भित्र बैठकमा महाधिवेशनको मिति तय हुँदै गर्दा पार्टी कार्यालय सानेपामा तरुण दलका असन्तुष्ट समूह आज पनि आमरण अनशन जारी राखेका छन्। नेपाली कांग्रेसको केन्द्रीय समिति बैठक बस्नु एक दिन अघिदेखि कार्यालयको मूल गेटमा रोजन राई र अम्बिका बाँस्कोटाले आमरण अनशन सुरु गरेका हुन्। अनशनमा रहेका उनीहरुले माग पूरा नभएसम्म अनशन नतोड्ने बताएका छन ।
बिएल संवाददाता - काठमाडाैं
गृहमन्त्री रमेश लेखकले वर्तमानमा सत्ता गठबन्धनलाई २०८४ सम्म लिएर जानुपर्ने बताएका छन्। बुधबार डडेल्धुरामा पार्टी कार्यकर्तासँगको भेटघाट कार्यक्रममा गृहमन्त्री लेखकले कांग्रेस र एमालेको गठबन्धन विकल्प नभएको बताएका हुन्। उनले भने, ‘मैले हिजो पनि पार्टीको केन्द्रीय समिति बैठकमा ८४ सम्म यो गठबन्धनलाई निरन्तरता दिनुपर्छ। सरकार बनेको १ वर्ष हुन थालिसकेको छ। सम्माननीय प्रधानमन्त्री केपी शर्मा ओलीज्यू हुनुहुन्छ। एक वर्ष पछि हाम्रो पार्टी सभापति आदरणीय नेता शेरबहादुर देउवा प्रधानमन्त्री बन्नुहुन्छ। ८४ को निर्वाचन शेरबहादुर दाइले गर्नुहुन्छ।’
बिएल संवाददाता - काठमाडाैं
नेकपा एमालेका केन्द्रीय सदस्यसमेत रहेका कर्णाली विकास बैंकका पूर्वअध्यक्ष पशुपति दयाल मिश्र पक्राउ परेका छन्। कर्णाली विकास बैंकमा रकम अपचलन प्रकरणमा उनी पक्राउ परेका हुन्। विसं २०६६ सालदेखि ०७५ सालसम्म उनी बैंकका अध्यक्ष थिए। नेपालगञ्जबाट उनलाई बुधबार पक्राउ गरिएको प्रहरीको केन्द्रीय अनुसन्धान ब्यूरो ९सीआईबी० का प्रवक्ता तथा एसपी युवराज खड्काले जनाएका छन्।
बिएल संवाददाता - काठमाडाैं
आम जनतालाई ठिक तरिकाले बुझाउन नसक्दा आन्दोलनलाई प्रभावकारी बनाउन नसकेको भन्दै उनले भने, ‘हामीले ठिक तरिकाले संगठन निर्माण गर्न नसक्दा र आम जनतालाई ठिक तरिकाले बुझाउन नसक्दा हामीले आन्दोलनलाई प्रभावकारी र परिणाममुखी बनाउन सकेनौँ। तर फेरि पनि भन्छु हामीले यो देशमा यथास्थितीको अन्त्य गरेर एउटा नयाँ सम्झौता र समझदारीबाट देशलाई अगाडि लानको लागि आन्दोलन गर्नैपर्छ र आन्दोलन उठाउनै पर्छ। आन्दोलन अनिवार्य छ र हामीले गर्ने संगठनको सबै क्रियाकलापहरु आन्दोलनको तयारीको रुपमा नै हामीले बुझ्नुपर्छ।’
बिएल संवाददाता - काठमाडाैं
‘भविष्यमा मेरो (दलाई लामा)को पुनरावतार (उत्तराधिकारी) छान्ने अधिकार गादेन फोड्राङ ट्रस्टलाई मात्रै छ’ उनले भनेका छन् ‘मेरो मृत्युपछि पनि यो परम्परा जारी रहनेछ।’ त्यो ट्रस्ट भनेको उनी आफैले स्थापना गरेको बौद्ध धर्म प्रवर्द्धन संस्था हो। यो ६०० वर्षभन्दा पुरानो परम्परालाई कसैले पनि तोड्न नसक्ने पनि उनले बताएका छन्।
