महानगरको टोलीलाई निर्मल निवासको गेटबाटै फर्काइयो
शनिबारमात्रै महानगरले ज्ञानेन्द्र शाहलाई विभिन्न शीर्षकहरूमा लगभग ७ लाख ९३ हजार जरिवाना तोकेर पत्र काटेको थियो।
बिएल संवाददाता - काठमाडौं
शनिबारमात्रै महानगरले ज्ञानेन्द्र शाहलाई विभिन्न शीर्षकहरूमा लगभग ७ लाख ९३ हजार जरिवाना तोकेर पत्र काटेको थियो।
बिएल संवाददाता - काठमाडौं
राष्ट्रिय प्रजातन्त्र पार्टीका बरिष्ठ उपाध्यक्ष रवीन्द्र मिश्र, महामन्त्री धवल समशेर राणालगायत हत्या, हिंसा र तोडफोड तथा आगजनी एंव लुटपाट गर्ने ११२ जनालाई प्रहरीले नियन्त्रणमा लिएको थियो। त्यो आन्दोलनका लागि ‘कमाण्डर’ तोकिएका दुर्गा प्रसाईं भने त्यही दिनदेखि फरार छन्। प्रहरीले उनको खोजी भइरहेको जनाएको छ।
बिएल संवाददाता - काठमाडौं
‘तर खुला समाजमा सबै कुरा छर्लङ्ग नै छ।राजावादी र पूर्वपञ्चहरुले यो सबै अपराधको भारी दुर्गा प्रसाईं र उनका अनुचरलाई बोकाएर उम्कन खोजेको भए थोरै भएपनि विश्वास गर्थे होला नेपाली जनताले। घटना घटेको दिनसम्म राप्रपाको संस्थापनपक्षलाई लागेको त यस्तै थियो। तर निर्मल निवासको ‘थ्रेट’का सामु उनीहरू निरही देखिए र भन्न थाले ’प्रहरी दमनको प्रतिरोध गरेका हुन् आन्दोलनकारीले। आँखोदेखा सत्यलाई निर्मल निवासको भयले थिच्दा यस्तै भयो पूर्वपञ्चहरूको नियती।’
बिएल संवाददाता - काठमाडौं
हमासले नेपाली विद्यार्थी बिपीन जोशीलाई पनि बन्धक बनाएको थियो। तर उनको अवस्थाको बारेमा पनि जानकारी यकीन छैन। १९ महिनाअघि युद्ध सुरु हुँदा हमासको आक्रमणमा परेर इजरायलमा अध्ययनरत १० जना नेपालीको ज्यान गएको थियो। त्यही बेला हमासले बिपीनलाई पनि बन्धक बनाएको थियो।
बिएल संवाददाता - काठमाडौं
नेकपा एमाले बागमती प्रदेश कमिटी अध्यक्ष कैलाशप्रसाद ढुङ्गेलले ‘मरिसकेको राजतन्त्र’लाई फेरी ब्युँताउने सपना नदेख्न राजावादीलाई चेतावनी दिएका छन्। राष्ट्रिय युवा संघ नेपाल रामेछाप नगरपालिका कमिटीले शनिबार पुष्पलालको जन्मथलो रामेछापमा आयोजना गरेको तेस्रो नगर अधिवेशन उदघाटन कार्यक्रमलाई सम्बोधन गर्दै ढुङ्गेलले विकास विरोधी नवराज सुवेदी जस्ता ‘गन्हाउने सिद्रा’लाई बोकेर राजतन्त्र फिर्ता ल्याउने सपना नदेख्न चेतावनी दिए। ‘रामेछापको विकास रोक्ने, रामेछापका जनतालाई भरियाको युगबाट माथि उठ्न नदिने, विकास विरोधी नवराज सुवेदीलाई बोकेर पूर्वराजा ज्ञानेन्द्रले राजतन्त्र फर्काउने सपना नदेखे हुन्छ’, उनले भने।
बिएल संवाददाता - रामेछाप
