीको नियुक्ति खाएकाहरू राजावादी मोर्चामा

बैठकले राप्रपाका वरिष्ठ नेता नवराज सुवेदीको संयोजकतामा ११ सदस्य राष्ट्रिय आन्दोलन निर्देशन समिति गठन गरेको छ। तर, समितिमा प्रमुख राजावादी दल राप्रपाकै अध्यक्ष राजेन्द्र लिङदेनको घोर अपमान गरिएको छ। ११ सदस्यीय समितिमा लिङदेनलाई वर्णानुक्रममा १० नम्बरमा राखिएको छ। यतिसम्म कि कमल थापा, दूर्गा प्रसाईं, रविन्द्र मिश्रलाई समेत उनीभन्दा माथि राखिएको छ। राप्रपाले समितिप्रति असन्तुष्टि जनाएको छ। यता राप्रपाका शीर्ष नेताहरू उपेक्षामा पर्दा राजतन्त्र पुनःस्थापना आन्दोलनमा एमालेका नियुक्ति खाएका नेताहरू समेत समावेश भएका छन्।

बिएल संवाददाता

बिएल संवाददाता - काठमाडौं

माओवादी सरकारमा जाँदैन, देशमा ‘संकट आयो’ भने विचार गर्छौंः प्रचण्ड

उनले सरकार भ्रष्टाचारलाई जोगाउने पक्षमा र आफूहरु नियन्त्रण गर्ने पक्षमा रहेकाले बिमति भएको भन्दै सरकरसँग कुनै मिलन विन्दु नरहेको बताए। उनले भने, ‘आजभोलि चर्चा आइरहेको छ। कांग्रेस, एमाले र माओवादी मिलेर सरकार बनाउने भए रे भनेर चर्चा सामाजिक सञ्जालमा भइरहेको छ। हामी अहिले सरकारमा जाने कुनै नीति लिएको छैनौं, लिँदैनौं पनि। देशमा संकट आए विचार गर्छौं। तर यही सरकारमा गएर सामेल हुने कुनै नीति छैन। त्यस्तो औपचारिक रुपमा कुरा पनि कसैसँग भएको छैन। भ्रष्टाचारलाई जोगाउने सरकार र हामीबीच सुरुमा नै ठूलो बिमती भएको छ। भ्रष्टाचार नियन्त्रण गर्ने कि बचाउने हामी रोक्नपर्छ भन्ने पक्षपातीमा भयौं। अहिलेको सरकार बचाउने पक्षमा भएकाले मिलन विन्दु हामीले देखेका छैनौ।’

बिएल संवाददाता

बिएल संवाददाता - काठमाडौं

राजावादीविरुद्ध नेकपा एसले एक लाख जनता उतार्ने

नेकपा एकीकृत समाजवादीले राजावादीहरू विरुद्ध चैत १५ गते आयोजना गर्ने जनविरोधमा एक लाखभन्दा बढी जनता उतार्ने दाबी गरेको छ। सोमबार स्थायी कमिटीको बैठकपछि सञ्चारकर्मीहरूसँग कुरा गर्दै उपाध्यक्ष जगन्नाथ खतिवडाले जनता राजावादीहरूसँग नभइ गणतन्त्रकै पक्षमा छन् भन्ने प्रमाणित गर्न विरोधसभा गर्न लागेको जानकारी दिए। उनले भने, ‘चैत १५ गते नेकपा एसले एउटा जनप्रदर्शनको आयोजना गर्दैछ। त्यसलाई भव्य र सफल बनाउन समाजवादीको तर्फबाट अधिकतम प्रयास गर्ने विषयमा छलफल भयो। राजावादीहरूले गरेको गतिविधिहरूलाई खण्डन गर्ने र जनता गणतन्त्रवादीसँगै छन्, नाटकीय ढंगले प्रचार गर्दैमा जनता राजावादी हुँदैनन भन्ने देखाउनको लागि र जनताको आकांक्षा सडकमा प्रर्दशन गर्ने हाम्रो पहिलो प्रयास हो। लाखभन्दा माथि नै जानुपर्छ भन्ने तरिकाले कोशिस गर्नेछौं।’

बिएल संवाददाता

बिएल संवाददाता - काठमाडौं

जनता ‘बरु एउटै राजा पालेको भए हुन्थ्यो’ भन्ने भ्रममा पर्ने डर बढ्योः माओवादी सांसद