बिएल संवाददाता - काठमाडाैं
राज्य व्यवस्था तथा सुशासन समितिका सभापति रामहरि खतिवडाले आफ्नो इमान्दारितामाथि प्रहार भएको आरोप लगाएका छन्। बुधबार बसेको समितिको बैठकमा बोल्दै उनले आफू कुनै पनि बदमासीमा संलग्न नभएको दाबी गरेका हुन्।
बिएल संवाददाता - काठमाडाैं
केही दिनअघि अब आफू एमालेमा फर्किएर सक्रिय राजनीतिमा लाग्ने भन्दै उनले सदस्यता नविकरणसमेत गरिसकेको जनाएकी थिइन्। सक्रिय राजनीतिमा फर्केको घोषणा गरेपछि उनले राष्ट्र प्रमुखको हैसियतले लिँदै आएको सेवा सुविधा त्याग गरेकी हुन्।
बिएल संवाददाता - काठमाडाैं
नेकपा एकीकृत समाजवादीले रामकुमारी झाँक्रीलाई तीन दिने स्पष्टीकरण सोधेको छ। पार्टीकी स्थायी समिति सदस्य समेत रहेकी झाँक्रीले अध्यक्ष माधवकुमार नेपाललाई लक्षित गर्दै दिएकाे अभिव्यक्तिबारे स्पष्टीकरण सोधेको हाे।
बिएल संवाददाता - काठमाडाैं
एमाले सांसद पदम गिरीले राज्यव्यवस्था तथा सुशासन समितिका सभापतिको राजीनामा मागेका छन्। प्रतिनिधिसभाअन्तर्गतको राज्यव्यवस्था तथा सुशासन समितिको आजको बैठकमा बाेल्दै उनले सभापति रामहरि खतिवडाकाे राजीनामा मागेका हुन्।
बिएल संवाददाता - काठमाडाैं
नेकपा माओवादी केन्द्रका प्रमुख सचेतक हितराज पाण्डेले निजामती सेवा विधेयकमाथि भएको षड्यन्त्रमा संलग्न सबैमाथि कारबाही हुनुपर्ने माग गरेका छन्। प्रतिनिधिसभाअन्तर्गतको राज्यव्यवस्था तथा सुशासन समितिको आजको बैठकमा बाेल्दै उनले समितिका सभापति, सचिवदेखि सबैमाथि छानबिन हुनुपर्ने माग गरेका हुन्।
बिएल संवाददाता - काठमाडाैं
यो प्रकरण बाहिर आएपछि मंगलबार नै समितिको बैठक आह्वान भएको थियो। तर केही सांसदहरूले बैठक बहिष्कार गर्ने भनेपछि बैठक स्थगित भएको थियो। आजचाहिँ समितिको ‘आकष्मिक’ बैठक बसिरहेको छ। बैठकमा बोल्दै सत्ता र विपक्षी दलका सांसदहरूले समेत सभापति र समितिका सचिव सुरज दुराको राजीनामा माग गरेका छन्।
बिएल संवाददाता - काठमाडाैं
अमेरिका रक्षा विभागले अरु देशलाई दिँदै आएको सैन्य सहायता पनि अहिलेका लागि स्थगित गरेको छ। थप समीक्षापछि निर्णय लिइने उनले बताइन्। सन् २०२२ देखि रुस र युक्रेनबीच युद्ध चलिरहेको छ। यो युद्धका क्रममा अहिलेसम्म अमेरिकाले अर्बौं डलर बराबरको सैन्य सहायता र हतियारहरू दिइसकेकाे छ। अमेरिकाको यस्तो निर्णय हुँदै गर्दा ट्रम्प प्रशासनका केही अधिकारीहरूले भने अब अमेरिकाको हतियार भण्डार रित्तिदैं जान थालको भन्दै चिन्ता पनि व्यक्त गर्न थालेका छन्।