त्रिभुवन विश्वविद्यालयका उपकुलपति प्रा. डा. केशरजंग बरालले पदबाट राजीनामा दिएका छन्। उनको राजीनामा पत्र बुझ्दै प्रधानमन्त्री तथा मन्त्रिपरिषद्को कार्यालयले बरालले स्वास्थ्यको कारण देखाएर राजीनामा दिएको बताएको छ। उनले आफ्नो स्वास्थ्य समस्याका कारण पदमा बसिरहन नसक्ने भन्दै प्रधानमन्त्री एवं त्रिविका कुलपतिलाई सम्बोधन गरेर राजीनामा पत्र पठाएर पोखरा लागेका छन्। गत वर्ष फागुनमा तत्कालिन प्रचण्ड सरकारले बराललाई त्रिवि उपकुलपति नियुक्त गरेको थियो।
बिएल संवाददाता - काठमाडौं
प्रहरी महानिरीक्षक दिपक थापाले शान्ति सुव्यवस्था कायम राख्नु र जीउ धनको सुरक्षा गर्नु नेपाल प्रहरीको प्रमुख जिम्मेवारी भएको बताएका छन्। उनले जस्तोसुकै विषम परिस्थितमा पनि उच्च मनोबलका साथ उपलब्ध संयन्त्रको अधिकतम उपयोग गरी प्रहरी परिचालन गर्नुपर्ने बताएका छन्। नेपाल प्रहरी प्रधान कार्यालयबाट भर्चुअल माध्यमद्वारा समसामयिक विषयवस्तु लगायतका विषयमा शनिबार प्रहरी कर्मचारीहरूलाई निर्देशन सम्बोधनको क्रममा प्रहरी महानिरीक्षक थापाले यस्तो बताएका हुन्। प्रहरी महानिरीक्षक थापाले आ-आफ्नो क्षेत्रमा कुनैपनि आपराधिक क्रियाकलापका घटनाहरू हुन नदिन प्रभावकारी सुरक्षा व्यवस्था मिलाउनुपर्ने उल्लेख गर्दै आपराधिक गतिविधिको सूचना संकलन तथा विश्लेषण गरी आवश्यक सुरक्षा रणनीति एवम् प्रभावकारी प्रहरी परिचालनमा कटिबद्ध हुन निर्देशन दिए।
बिएल संवाददाता - काठमाडौं
राष्ट्रिय प्रजातन्त्र पार्टी (राप्रपा)ले पार्टीका उपाध्यक्ष रवीन्द्र मिश्र र महामन्त्री डा. धवलशमशेर राणालाई २४ घण्टाभित्र रिहा गर्न अल्टिमेटम दिएको छ। शनिबार बसेको पार्टी केन्द्रीय कार्यसम्पादन समितिको बैठकपछि सञ्चारकर्मीसँग कुराकान गर्दै अध्यक्ष राजेन्द्र लिङ्देनले दुई नेतासहित पक्राउ परेका सबै आन्दोलनकारीलाई २४ घण्टाभित्र रिहा गर्न अल्टिमेटम दिएको जानकारी गराए। पक्राउ परेकाहरू २४ घण्टाभित्र रिहा नभए देशव्यापी विरोधका कार्यक्रमहरू र आन्दोलन गर्ने चेतावनी राप्रपाले दिएको छ।
बिएल संवाददाता - काठमाडौं
अभिनेत्री मनिषा कोइरालाले राजावादीको आन्दोलनमा हिंसात्मक भएकोप्रति टिप्पणी गरेकी छन्। राजतन्त्रकै पक्षधर कोइरालाले आन्दोलनका क्रममा ठूलो धनजनको क्षति भएपछि असन्तुष्टि जनाएकी हुन्। शुक्रबार राति उनले सामाजिक सञ्जाल एक्समा लेखेकी थिइन्, ‘जब अपराधीहरू देशका नेता बन्छन्!’ उनको भनाइमा समर्थन गर्दै नेकपा एकीकृत समाजवादीकी नेतृ तथा पूर्वमन्त्री रामकुमारी झाँक्रीले पनि समर्थन गर्दै जवाफ फर्काएकी छन्। उनले कोइरालाको ट्वीटमा भनिन्, ‘जब अपराधीहरू देशको राजा बन्छन्... यो सत्य हो।’