नेकपा माओवादी केन्द्रकी सांसद उर्मिला अर्यालले जनतामा वर्तमान व्यवस्थाप्रति वितृष्णा बढ्दै गएको बताएकी छन्। राष्ट्रिय सभाको सोमबारको बैठकमा बोल्दै उनले राजनीतिक दलहरू कार्यकर्ता पाल्ने प्रवृत्तिबाट माथि उठ्न नसकेका कारण जनतामा एउटै राजा पालेको भए हुने रहेछ भन्ने भ्रम पर्ने डर देखिएको बताइन्। उनले भनिन्, ‘हामी बिग्रियौं, यस्तै हो भने जनता एउटै राजा पालेको भए हुन्थ्यो भन्ने भ्रममा पर्ने डर छ। म सबैलाई सचेत हुन अुनरोध गर्न चाहन्छु।’

बिएल संवाददाता

बिएल संवाददाता - काठमाडौं

पूर्वविशिष्टलाई सुविधा ‘घटाउने कि बढाउने’ संसदले निर्णय गर्छः गृहमन्त्री

उनले भने, ‘कसलाई कति सुविधा दिने? दिने कि नदिने? दिने हो भने कसरी दिने? कति दिने? किन दिने? यो सबैको अन्तिम निर्णयकर्ता यो सम्मानित सदन हो। यही त्यसैले यही सदनमा छलफल गरेर टुंगोमा पुग्नुपर्छ भन्ने सरकारको धारणा हो। जे दिनुपर्छ, जे गर्छ, सदनले गरोस्। सुविधा घटाउने कि बढाउने सदनले निर्णय गर्नेछ।’ उनले पूर्वविशिष्ट पदाधिकारीको सुविधासम्बन्धी विधेयक तर्जुमाको विषयलाई लिएर सञ्चारमाध्यममा प्रकाशित र संसदमा अभिव्यक्त विषयलाई सरकार र गृहमन्त्रालयले गम्भीरतापूर्वक लिएको बताए।

बिएल संवाददाता

बिएल संवाददाता - काठमाडौं

भूमिसम्बन्धी अध्यादेश आउने सम्भावना अब समाप्त भयोः सांसद घिमिरे

नेपाली कांग्रेसका प्रमुख सचेतक श्याम घिमिरेले भूमिसम्बन्धी अध्यादेश अब अध्यादेशको रुपमा आउने सम्भावना समाप्त भएको बताएका छन्। सोमबार संसद भवन परिसरमा सञ्चारकर्मीहरूसँग कुराकानी गर्दै उनले त्यसलाई अब परिमार्जित गरेर सबैलाई स्वीकार हुनेगरी कानुनकै रुपमा अगाडि बढाउने बताए। उनले भने, ‘भूमिसम्बन्धी अध्यादेश अब अध्यादेशको रुपमा आउने अब समाप्त भइसकेको अवस्था छ। अब त्यसलाई कसरी हुन्छ परिमार्जित गरेर सबैलाई स्वीकार हुनेगरी कानुनकै रुपमा अगाडि बढाउने हो।’

बिएल संवाददाता

बिएल संवाददाता - काठमाडौं

राजा ल्याउने अभियानका नाइकेले छोडे राप्रपा

सोमबार राजावादी मोर्चाको भेलामा ८६ वर्षीय सुवेदी राप्रपा परित्याग गरेको घोषणा गरेका हुन्। उनले अब राजावादी मोर्चाको सर्वस्वीकार्य नेतृत्व बन्नका लागि आफूले अब पार्टीगत राजनीति त्यागेको घोषणा गरेको बताए। पूर्वराजा ज्ञानेन्द्र शाहका विश्वासपात्र सुवेदी राप्रपाका वरिष्ठ नेता एवं राष्ट्रिय पञ्चायतका पूर्वअध्यक्षसमेत हुन्। पूर्वराजको आह्वानमा राजसंस्था पुनर्स्थापनाको आन्दोलनका लागि नवराज सुवेदीको नेतृत्वमा मोर्चाबन्दीको तयारी भएको थियो। सुवेदीको नेतृत्वमा राजावादी आन्दोलनका लागि मोर्चा गठन भएपछि दुई राप्रपाका अध्यक्षहरूले असन्तुष्टि जनाएका थिए। राप्रपा अध्यक्ष राजेन्द्र लिङदेन र राप्रपा नेपालका अध्यक्ष कमल थापाले असन्तुष्टि जनाएका थिए।

बिएल संवाददाता

बिएल संवाददाता - काठमाडौं

सांसद घिमिरेलाई चुनौती- यौन व्यवसायलाई आफ्नै परिवारबाट मान्यता दिन आँट गर्नुहुन्छ?