बिएल संवाददाता - काठमाडाैं
तत्कालीन प्रधानमन्त्री केपी शर्मा ओलीको पालामा अध्यादेशमार्फत विभिन्न संवैधानिक आयोगमा ५२ जना पदाधिकारी नियुक्ति भएका थिए। दुई पटक २०७७ माघ २१ मा ३२ जना र २०७८ असार १० मा २० जना पदाधिकारी नियुक्ति भएका थिए। पहिलोपटक २०७७ माघ २१ मा अख्तियार दुरुपयोग अनुसन्धान आयोगका प्रमुखमा प्रेमकुमार राई र आयुक्तहरू किशोरकुमार सिलवाल तथा जयबहादुर चन्द नियुक्त भएका थिए। त्यस्तै निर्वाचन आयोगमा आयुक्तहरू रामप्रसाद भण्डारी र जानकीकुमारी तुलाधर नियुक्त भएका थिए भने राष्ट्रिय मानवअधिकार आयोगमा अध्यक्ष तपबहादुर मगर, सदस्यहरू सूर्य ढुंगेल, लिली थापा, मिहिर ठाकुर र मनोज दवाडी नियुक्त भएका थिए।
बिएल संवाददाता - काठमाडाैं
ट्रम्पका अनुसार इजरायल र हमासबीच ३ वर्षभन्दा धेरै सयमदेखि चलिरहेको युद्ध समाप्त गर्नका लागि कतार र इजिप्टले प्रयास गरिरहेका छन्। ‘यहाँ शान्ति कायम गर्न निकै कठिन छ। त्यसका लागि कतार र इजिप्टले अन्तिम प्रस्ताव गर्नेछन्। मलाई आशा छ, हमासले पनि यो सहमति स्वीकार्नेछ। किनकि अवस्था अब थप सुध्रिनेछैन र अझ खराब हुँदै जानेछ’ ट्रम्पले भनेका छन्। अहिलेसम्म गाजामा कम्तीमा ५६ हजारभन्दा धेरै मानिस युद्धमा मारिइसकेका छन्। लाखौं मानिस भोकभोकै छन्। लाखौं विस्थापित र घरवारबिहीन भएका छन्।
बिएल संवाददाता - काठमाडाैं
ललितपुर महानगरपालिकाले आयोजना गरेको नदीजन्य विपद् व्यवस्थापनको तालिम समापन भएको छ। मंगलबार ललितपुरमा आयोजित एक कार्यक्रमकाबीच १८ दिने उक्त तालिम समापन गरिएको हो। गत जेठ २८ गतेदेखि सुरु भएको सामूदायिक प्रकोप स्वयंसेवक तालिम र असार ८ गतेदेखि सुरु भएको र्याफ्ट डुङ्गा राउडलिङ र पानी उद्धार तालिमको सुरु गरिएको थियो। त्यस्तै मंगलबार ललितपुरको टौदहमा डुंगा प्रयोग गरेर उद्दारको डेमो समेत प्रस्तुत गरिएको थियो।
बिएल संवाददाता - ललितपुर