बिएल संवाददाता - काठमाडौं
नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले समाजवादी मोर्चाले शुक्रबार पचासौं हजार जनता सडकमा उतारेर ठूलो खतरा टारेको दाबी गरेका छन्। शनिबार प्रेस सेन्टर नेपालको पाँचौं राष्ट्रिय महाधिवेशनमा बोल्दै प्रचण्डले समाजवादी मोर्चाले हिजो कार्यक्रम राखेकै कारण धेरै धनजनको क्षति हुनबाट बचेको बताएका हुन्। उनले भने, ‘यदी समाजवादी मोर्चाले पचासौं हजारौं जनता हिजो सडकमा नउतारेको भए हिजो शालिनता, संयमता, अनुशासन र सभ्यताको प्रतिकका रुपमा आफूलाई प्रस्तुत नगरेको भए धेरै ठूला दुर्घटना हुने खतरा थियो। हामीले हिजो कार्यक्रम राखेकै कारणले धेरै धनजनको क्षति हुनबाट बच्यो।’
बिएल संवाददाता - काठमाडौं
काठमाडौं महानपालिकाले तीनकुने क्षेत्रमा सार्वजनिक सम्पत्तीमा क्षति पुर्याएको भन्दै पूर्वराजा ज्ञानेन्द्र शाहलाई जरिवाना पत्र पठाएको छ शुक्रबारको हिंसात्मक प्रदर्शनका क्रममा तीनकुने, कोटेश्वरलगायतका क्षेत्रमा भएको सार्वजनिक संरचनाको क्षति र महानगरको सम्पत्तिमा भएको क्षतिलगायतको फरकफरक शीर्षकमा महानगरले जरिवाना पत्र निर्मल निवास पठाएको हो। महानगरले क्षतिको मुल्यांकनका लागि शहरी योजना आयोग, शहरी व्यवस्थापन विभाग, महानगर प्रहरी बलसहितको टोली बनाएको थियो। सोही समितिको मुल्यांकनका आधारमा ७ लाख ९३ हजारको बिल निर्मल निवास पठाएको महानगर स्रोतले जनायो।
बिएल संवाददाता - काठमाडौं
शुक्रबार भएको हिंसात्मक आन्दोलनका क्रममा भौतिक संरचनामाथि क्षति गर्नेहरूलाई जरिवाना तिराउन काठमाडौं महानगरपालिकाले अध्ययन टोली गठन गरेको छ। शहरी योजना आयोग, शहरी व्यवस्थापन विभाग, महानगर प्रहरी बलसहितको टोली बनाएर क्षतिसहित तिराउनुपर्ने जरिवानाबारे अध्ययन थालेको मेयर बालेन साहको सचिवालयले जनाएको छ। सामान्य अवस्थामा फोहोर र सामान्य भौतिक संरचनाको क्षतिका लागि १ लाख जरिवाना तिराउने गरिएकोमा शुक्रबार भने ठूलो भौतिक क्षति भएकोले क्षतिअनुसारको जरिवाना तिराउने तयारी गरिएको सचिवालयले जनाएको हो।
बिएल संवाददाता - काठमाडौं
राष्ट्रिय प्रजातन्त्र पार्टी (राप्रपा) महामन्त्री एवं प्रतिनिधि सभा सदस्य धवल शमशेर राणा पक्राउ परेको सूचना संसद सचिवालय पुगेको छ। सांसद पक्राउको सूचना सभामुखलाई दिनुपर्ने संविधानको धारा १०३ को उपधारा ३ को व्यवस्था अनुसार प्रहरीले राणालाई पक्राउ गरेको सूचना सभामुख र संसद सचिवालयलाई दिएको हो। संसद सचिवालयका प्रवक्ता एकराम गिरीले सांसद राणा पक्राउ परेको सम्बन्धी सूचना प्राप्त भएको जानकारी दिएका छन्। अब आइतबार बस्ने संसद बैठकमा सभामुखले संसदलाई राणा पक्राउ परेको सूचना दिनेछन्।