नेकपा माओवादी केन्द्रकी सांसद दुर्गा राईले नेपाली कांग्रेसका प्रमुख सचेतक श्याम घिमिरेले यौैन व्यवसायलाई कानुनी मान्यता दिनुपर्ने भनेर संसदमा राखेको अभिव्यक्तिमाथि आपत्ति जनाएकी छन्। सोमबार बसेको प्रतिनिधिसभाको बैठकमा शून्य समयमा बोल्दै उनले यस्तो अभिव्यक्तिले समाजलाई अराजकतातिर पुर्‍याउने भन्दै उक्त भनाइलाई रेकर्डबाट हटाउनको लागि रुलिङको माग गरिन्। उनले भनिन्, ‘हिजो सत्ता पक्षका माननीयज्यूले यौैन व्यवसायलाई कानुन बनाइ मान्यता दिएर पर्यटकलाई आकर्षणगरी अर्थोपार्जन गरौं भन्ने कुरा दोस्रोपटक यस संसदमा उठाउनु आपत्तिजनक कुरा हो। यस्तो चिन्तनको घोर भत्सर्ना गर्छु। यस्तो विचारले अनुशासित र मर्यादित रुपमा रहेको समाजलाई अराजकतातिर पुर्‍याउँछ। त्यसैले यो भनाइलाई रेकर्डबाट हटाउनको लागि रुलिङको माग गर्छु।’

बिएल संवाददाता

बिएल संवाददाता - काठमाडौं

माओवादीकी समानुपातिक सांसद भन्छिन्- ज्ञानेन्द्र शाहीलाई निःशुल्क इतिहास पढाउँछु

सांसद ल्हामुले आइतबार एमाले सांसद रघुजी पन्तले एउटा इतिहास पढाइदिएको र शाहीलाई अझै इतिहास जान्न मन भए आफूले पनि थप इतिहास पढाइदिन तयार रहेको टिप्पणी गरेकी हुन्। उनले भनेकी छन्, ‘विरेन्द्रको परिवार मारिए लगत्तै हत्त न पत्त श्रीपेच खोसेर लगाएका ज्ञानेन्द्र त नक्कली राजा हुन्। शाहवंशको इतिहासले त्यहि भन्छ। राजावादीले आफ्नै राजामाथि विभेद गर्ने। नजाने इतिहास पढ्न आउनुहोस्। म तपाईंलाई नरभूपालदेखि पारससम्मको इतिहास निःशुल्क पढाइदिन्छु। यो तपाईँको लागि आवश्यक छ। तपाई मेरै जिल्लाको भाई भएकाले यो अफर दिएको नत्र अन्य राजावादीलाई शुल्क लाग्छ।’ त्यस्तै उनले सांसद शाही अन्धकारमा रहेको र उल्टो खोलो फर्काउन हिँडेको टिप्पणी गरेकी छन्। उनी भन्छिन्, ‘हाम्रा जुम्लाका माननीय ज्ञानबहादुरले सुख्खा खोलो बोक्नु कति अज्ञानी बन्नु भएको हँ?’

बिएल संवाददाता

बिएल संवाददाता - काठमाडौं

रघुजीले ज्ञानबहादुर शाहीलाई भनेको ‘तपाईं मिस्टर’ शब्द रेकर्डबाट हटाउन माग

राप्रपा सांसद दिपकबहादुर सिंहले सांसद ज्ञानबहादुर शाहीमाथि एमाले सांसद रघुजी पन्तले अपशब्द बोलेको भन्दै आपत्ति जनाएका छन्। सोमबार प्रतिनिधिसभा बैठकमा बोल्दै सिंहले सांसद पन्तले शाहीमाथि मिस्टर, तपाईं, तिमीजस्ता शब्द प्रयोग गरेको भन्दै सचेत गराउन माग गरेका हुन्। सांसद सिंहले शाहीमाथि अपशब्द बोलेर मानहानी गरेको भन्दै एमाले सांसदको अभिव्यक्ति संसदको रेकर्डबाट हटाउन पनि माग गरे।