अर्कातर्फ कांग्रेसका शुभेच्छुक तथा मुख्य भातृ संगठनको अधिवेनको विवाद चरम रुपमा बढेको देखिन्छ। कतिपय संगठनका कार्यकर्ताहरू पार्टी मुख्यालयमा विरोधमा बसेको अवस्था छ। जस्तो कि नेपाल तरुण दल। कांग्रेसको संगठनका विषयमा अर्को महत्वपुर्ण पक्ष भनेको महामन्त्रीहरूको सक्रियता र उनीहरूले प्रस्तुत गर्ने कार्यक्रम पनि हो। तर के त्यो विषयमा कांग्रेसभित्र निर्मम छलफल होला त? वा पार्टीका आगामी कार्यक्रमका विषयमा केही नयाँपन आउने सम्भावनाको अवस्था कसरी अघि बढ्ला भन्ने विषयमा पर्खनुपर्ने देखिन्छ। दुई दिन यता जारी कांग्रेसको केन्द्रीय समिति बैठकमा महाधिवेशनको मिति तोक्न पनि लविङ्ग र दवाबको प्रयास भइरहेका बुझिन्छ।
बिएल संवाददाता - काठमाडौं
परराष्ट्रमन्त्री डा. आरजु राणा देउवाले नेपालको कृषि क्षेत्रमा प्रत्यक्ष वैदेशिक लगानीका लागि विश्वका बहुराष्ट्रिय कम्पनीहरुलाई आग्रह गरेकी छन्। राष्ट्रसंघीय कृषि तथा खाद्य संगठन, एफएओको रोममा जारी ४४औं महासभा अन्तर्गत आज आयोजित कृषि तथा खाद्य प्रणालीसम्बन्धी उच्चस्तरीय सत्रलाई सम्बोधन गर्दै उनले कृषि क्षेत्रमा लगानी गरेर नेपालका मौलिक एवं विशिष्ठ उत्पादनहरूमार्फत विश्व बजारबाट लाभ लिन आग्रह गरिन्।
बिएल संवाददाता - काठमाडौं
नेपाली कांग्रेसका नेता शेखर कोइरालाले संसदको सर्वसहमति भएका समितिबाट पास भएका विधेयक संसदमा आउँदा हेरफेर हुनु अपराध भएको बताएका छन्। मंगलबार वरिष्ठ लेखक तथा सुप्रसिद्ध साहित्यकार मधुसुदन पाण्डेयद्धारा लिखित, अनुदित, सम्पादित तथा सहलिखित ‘शताधिक पुस्तक लोकापर्ण समारोह २०८२’ कार्यक्रममा बोल्दै उनले समितिबाट संसदमा आएका विधेयक हेरफेर हुनु गलत भएको र कसैलाई क्षम्य नहुने बताएका हुन्।
बिएल संवाददाता - काठमाडौं
नेपाली कांग्रेसका केन्द्रीय सदस्य एवं सांसद विनोद चौधरीले नेता डा. शेखर कोइरालाप्रति कटाक्ष गरेका छन्। आफूलाई केन्द्रीय सदस्य हुन योग्यता नपुगेको भन्दै नेता कोइरालाले सोमबार केन्द्रीय समितिमा दिएको अभिव्यक्तिको चौधरीले मंगलबार केन्द्रीय समितिमै प्रतिवाद गरेका हुन्। कांग्रेसको विधानअनुसार कांग्रेस विधान अनुसार केन्द्रीय सदस्यको उम्मेदवार हुन १० वर्ष क्रियाशील सदस्य हुनुपर्ने व्यवस्था भएपनि चौधरीलाई बिना योग्यता केन्द्रीय सदस्य बनाइएकोप्रति कोइरालाले सभापति शेरबहादुर देउवालाई प्रश्न गरेका थिए।
बिएल संवाददाता - काठमाडौं
थाइल्याण्डको एक संवैधानिक अदालतले प्रधानमन्त्री पेटोङटार्न सिनावात्रालाई निलम्बित गरेको छ। केही समयअघि थाई प्रधानमन्त्री सिनवात्रा र कम्बोडियाका पूर्वप्रधानमन्त्री हुन सेनबीच भएको टेलिफोन कुराकानी लीक भएपछि उनी विवादमा तानिएकी थिइन्।
बिएल संवाददाता - काठमाडाैं
१ .
२ .
३ .
४ .
५ .