बिएल संवाददाता - काठमाडौं
राष्ट्रिय स्वतन्त्र पार्टी (रास्वपा) ले शुक्रबार तीनकुनेमा राजावादीहरूको प्रदर्शनका क्रममा भएको घटनामा उच्च न्यायिक छानबिन आयोग गठन गर्न सरकारसँग माग गरेको छ। शनिबार बसेको पार्टीको सचिवालय बैठकले काठमाडौंको तीनकुने, कोटेश्वर र जडीबुटी क्षेत्रमा शुक्रबार भएको घटनामा संलग्न दोषीहरूलाई कानुनी दायरामा ल्याएर कारबाही गर्न उच्च न्यायिक छानबिन आयोग गठन गर्नुपर्ने माग गरेको हो। रास्वपाले आगामी चैत १८ गते केन्द्रीय कार्यालय बनस्थलीमा बस्ने गरी पार्टीको केन्द्रीय समिति बैठक पनि बोलाएको छ।
बिएल संवाददाता - काठमाडौं
काठमाडौंको तीनकुनेमा शुक्रबारको हिंसात्मक घटनामा संलग्न रहेको आरोपमा प्रहरीले दुर्गा प्रसाईंका युवा कमाण्डरलाई पक्राउ गरेको छ। प्रसाईंको युवा समूह ‘रोयल टास्क फोर्स (आरटीएफ)’का कमाण्डर मुनिन्द्र राजभण्डारीलाई प्रहरीले बालाजु क्षेत्रबाट पक्राउ गरेको हो। यता राजावादी आन्दोलनका कमाण्डर प्रसाईंको अवस्था भने अझै अज्ञात छ। तीनकुने घटनाका मुख्य आरोपी बनाइएका प्रसाईंको खोजीमा प्रहरीको विशेष टोली परिचालन गरिएको छ।
बिएल संवाददाता - काठमाडौं
शुक्रबारको हिंसात्मक प्रदर्शनपछि फरार रहेका राजावादी आन्दोलनका कमाण्डर दुर्गा प्रसाईंको खोजीमा प्रहरीले विशेष टोली खटाएको छ। विशेष टोलीको अनुसन्धानमा तीनकुनेबाट भागेका प्रसाईं धर्मगुरु पुष्कर खतिवडाको इमाडोस्थित घरमा लुकेको खुलेको छ। खतिवडाको घरमा खाना खाएर निस्केका प्रसाईंको अवस्था त्यसपछि अज्ञात छ। प्रहरी उच्च स्रोतका अनुसार प्रसाईं ललितपुरबाट निस्केको सुराकी हालसम्म आएको छैन। उनी ललितपुरमै रहेको स्रोतको दाबी छ। उनलाई लुकाउन सहयोग गरेका धर्मगुरु खतिवडा भने पक्राउ परिसकेका छन्। उनलाई शनिबार बिहान प्रहरीले निवासबाटै पक्राउ गरेको थियो। पक्राउ परेका खतिवडाले प्रहरीलाई दिएको वयानमा प्रसाईं आफ्नो घरमा बसेर स्याउ र केरा खाएर निस्केको बताएका छन्।
बिएल संवाददाता - काठमाडौं
गृहमन्त्री रमेश लेखक गृहसचिवसहित सुरक्षा निकायका प्रमुखहरूलाई लिएर माओवादी केन्द्रको केन्द्रीय कार्यालय पेरिसडाँडा पुगेका छन्। राजावादीको हिंसात्मक प्रदर्शनका क्रममा भएको क्षतिको अनुगमनका लागि तीनकुने क्षेत्र पुगेका गृहमन्त्री लेखक माओवादीको कार्यालयको अनुगमनका लागि पुगेका हुन्। उनको टोलीले माओवादी केन्द्रीय कार्यालयका मुख्यसचिव कमरेड गणेशमान पुन, पार्टी उपाध्यक्ष तथा प्रवक्ता अग्नि सापकोटालगायत नेताहरूसँग भेटवार्ता गरेका थिए।