बिएल संवाददाता

बिएल संवाददाता - काठमाडौं

बीआरआई नेपालका लागि ‘लाभदायी प्रोजेक्ट’ हो, विवाद गर्नु आवश्यक छैन: झलनाथ खनाल

पूर्वप्रधानमन्त्री तथा एकीकृत समाजवादीका सम्मानित नेता नेपाल झलनाथ खनालले बीआरआईले अधिकतम रुपमा नेपाललाई हित हुनेगरी परियोजनाहरू लागू गर्ने प्रकृया थालनीको महत्वपूर्ण अवसर प्राप्त भएको बताएका छन्। काठमाडौंमा बीआरआईबारे नेपालको सन्दर्भमा चीन र नेपालको तर्फबाट विज्ञ तथा प्राध्यापकहरू सम्मिलित बौद्धिक व्यक्तित्वहरूको सहभागितामा ‘काष्ठमण्डप डायलग’ सिरिजको पहिलो छलफल कार्यक्रममा बोल्दै उनले नेपालले बीआरआई कन्सेप्टलाई सही ढंगले नबुझेको बताए।

बिएल संवाददाता

बिएल संवाददाता - काठमाडौं

नयाँ आईजीपीबारे निर्णय गर्न ओलीले बोलाए मन्त्रिपरिषद बैठक

प्रधानमन्त्री केपी शर्मा ओलीले मन्त्रिपरिषद् बैठक बोलाएका छन्। बैठक अपराह्न ४ बजे प्रधानमन्त्रीको सरकारी निवास बालुवाटारमा बस्नेछ। आजको बैठकले नेपाल प्रहरीमा आज रातिबाट रिक्त हुने प्रहरी महानिरीक्षक (आईजीपी) नियुक्ति गर्ने सम्भावना रहेको छ। नेपाल प्रहरीको नेतृत्व सम्हालिरहेका प्रहरी महानिरीक्षक बसन्तबहादुर कुँवरले आजदेखि अनिवार्य अवकाश पाउँदैछन्।

बिएल संवाददाता

बिएल संवाददाता - काठमाडौं

‘अब शिक्षकहरूले नै अर्को जनआन्दोलन सुरु गर्छन्’

विद्यालयमा राजनीतिको कुरा आयो, हामी राजनीति गर्दैनौं। हामी कुनैपनि दलका कार्यकर्ता होइनौं र हुन पनि आउँदैनौ। तर मानिसहरुले हामीलाई किन राजनीति गर्‍यौ भन्दैछन् हामीले बुझेका छैनौं।

बिएल संवाददाता

बिएल संवाददाता - काठमाडौं

एनआरएनए महाधिवेशन: घले समूहलाई सरकारकाे पनि साथ

यो समूहले घले नेतृत्वको उच्चस्तरीय समितिलाई आधिकारिकता नभएको भन्दै उसका कुनै पनि निर्णय र अपिलहरूलाई अस्वीकार गर्दै आएको छ। समितिले आगामी मे महिनामा एनआरएनएको महाधिवेशन तय गरिसकेको छ। यसमा अब सरकारी अधिकारीहरूले चासो व्यक्त गरेका छन्।

बिएल संवाददाता

बिएल संवाददाता - काठमाडौं

श्याम घिमिरेको माग- यौन व्यवसायलाई व्यवसायीकरण गरौं, पर्यटक बढ्छन्

घिमिरेले यौन व्यवसायलाई व्यवसायीकरण गरेर पर्यटकको संख्या बढाउनुपर्ने माग गरेका हुन्।   त्यस्तै उनले उनले मन्दिर तथा धार्मिकस्थल वरपर मदिराजन्य पसलहरू राख्न नदिने र यसका लागि निश्चित ठाउँ छुट्याउनुपर्ने बताए। उनले भने, ‘धार्मिक क्षेत्रमा पूर्णरुपले मदिरा, मासुजन्य पदार्थहरू प्रतिबन्ध गर्नुपर्छ। तर, व्यवसायिक विकासका लागि निश्चित ठाउँहरू तोकेर जानुपर्छ। मदिराको लागि छुट्टै, मनोरञ्जनको लागि पनि छुट्टै ठाउँको व्यवस्था गर्नुपर्छ। मैले त बारम्बार भन्ने गरेको छु- यौन व्यवसायलाई पनि व्यवसायिकरण गरौं। जसले यो मुलुकमा पर्यटकको संख्यालाई बढाउनेछ।’

