विनियोजन र कार्यान्वयनबीचको खाडल पुर्न कस्सिएर लागेको छुः अर्थमन्त्री
अर्थमन्त्री विष्णु पौडेलले विनियोजन र कार्यान्वयनबीचमा भएको ठूलो खाडल पुर्न आफू कस्सिएर लागेको दाबी गरेका छन्। शनिबार काठमाडौंमा आयोजित पूर्व बजेट छलफल कार्यक्रममा उनले विगत वर्षका बजेटहरूले विनियोजन र कार्यान्वयनबीच खाडल बनाएको भन्दै खाल्डो झन् खन्न नभइ पुर्न कस्सिएको बताए। उनले भने, ‘विनियोजन र कार्यान्वयनको बीचमा ठूलो खाडल छ। यो खाडल खनेपछि खाडल भइ नै हाल्छ। खनेकै खाडल हो। हामीले विगत वर्षका बजेटहरूलाई हेरौं, हामीले खाडल खन्यौं कि खनेनौं? ७ हजार योजनामा ११ हजार योजना थप्यौं, योभन्दा उत्कृष्ट विनियोजन संसारमा खोज्न जानपर्छ। यस्तो उत्कृष्ट विनियोजनको अति उत्कृष्ट कार्यान्वयनको उदाहरण खोज्न पनि कतै जानु पर्ला त? त्यसकारण म के आग्रह गर्न चाहान्छु भने अहिले अर्थमन्त्री खाल्डो खन्न होईन पुर्न कस्सिएको छ र यसमा तपाईंहरूको साथ चाहिएको छ।’
बिएल संवाददाता - काठमाडौं