बिएल संवाददाता - काठमाडौं
नेपाली कांग्रेस निकट नेपाल विद्यार्थी संघले चैत्र १५ गते भएको अराजक गतिविधि, लुटपाट र हत्या, हिंसाजस्ता क्रूरतापूर्ण घटनाले राजावादीहरूको निरंकुश, अत्याचारी, सामन्ती सोच र शैली पुनः उजागर गरेको उल्लेख गरेको छ। संघका अध्यक्ष डुजाङ शेर्पाले शनिबार प्रेस विज्ञप्ति जारी गर्दै संघले अराजक गतिविधि, लुटपाट, सार्वजनिक तथा नीजि सम्पत्तिमा तोडफोड, व्यवसायीहरू माथिको नियोजित आक्रमण, स्वतन्त्र पत्रकारिताको मर्मलाई कुल्चिँदै गरिएको हत्या, हिंसा जस्ता क्रूरतापूर्ण घटनाले राजावादीहरूको निरंकुश शैली पुनः उजागर गरेको उल्लेख गरेका हुन्। ‘नेपालको संविधानले लोकतान्त्रिक प्रणालीलाई आत्मसात गर्दै हरेक नागरिकलाई अभिव्यक्ति स्वतन्त्रता, सभासम्मेलन गर्ने, राजनीतिक संघसंस्था खोल्न पाउने तथा शान्तिपूर्ण रूपमा विरोध प्रदर्शन गर्न पाउने अधिकार सुनिश्चित गरेको छ। तर काठमाडौमा अनियन्त्रित भीडद्वारा गरिएको अराजक गतिविधि, लुटपाट, सार्वजनिक तथा निजी सम्पत्तिमा तोडफोड, व्यवसायीहरू माथिको नियोजित आक्रमण, स्वतन्य पत्रकारिताको मर्मलाई कुल्चिदै गरिएको हत्या, हिंसा जस्ता क्रूरतापूर्ण घटनाले राजाबादीहरूको निरंकुश, अत्याचारी, सामन्ती सोच र शैली पुनःउजागर गरेको छ,’ विज्ञप्तिमा भनिएको छ।
बिएल संवाददाता - काठमाडौं
आफूलाई हिन्दुराष्ट्रको हिमायतीको रुपमा परिचय गराउँदै आएका धार्मिक अभियन्ता पुष्कर खतिवडा पक्राउ परेका छन्। सामाजिक सञ्जालमा चर्चित ज्योतिषीसमेत रहेका उनले आफूलाई निवासबाटै पक्राउ गरिएको सामाजिक सञ्जालमार्फत नै जानकारी गराएका हुन्। काठमाडौँ प्रहरी परिसरबाट खटिएको प्रहरी टोलीले शनिबार बिहान उनलाई इमाडोलस्थित घरबाटै पक्राउ गरेको हो।
बिएल संवाददाता - काठमाडौं
नेकपा माओवादी केन्द्रका अध्यक्ष पुष्पकमल दाहाल प्रचण्डले शुक्रबार भएको सबै आपराधिक गतिविधिको पछाडि ज्ञानेन्द्र शाहनै संलग्न भएको दाबी गरेका छन्। शनिबार नेकपा एकीकृत समाजवादीको केन्द्रीय कार्यालयको अवलोकन गर्दै उनले ज्ञानेन्द्र शाहको मानसिकता नै आपराधिक रहेको कुरा इतिहासमा पनि देखिएको र अहिले पनि देखिएको भन्दै यसरी छाडा हुने छुट दिन नहुने बताए। उनले सरकारले कडा कदम चाल्ने समय पनि यही नै भएको भन्दै अपराधीहरू सबैलाई छानबिन गरेर कारबाहीको दायरामा ल्याउनुपर्ने बताए।
बिएल संवाददाता - काठमाडौं
१ .
२ .
३ .
४ .
५ .