बिएल संवाददाता

बिएल संवाददाता - काठमाडौं

कार्यशैलीमा सुधार नगरेसम्म अध्यादेशले पनि केही हुनेवाला छैनः मन्त्री गुरुङ

उनले समयअनुकुल नीतिहरू संशोधन र परिमार्जन नगर्दा हरेक काममा समस्या देखिएको बताए। उनले भने, ‘समयअनुकुल नीतिहरू संशोधन नगर्दा परिमार्जन नगर्दा त्यसको आधारमा बन्ने कानुनहरू, नियमहरूले पनि समस्या पारेको छ। एउटा मन्त्रालय र अर्को मन्त्रालयमा समस्या पैदा गर्ने खालको कानुन निर्माण गर्दा सुशासन कायम गर्न नसकेको र राजस्व संकलनको लागि पनि समस्या भएको छ। अहिले विद्यमान जुन अस्पष्ट नीति नियम र कानुनहरू छन् त्यसले पनि समस्या ल्याएको छ।’ अहिले पनि कार्यशैलीमा समस्या रहेको भन्दै उनले कार्यशैलीमा सुधार नगरेसम्म जस्तोसुकै अध्यादेश ल्याए पनि काममा सुधार नहुने दाबी गरे।

बिएल संवाददाता

बिएल संवाददाता - काठमाडौं

प्रचण्डको स्टाटस लगत्तै राप्रपाका नेता छुटाउन पुगे माओवादी नेताहरू

आइतबार अपराह्न प्रचण्डले कसैको फोटो जलाउँदैमा पक्राउ गर्न नहुने भन्दै राप्रपा नेता पक्राउप्रति असन्तुष्टि जनाएका थिए। प्रचण्डको असन्तुष्टि लगत्तै माओवादी मकवानपुरका नेताहरू राप्रपा नेतालाई छुटाउँन प्रहरी कार्यालय पुगेका हुन्। माओवादीका मकवानपुर जिल्ला इन्चार्ज विजय गौतमसहित नेताहरू बमलाई रिहा गरिदिन आग्रह गर्दै जिल्ला प्रहरी कार्यालय पुगेको प्रहरी स्रोतले बतायो। यसअघि माओवादीकै नेताहरूले प्रचण्डको तस्बिर जलाएका बमविरुद्ध उजुरी दिएका थिए। सोही उजुरीका आधारमा उनी पक्राउ परेका थिए।

बिएल संवाददाता

बिएल संवाददाता - काठमाडौं

ललितपुरमा थपिए निषेधित क्षेत्र

सोमबारदेखि लागू हुनेगरी ललितपुरका प्रमुख जिल्ला अधिकारी रमेश ढकालले जारी गरेको निषेधाज्ञा आगामी २ महिनासम्म जारी रहनेछ। यूएन हाउस र पुरानो मन्त्री क्वार्टरमा पूर्वतर्फ इनारमोड जाने मूलबाटो, पश्चिमतर्फ राष्ट्रिय कितावखाना (निजामती), उत्तरतर्फ आन्तरिक राजस्व कार्यालय र दक्षिणतर्फ राष्ट्रिय मानव अधिकार आयोग, राष्ट्रिय सहकारी विकास बोर्डको चौहद्दीभित्र सम्मको क्षेत्रलाई निषेधित क्षेत्र घोषणा गरिएको छ। त्यस्तै भैंसेपाटीस्थित नयाँ मन्त्री निवास क्षेत्रमा पूर्वमा भैँसेपाटीबाट बुङमती जाने सडक, पश्चिमतर्फ सिजी हाउजिङ, उत्तर भैसेपार्टी आवास गेट र दक्षिणतर्फ इटनी जाने ओरालो सीमा कायम गरी सोभित्रको क्षेत्रलाई निषेधित क्षेत्र तोकिएको हो।

बिएल संवाददाता

बिएल संवाददाता - ललितपुर

भ्रष्टाचारबाट कमाएको सम्पत्ति सरकारको नाममा ल्याउने गृहमन्त्रालयको तयारी

गृहमन्त्री रमेश लेखकले भ्रष्टाचारबाट आर्जन गरेको सम्पत्ति सरकारका नाममा फिर्ता ल्याउने निर्णय गरेका छन्। सर्वोच्च अदालतबाट जफत हुने भनेर फैसला भएका घरजग्गा सरकारका नाममा ल्याउन मन्त्री लेखकले दुई दिनअघि निर्णय गरी कार्यान्वयन प्रक्रिया अघि बढाएका हुन्। सर्वोच्च अदालतबाट फैसला भई जफत गर्नुपर्ने घरजग्गा लामो समयदेखि कसुरदारले नै प्रयोग गर्दै आएको अवस्थामा मन्त्रालयले जफत गर्ने कार्यलाई सक्रियताका साथ अघि बढाएको गृह मन्त्रालयले जनाएको छ।

बिएल संवाददाता

बिएल संवाददाता - काठमाडौं

ट्रेन्डिङ